فيه جانب بكلمه من الناس ماحدش شايفه و لا حد سامعه
ناس بدون ناس.. ناس من غير اهل و لا صحبة و ماكنش بإيدها
ناس اتولدت في الفقر و بتحاول تغيره بس كل اللي منشور مش ليها لكن مكتوب لناس مرتاحة بتحاول توسع ثروتها
ناس يمكن تعبانه ضحت بنفسها و ماكنتش فاهمه انها بتقل من نفسها

يمكن ماعشتش كل الحاجات
بس اكيد اني عشت كتير و شايفاكم
و عارفه يعني ايه تعيش و حسرتك في قلبك او عمرك بيجري و انت (مسجون) في نفسك في بيئتك في وحدتك في بأسك و خوفك ماحدش شايفه
بس المهم انك انت تشوف النور
و ماتفكرش ان كوكب كامل مافيش فيه روح من ارواح ربنا مش حاسه بيك

كل الفكرة كل واحد ليه امتحان
كل واحد ليه ورقة
و ماحدش هيحل ورقتك غيرك
كل اللي نقدر نعمله نكلمك بكلام معقول
نقولك طريق حقيقي و لا كلام معسول
و لا طرق وهمية باسم الامك و هي مش بتمسك
لكن بتمس طبقة مرفهة و بتسميها معاناة
صدق نفسك انت
الحاجة الوحيدة اللي يقدر حد يعملهالك
هي

انه يشجعك
انه يلهمك
انه يفكرك بقيمتك
انه يقويك
انه يحضنك
انه يطبطب عليك
بس اياك تنسى
لازم تحل الامتحان بايدك
و اول طريق لدا انك تقبله
و تفكر في خيره لنفسك
و تمشي على مهل
و هتوصل و انك تتحرك اي حركة احسن من انك تفضل في نفس المكان؟
استعجالك مجرد مخدرات زمنية و فكرية
بتأخرك
اتشجع