عبدالله غيث؛لقيتهم بيصوروا المشهد الاول بالانجليزي مع الممثلين الانجليز و بعدها بيصوروا مع الممثلين العرب المشهد، فانا قُلت حلو قوي انا اشوف انتوني كوين بيمثل ازاي وانا ممثل كويس برضو هعرف اقلده وابقى اضيف من عندي شوية اضافات،لأُفاجأ بالسكرتير بتاع انتوني كوين و قاللي لو سمحت
كلم مستر كوين قاللي انا عندي ليك رجاء قُلتله انت تؤمر انا بعتبر انتوني دا استاذي فقاللي انا عايز انت تمثل قبل مني لأني عايز اتعلم منك شوف عظمة الفنان بقى، قاللي عايزك تمثل قبل مني علشان عايز اتعلم منك كيف يكون الانسان العربي بيقف ازاي بيشاور ازاي بيتكلم ازاي بيمشي ازاي لأن انا
شُفت الممثلين الانجليز ازاي بيمثلوا و بصراحة ما اقتنعتش بيهم يعني بيمثلوا كدا زي ما يكونوا بيمثلوا في مسرحية شكسبيرية، خواجات لابسين عرب، انا عايز ابقى عربي مية المية فارجوك مثل انت قبلي و بما اني ضيف في بلدك ما هو معتبر المغرب بلدي طبعاً و هي بلدي فإديني وجهة نظرك، انا وقعت في
حيص بيص انا عايز اقلدك اعمل ايه انا؟ بقيت سامع قلبي و هو بيدق و قعدت اقولك يمكن قريت الفاتحة ييجي مية مرة، ساعة ما استدعوني للتصوير ما اعرفش ايه السَكينة اللي نزلت عليا انا بقول انها فيض من ربنا سبحانه وتعالى و قُلت لنفسي، قُلت يا واد يا عبدالله انت خايف من انتوني كوين ليه؟ هو
انتوني كوين دا بُعبع! ما ممثل كويس و انت ابن حضارة تمتد لآلاف السينين قد حضارة انتوني كوين عشر مرات ايه هتخاف من ايه اتوكل على الله و حمزة دا بتاعك و الاسلام دا بتاعك و تاريخ مُحَمَد رسول الله ( صلى الله عليه وسلم) دا بتاعك انت و رُحت طالع عالمشهد كان اللي عند الكعبة بتاع الحشرة
اللي بتاكل وثيقة قريش اللي كانت ضد الرسول و بصيت يا استاذي و وقفت لقيت اقدامي ثابتة و رُحت ناتع المشهد من اول مرة و اذا بهذه الجماهير العريضة ( المجاميع) مغاربة و سوريين و مصريين قالوا الله اكبر لدرجة انه انتوني كوين أُخِذ، طِلِع انتوني كوين يمثل المشهد بعد مني غلط فيه تلات
فوجئ الحقيقة و فات هذا اليوم في آخر النهار بسأله ايه رأيك فيا ؟ قاللي عظيم واضح ان وراك خلفية خطيرة جداً انت ايه رأيك فيا؟
جاري تحميل الاقتراحات...