رتبها

أنا حزين جدا من امبارح بصراحة وكنت مستني حد يكتب عن #ثورة_١٩ أهم ثورة في تاريخ مصر الحديث و اللي كانت السبب الرئيسي في استقلال #مصر نهائيا عن الاحتلال العثماني و إلغاء الحماية البريطانية على مصر واستعادة #الهوية_المصرية

٢-لكن مع الاسف واضح أن الناس نسيتها بسبب التهميش المتعمد اللي حصل بعد ٥٢ لكل ما يخص فترة أسرة محمد علي بما فيها المواقف الوطنية للمصريين و كأن تاريخ #مصر بدأ في ٥٢
وبالمناسبة دي تعالوا احكيلكم شوية حكاوي منسية عن #ثورة_١٩

#اغاني_الثورة
المصريين في جيناتهم صناعة الاغاني مع الثورات فعملوا في #ثورة_١٩ اغاني وطنية زي "يابلح زغلول" و"اهو ده اللي صار " و "ياعزيز عيني انا نفسي اروح بلدي "
كل الاغاني دي اللي كتبها واحد اسمه الشيخ محمد يونس القاضي ابن مركز أبوتيج محافظة أسيوط واللي اتولد سنة ١٨٨٨م

٤-لما الإنجليز اعتقلوه ،نجيب باشا وكيل وزارة الداخلية اللي مسكه من رقبته وقاله "بدل ما تغني الكلام الفارغ ده دور الاول ازاي بلدك تصنع الجبة والقفطان اللي انت لابسهم " فكتب الشيخ أغنيته الخالده " تلوم عليا ازاي يا سيدنا وخير بلدنا ماهوش بإيدنا ،اهو ده اللي صار " وبقيت اغنية الثورة

٥-ولما الإنجليز منعوا كتابة أو نطق اسم سعد زغلول في الاغاني كتب اغنية " يا بلح زغلول " علشان يغنيها الفلاحين ويذكروا اسم سعد زغلول في موسم حصاد البلح 😂😂😂😂
#ثورة_١٩
Listen to يا بلح زغلول . نعيمه المصريه by Mohamed El Salamouny on #SoundCloud
on.soundcloud.com

on.soundcloud.com

٦-وهو كمان اللي كتب النشيد الوطني الحالي " بلادي ،،بلادي " و اغنية " زروني كل سنة مرة "
ومن الغريب أنه لم تعيينه رئيسا للرقابة قام بمنع الطقطوقات و الاغاني التافهة لكن الأغرب أنه منع طقطوقات كتبها هو بنفسه لمنيرة المهدية 😂😂
#ثورة_١٩

٧-مع الاسف القاضي بعد حركة الظباط الاحرار في ٥٢ تم ظلمه جدا وتهميشه لدرجة أنه مات من المرض والوحدة والفقر و قال بنفسه في اخر حديث ليه اريد أن تمر الايام أن الامي من الناس فاقت كل ما تجمع في جسدي من آلام " ورحل سنة ١٩٦٩م بعد ما صنع أعظم الاغاني الوطني واخلدها
#ثورة_١٩

٨-من المشاهد المنسية ظهور علم امريكا في المظاهرات لأول مرة وسبب شهرتها أن مكنش في أي علاقات بين #مصر و #امريكا اصلا ولا كانت امريكا دولة عظمى زي دلوقتي لكن مصور رويترز صورها و بقت صورة ايقونيه
#ثورة_١٩

٩-والسبب في رفع أحد المواطنين للعلم الأمريكي أن وقتها كان في رئيس أمريكي اسمه ويلسون عمل مبادرة أممية سمها حق تقرير المصير وعرفت إعلاميا بمبادئ ويلسون ال ١٤ لأنها كانت مكونة من ١٤ بند وكان البند ال ١٢ هو اللي يخص مصر وهو عبارة عن حق تقرير المصير للدول المحتلة من #تركيا.
#ثورة_١٩

١٠-#سعد_زغلول كان معتمد عليها علشان يعلن استقلال مصر في مؤتمر الصلح بفرساي
لكن ويلسون حطم احلام المصريين لما قال إن الوثيقة تطبق فقط على الدول الأوروبية و أن دول العالم الثالث ليس لها حق تقرير المصير زي مصر و اعترف بالحماية البريطانية على #مصر
#ثورة_١٩

١١-ووصف #ثورة_١٩ بالثورة التي يقودها وطنيين متطرفين مدعومين من حزب ثوري تركي ومن البلاشفة الروس
وبعد مرور ما يقرب من ١٠٠ سنة على وفاة ويلسون ينتقم القدر للمصريين منه سنة ٢٠٢٠ لما أعلنت جامعة برينستون حذف اسمه مناهجها لانه شخص عنصري وهو غير مناسب للدراسة في كلية بتكافح للعنصرية😂

١٢-وفي وسط أحداث #ثورة_١٩ سقط سهوا اسم اول طفل شهيد في الثورة وهو محمد اسماعيل وكان عنده ١٢ سنة و أبوه شغال قباقيبي بيصنع القباقيب بتاعت الوضوء ومحمد لما شاف المظاهرات شغالة عند جامع الازهر ساب دكانة أبوه و انخرط في المظاهرات وكان بيبني المتاريس لمنع قوات الإنجليز من التقدم

١٣-ولما الإنجليز جم فتحوا النار على المتظاهرين واستشهد ابن القباقيبي واتعملتله جنازة مهيبة وموته عمل ضجة لدرجة أن الانجليز كتبوا تاني يوم بيان قالوا فيه "إن جمهور معاديا هجم على دورية انجليزية بحي السيدة زينب ، فأضطرت الدورية الي إطلاق النار و قد قتل لسوء الحظ ولد صغير"

١٤-قصة تمثال نهضة مصر اهم من التمثال نفسه لأنها ملحمة وطنية حرفيا مع الاسف الناس كلها عارفة التمثال لكن محدش يعرف قصته
لماقامت #ثورة_١٩ كان في شاب نحات مصري بيدرس بفرنسا اسمه "محمود مختار" ولما سمع أن سعد زغلول ورفاقه جايين أوروبا يطالبوا بالاستقلال عمل تمثال وسماه تمثال النهضة

١٥-لكن الحقيقة أن تمثال نهضة مصر مكنش بالشكل ده اساسا كان عبارة عن راجل لابس درع وفي وسطه سيف و لكن مختار معجبوش التمثال فقام مكسره وماتبقاش منه غير ثورة فوتوغرافية اللي هي دي
#ثورة_١٩

١٦-بعدها مختار عمل تمثال نهضة مصر بالشكل الحالي اللي احنا نعرفه بس مش نفس التمثال برضوا لكن تمثال صغير جدا ولما شافه سعد زغلول كتبله خطاب بخط أيده يشكره فيه وسمى التمثال بتمثال نهضة مصر وقاله أن ده بيعبر بحق عن الثورة
التمثال الاصلي لنهضة مصر
#ثورة_١٩

١٧-الصحافة سمعت عن التمثال فقرروا يعملوا اكتتاب شعبي ويلموا تبرعات لبناء التمثال بشكل أكبر ويتحط في ميدان من ميادين مصر واتبنت الاخبار الاكتتاب الشعبي ده وكان الأضخم في مصر فبمجرد ما أعلنوا عنه وصلت مئات الخطابات بالتبرعات من كل أنحاء المعمورة من فلاحين وعمال وعمد و مشايخ وموظفين

١٩-بالفعل اتعمل التمثال وطالب المصريين بوضعه في ميدان باب الحديد "رمسيس" حاليا علشان اللي جي من الصعيد يشوفه واللي جي من بحري يشوفه ولكن المسؤولين رفضوا ومع الضغط الشعبي وافقوا واتحط التمثال هناك لحد سنة ٥٢ قرر الظباط الاحرار نقله الجيزة أمام حديقة الحيوان ووضع تمثال رمسيس مكانه

20-و عن رمزية التمثال قال الدكتور عماد ابوغازي أن التمثال عبارة عن فلاحة مصرية وده في حد ذاته غير مفاهيم كتير لان التماثيل اللي كانت منتشرة في الميادين وقتها للأسرة العلوية فقط وكون أن فلاحة تعبر عن #مصر عملهم صدمة
#ثورة_١٩

٢١-لو بصيت على الصورة هتلاقي الفلاحة رافعة طرحتها بإيديها الشمال كأنها بتكشف عن وشها للنور وده كان إشارة لبداية خلع البرقع للعثمانلي من على وشوش الستات المصرية من سيدات المجتمع الراقي
وايديها اليمين على ضهر ابوالهول في إشارة لاستنهاض الهوية المصرية مرة تانية و حاجة مصر ليها

٢٢-هل تعلم أن خطيب الثورة كان قس
خطيب الثورة من المنسيين في ثورة ١٩ القمص سرجيوس و الملقب بخطيب الثورة و اول قس يعتلي منبر الأزهر في ثورة ١٩ مخاطبا المصريين بالتصدي للانجليز ودعم الثورة المصرية

٢٣-ومن مواقفه المشهورة أنه كان بيخطب في الناس في ميدان الاوبرا فجه عسكري انجليزي يجري عليه و رافع بندقيته في وشه
فالناس صرخت " حاسب يا بونا هيموتك " فقال جملته المشهورة "ومتى كنا نحن المصريين نخاف الموت ، دعوه يقتلني لتروي دماء ارض وطني ويرى العالم كيف يقتل الإنجليز رجال الدين "

٢٤-ومن مواقفه الطريفه لما رجع سعد زغلول من المنفى عملوا صوان افراح كبير لاستقباله ووسط القعدة الناس هتفت بأسم القمص سرجيوس فقاله سعد زغلول " فليسمعنا خطيب الثورة كلمته " فرد عليه سيرجوس " والله انك لمجنون يا سعد " فالصوان كله خرس و سعد زغلول وقف متسمر مكانه

٢٥-فقال القس سيرجيوس " والله انك لمجنون يا سعد ، تقدم على دولة عظمى خرجت منتصرة من حرب عظمى ، وتملك كل شىء ولاتمتلك انت شئ ثم تنتصر عليهم والله انك مجنون يا سعد "
فضحك سعد زغلول جامد وقاله " مجنون انت والله يا سيرجيوس "
ومن يومها لقب القس سيرجيوس بخطيب الثورة الاول

٢٦-من الحاجات المنسية في #ثورة_١٩ برضوا أنها كانت السبب الرئيسي في ظهور أول دستور مصري ويمكن اهم دستور مصري سنة ١٩٢٣ وده ادي المصرين حرية الاعتقاد و حرية الرأي والاجتماع و قال إن أي حد مصري هو مصري فقط و أن الدين واللون و الجنس ليس له دخل بالمواطنة اطلاقا

٢٧-للمصريين حق مجانية التعليم في مراحله الأولى ،وحق انتخاب الحكومة والنواب ، وعدم تعيين اجانب بأي وظائف و النقطة دي تحديدا اللي بسببها دخل عبناصر ورفاقه الجيش المصري
و ابتدى انشاء الشركات والبنوك المصرية ونهوض العملاق المصري برعاية طلعت حرب وأعلنت مصر استقلالها رسميا

٢٨-وعلشان النقطة دي تحديدا تم حذفها من تاريخ مصر علشان يصبح عيد استقلال مصر هو عيد الجلاء وده غلط لان مصر كانت مستقلة قبل الجلاء اصلا و لكن عبناصر ورفاقه أصروا على أن مصر كانت محتلة قبلهم ودي مغالطة تاريخيه كبيرة لانه بالفعل مصر استقلت ايام الملك فؤاد
#ثورو_١٩

٢٩-القوات البريطانية اللي كانت متواجدة في مناطق بعيدة جدا كانت لتشكل قواعد عسكرية فقط زي القواعد الأمريكية كده في بعض الدول دلوقتي ولكن صناعة التاريخ بعد 52 كان أغلبها تزييف في تزييف .
فالفاتحة لروح سعد زغلول صاحب مقولة " الاستقلال التام .. أو الموت الزؤام "