النهارده كانت عملية ايناس، الطفله السودانيه اللي خطفت قلوب الجميع و قولتلها الفجر لما شوفتها يا ايناس هسخن كدا مع احمد و انتي بعده علطول ان شاء الله. هكلمكم دلوقتي عن احمد و دا شاب من اسكندريه و كان عنده تشوه رهيب جداً بالعمود الفقري زي ما هو واضح في الاشعه اللي ورايا…
و كان عنده تأثير شديد جداً علي التنفس و اتقال لأهله مستحيل عمليه و لن يحتملها و لو معملهاش برضه حتما طريقه مسدود و الكلام دا قالته مامته و هي بتحكيلي علي معانآة السنوات الماضيه… المهم ام احمد كان اول حاله النهارده و لكن عروسة اليوم كانت ايناس…
لما وصلت المستشفي الصبح مرضي العمليات بتوع الاثنين راحوا زاروا ايناس و ام احمد اللي لسه حالاً ماضيه علي اقرار الخطورة القصوي شعرت قد ايه احمد حالته بسيطه بالنسبه ل ايناس و انا طبعاً هكلمكم عن ايناس ان شاء الله لكن دلوقتي اقول ان احمد الحمد لله طلع زي الفل من العمليه…
و هو الآن في غرفته و امه بقي كانت فعلا هتجنن لما قولتلها احمد بخير و اموره زي الفل. علشان محدش يقلق ايناس كمان زي الفل الحمد لله
جاري تحميل الاقتراحات...