عندي رأي كده، إن نسخة ميسي في باريس نسخة مظلومة في تقييمها ومش واخدة حقها تمامًا، وذنبها الوحيد إنها من ميسي نفسه، لأن الناس متعودة من ميسي إنه يكون فريد من نوعه دائمًا مش بس الأفضل والأول،
ده طبعًا شيء ميز ميسي في كل مسيرته، لكنه بنفس القدر ظلمها برده!
ثريد بسيط عن ليو ميسي...
ده طبعًا شيء ميز ميسي في كل مسيرته، لكنه بنفس القدر ظلمها برده!
ثريد بسيط عن ليو ميسي...
لأنه حول الأفضلية المطلقة دي لشيء عادي، لما ده كان بيحصل بشكل متكرر فقيمته تم فقدها مع الوقت والناس أصبحت مش بتقدره بالشكل الكافي،
لو عمله؟ ده العادي، لو ده مش بيحصل طول الوقت؟ فـ دي مشكلة، حتى لو كان الأفضل برده.
لو عمله؟ ده العادي، لو ده مش بيحصل طول الوقت؟ فـ دي مشكلة، حتى لو كان الأفضل برده.
اللي بيعمله ميسي مع باريس، أدّعي يعني، لو لاعب تاني مكان ميسي كان لابس رقم 30 وبيعمل نفس اللي بيعمله ده في باريس، كان إتقال عليه حكايات وقصص وهالات من المدح مش هتخلص،
علشان كده تراجع مستوى ميسي الموسم الماضي، مهما كانت أسبابه وإنه في بيئة جديدة وتحجيم توظيفه له وعدم إعطاءه أكبر قدر من مراحل اللعب وغيره، كل ده، كان لازم الناس تشوفه فعلًا، كان لازم ميسي يرجع خطوتين ورا علشان الناس تقدّر ميسي بجد،
فكرة إنك دائمًا بتعمل كل حاجة بأفضل شكل ممكن ده بيفقد قيمة اللي بتعمله علشان بقى ده العادي والمتوقع بالنسبة لك بل وأصبح إجبار عليك تعمله وإلا هتكون متخاذل، فلازم hit وصدمة تحصل علشان الناس تعرف إن اللي ميسي كان بيعمله ده مش شيء آدمي.
ميسي لحد دلوقتي في موسم 2022/23، لعب مع باريس 28 ماتش بدأ منهم 24، ساهم بـ35 هدف (18 جول، 19 أسيست)، كحصيلة إجمالية في الموسم لعب 39 ماتش، ساهم بـ50 هدف! 30 جول و 20 أسيست،
أرقام أنت غالبًا متعرفهاش علشان أنت بتعتبر إن نسخة ميسي دي سيئة، أكتر لاعب عمل أسيستات في العالم كله وثابت عليها من 4 شهور أصلًا وتاني هدافي العالم بعد هالاند وبرده غالبًا أنت متعرفش،
الفكرة كمان إن كل ده بيحصل وميسي مش بيتمررله في مواقف بيكون فيها لوحده حرفيًا وكان زمانه عامل ضعف الإحصائيات دي، وكل ده بيحصل وهو سايب إيده (بعيدًا عن كأس العالم)، ولا بيقاتل على كل كورة ولا بيزعل لما يضيع منه هدف ثالث بعد هدف سجله مثلًا زي ما كان بيعمل في برشلونة،
عادي، بينزل الماتش ويخلصه ويتكل على الله بكل بساطة كده، ورغم كده لسه بيوهمني ويبهرني بتمريراته بين الخطوط، رؤيته، تحويلة الملعب اللي بيعملها بعد ما الكل يراقبه في جبهة ويجمّع اللعب عنده ويقول للاعب تاني روح هات جول،
الشيء الغريب، إن مش بس MSN حققوا كل حاجة علشان فنيًا كانوا مميزين، لا كمان كانوا بيحبوا بعض وبيحبوا فريقهم، زي سباق الحذاء الذهبي بين سواريز ورونالدو في 2016، لما سواريز قال إن ميسي ونيمار كانوا بيحاولوا يحطوه دائمًا في مواقع أسهل للتسجيل وتركوا له ضربات الجزاء وحتى الفاولات،
الموضوع في غاية البساطة لما تقرأه دلوقتي كده، لكنه أبدًا مش كده مع غير الثلاثي ده، زي ما بيحصل دلوقتي في باريس، وزي ما بيحصل مع أي ثنائي أو ثلاثي هجومي في أي فريق مر بفترة كويسة.
من 12 سنة في 2011 كتبت على فيس بوك.. "القليل من ميسي، أفضل من مستوى أفضل لاعب في العالم بعده، لأن طول ما ميسي بيلعب كورة هو الأفضل في العالم وأكتر كمان"،
وبكررها تاني في 2023، وفي كل ماتش بيلعبه ميسي.
إنتهى الثريد!
شكرًا لوقتكم! ❤️🙏🏻
وبكررها تاني في 2023، وفي كل ماتش بيلعبه ميسي.
إنتهى الثريد!
شكرًا لوقتكم! ❤️🙏🏻
جاري تحميل الاقتراحات...