الغيبة والنميمة بكل وقت من الكبائر ولكن برمضان اشد،انتبهوا تتعبوا صلاة و صوم وذكر واحسان وقران وصدقة وبالاخير توزعوا حسناتكم لغيركم ببلاش والله كمية القهر والغبنة لما تشوف كيف حسناتك تروح بسهولة كذا ولانسان ما تحبه وانت مجتهد بطاعتك💔
احرصوا على حفظ السنتكم عن غيركم ..
احرصوا على حفظ السنتكم عن غيركم ..
اعتبروا هالحسنات رصيدكم تخيلوا سنين تجمعوا في البنك مبلغ ويجي انسان و اخذها منك بكل سهولة ما بتموت قهر وغبنة؟ هذي وهي لدنيتك ف كيف رصيدك للاخرة! تخيل تجي يوم القيامة وفي ارض المحشر ربي يعطي هذا وهذا من حسناتك لانك تكلمت عليهم بسوء بيجون ناس ويقولوا احنا ما نتكلم على احد هم كذا!
(طيب ترا الغيبة ذكرك اخاك بما يكره يعني فيه الشيء اللي تقوله واذا مو فيه يسمى بهتان)والنميمة تقول انبه فلان ان فلان يتكلم عليه!الموضوع جدا خطير يقول النبيﷺ: لايدخل الجنة نمام ويقول ﷺ:إنه رأى شخصين يعذبان في قبورهما،أما أحدهما فكان لايستتر من البول،وأما الآخر فكان يمشي بالنميمة.
ويقول النبي ﷺ: رأيت -حين أسري بي- رجالًا لهم أظفار من نحاس، يخمشون بها وجوههم، وصدورهم، فقلت: من هؤلاء؟ قيل له: هؤلاء الذين يأكلون لحوم الناس، ويقعون في أعراضهم هم أهل الغيبة، والغيبة يقول ﷺ: ذكرك أخاك بما يكره هذه الغيبة، ذكرك أخاك بما يكره.. فانتبهوا الله يرضى عليكم وتوبوا.
لأن الموضوع الناس تشوفه عادي وهو كبيره ولا كمان يقولوا لك فاكهة المجلس الغيبة!ويلمعوا اسمها ويغيروه زي اي ذنب عشان يهونوا الذنب وهو كبيرة💔 وحدة من صديقاتي احسبها والله حسيبها صالحة وفيه ليلية قالت لاختها ليه فلانة ضعيفه تقصد مع زوجها ونامت و رات جارتها المتوفية تقول يافلانة
الله كان راضي عنك كل الأيام الا اليوم لانك قلتي فلانة ضعيفه مع زوجها!واستغفري💔فما بالكم باللي يسب ويشتم و يقول اسوا من كذا؟ من هاللحظة لا تذكروا احد بالسوء و بأي مجلس تسمعوا احد يغتاب وقفوه ودافعوا عن المغتاب ولكم اجر عظيم لان الغيبة حتى تعتبر بانك تسمع اللي يغتاب وتسكت..
وكل شخص تكلمتوا عليه استغفروا عنه وتصدقوا عنه و اذكروا محاسنه بنفس المجلس اللي اساتوا فيه عليه وتذكروا حقوق العباد ما تسقط ، بينما ما بينك وبين الله مغفور وانا اتكلم لمصلحتكم حتى تصلحوا انفسكم وانا قبلكم بهاللحظة ولا تأجلوا وتضيعوا أجوركم على الفاضي حافظوا عليها زي انفسكم واعظم.
وتذكروا ان اكثر ما يكب الناس في النار هو حصاد ألسنتهم لا تحطوا اعذار وتقولوا نفضفض أو هو شخص سيء لأن مثل ما قلت الغيبة ان تذكر صفه فعلاً موجوده والا رح يكون بهتان،ولا تقول لحد فلان تكلم عليك وتشحن قلبه عليه وتعتبر نمام(هالمعصيتين من كبائر الذنوب استوعبوا معنى الكبيرة) ..
استشعروا كبر الذنب وانه كبيره واقلعوا عنه مباشرة و الان بحط لكم خطوات لترك الغيبة بإذن الله و من هاللحظة كلنا نصير أفضل ونحافظ على حسناتنا برمضان وغير رمضان،الله يغفرلي ولوالدي وأهلي ولكم ووالديكم وأهاليكم ولأمة محمد صلى الله عليه وسلم ويعفو عننا ويعتق رقابنا من النار ويرضى عننا.
جاري تحميل الاقتراحات...