*تبلد المشاعر*
قابلتني استشارات كتير من الناس بقولوا لي انا ما حاسي بي شي، او i feel numb او مافي احساس اتجاه اي حاجة، او بالحرف انا حاسي بي تبلد في المشاعر…
قابلتني استشارات كتير من الناس بقولوا لي انا ما حاسي بي شي، او i feel numb او مافي احساس اتجاه اي حاجة، او بالحرف انا حاسي بي تبلد في المشاعر…
بس تبلد المشاعر دا هو في الحقيقة انو انت فعليا حاسي بكل المشاعر والاحاسيس في نفس الوقت، كلها اتداخلت في بعض وبقت كتلة بتاعت الم نفسي الجسم ما متعود عليها وممكن ما يتقبلها ولانو الحاجة الانت بتمر بيها دي مؤلمة شديد عليك…
…المخ بيرسل رساله لي باقي الجسم وبيعمل disassociation او بينفصل عن الواقع بي مبدأ انو يحميك من الحاجة المؤلمة الانت حاسي بيها او كمية المشاعر الهايلة المسببة الاعصار الحاصل جواك.
اديكم ليها بمثال واقعي، لما تكون بتنضف، وتقوم تشيل المقشاشة وتقش وترفع الفرشة وتكنس الغبار تحت الفرشة دي، وكررت الحاجة دي مثلا لي مدة سنة، بعد السنة دي تتم بيتك حيكون نضيف واي زول حيشوف انو بيتك نضيف وحيمدح انو كيف فلان بيعمل كدا وكيف قادر يكون كدا في وسط الضغوطات الهو ماري بيها
بس مافي زول رفع الفرشة وشاف كبية التراكمات الحاصلة تحتها، ويقوم يوم يجي هوا شديد يشيل الفرشة دي ويحصل انفجار بسبب الغبار الاتراكم تحتها.
المثال دا اتضرب ليه؟ عشان نشرح انو دايما انك تتكلم عن الحاجات الانت حاسي بيها وماري بيها احسن من انك تفضل تردم المشاعر فوق بعض او to sweep it under the rug لحدي ما يبقى عندك كوم هايل من التراكمات ما عارف تعمل بيها شنو…
…وبيبقى اقل حاجة بتقعد فوق التراكمات دي بتخليك تعمل من الحبة قبة، وبتدخلك في الnegative thinking او التفكير السلبي، بي سبب انو انت اولريدي مضغوط ما مستحمل اي حاجة، واي شي بيبقى بالنسبة ليك the cherry on top.
يا جماعة انك تلجأ لي اخصائي نفسي ما عيب ولا غلط بالعكس، حتلقى فيهو الزول الغريب النفسك تحكي ليهو حاجاتك ويساعدك في انو يرتبها ليك وبعد امورك تظبط ما حتكون محتاج ليهو وهو من نفسه حيحدد ليك عدد جلسات وبعد العدد دا يتم ما حتكون محتاج ترجع ليهو.
ابقوا عافية وما تنسوا انو قصتكم مهمة❤️
ابقوا عافية وما تنسوا انو قصتكم مهمة❤️
جاري تحميل الاقتراحات...