سلام يا ناس 😁 كل فترة قاعدين نوريكم شبكة المواصلات الرسمناها وصلت وين وحاليا أعضاء فريقنا قربو ينتهو من جمع بيانات كل الخطوط اللي طلعت أكتر من 300 خط مواصلات 🚌.
زي ما وعدناكم البيانات البنجمعها وحنشاركها في نهاية مبادرتنا ما حتكون خطوط و GIS وبس. دايرين برضو نعرف شكل حركة التنقل داخل الولاية كيف وخطوط المواصلات دي البستخدموها منو والما بستخدموها منو
عشان كده دايرين استبيان حركة التنقل ده يوصل أكبر عدد ممكن من الناس البركبو المواصلات والسايقين على حد سواء
و ده رابط الاستبيان و ياريت تجاوبوا عليهو وتشاركوهو مع غيركم.
forms.gle
و ده رابط الاستبيان و ياريت تجاوبوا عليهو وتشاركوهو مع غيركم.
forms.gle
الاستبيان حياخد منكم زي 4-5 دقائق وما بيطلب منك تسجيل أي معلومات شخصية (اسم أو بريد الكتروني أو رقم هاتف الخ.) فبالتالي لا يمكن ربط أي اجابة على الاسئلة بصاحب\ة الإجابة
حيث هدفنا انو البيانات البنجمعها من خلال الاستبيان ده تكون متاحة مع بيانات شبكة المواصلات الجمعناها وتوفر فرصة حقيقية للباحثين والمختصين لمعرفة حركة التنقل والتركيبة السكانية لمواطني ولاية الخرطوم بشكل عام واحتياجاتهم شنو وكيفية خدمتهم بصورة أفضل
بالاضافه لي كده كمان دايرين نعرف الناس ساكنين وين وبيمشوا وين والمشاوير بتاخد قدر شنو وبرأيهم مشاكل المواصلات شنو؟
وكمان بالنسبه للناس الما بتركب المواصلات حنكون محتاجين مشاركتكم كمان لان في اسئله مخصصه ليهم داخل الإستبيان و كمان الاستبيان حيتخطى ليهم الاسئله البتتعلق بي استخدام المواصلات بشكل تلقائي.
انحنا عندنا كم خوارزمية بشيلو اسماء الأحياء أو المناطق الحتكتبوها (بالعربي بتاعنا ده) عشان تنزل في الخريطة وخلال الفترة الجاية حنوريكم بصورة مستمرة عن انو الناس البتجاوب على الاستبيان ناس وين والمحتاجين يشدوا حيلهم معانا ناس وين 👀.
م تنسوا تشاركوا الاستبيان ده في الفيسبوك والإنستا وفي الواتساب ومع ناس البيت وفرد الجامعة وسيد الدكان و كل دائره معارفكم.
#sudan #khartoumap #dt4a #transportationplaning #urbanmobility #mobilitysurvey
#السكة_سكتنا #استبيان_حركة_التنقل_في_ولاية_الخرطوم
#sudan #khartoumap #dt4a #transportationplaning #urbanmobility #mobilitysurvey
#السكة_سكتنا #استبيان_حركة_التنقل_في_ولاية_الخرطوم
جاري تحميل الاقتراحات...