أول مرة أقرأ هذه الشهادة الآن
وشهادتي:
كنت من المجموعة اللي اقتحمت الباب الرئيسي وغالبا بعد جهد فوجئنا ان الباب اتفتح لنا
وأتذكر جيدا إني لقيت حمدي بدين جاي من جوه في وشنا وبيقول احنا دخلنا قبلكم لتأمينكم وكان منفعل ومخنوق عاوز يعيط آه والله لأن الردود عليه كانت كلها وحشة وأنا …

وأنا اللي طيبت خاطره -يالسذاجتي- وكلنا اتلهينا في الدخول ومحاولة الوصول للسراديب كما يقال
وكنت اول من وجد الورق اللي يخص علي جمعة وتقريبا كان متروك لنا مخصوص وكذلك ما يتعلق بمثلث برمودا عند سينا وعند الخروج من المبنى كان الشباب بيتخانقوا مع المستشار زكريا عبدالعزيز لأنه كان

بيقنع الشباب يسيبوا الورق اللي اتجمع في اشولة كبيرة لغاية النيابة ما تيجي وتاخده والكل مش واثق لافيه ولا في الجيش ولا النيابة
فخبيت الورق اللي معايا في الشراب وخرجت ورحت لأقرب مكتبة مع صديقي صورنا 100 نسخة واخدت الأصل وقلت لصاحب المكتبة كل اللي ييجي يصور ورق اعطيه نسخ ولذلك مصر

كلها قرأتها
ولما رجعت تاني كان فيه حركات مريبة عندمبنى تابع للداخلية على الطرف المقابل وعربيات تدخل وتخرج وريبة كبيرة وطلع بعض شباب من اللي اتعذبوا زمان في أمن الدولة وأكدوا ان المبنى ده مرتبط بأمن الدولة بنفق تحت الأرض لأن أحدهم مرة دخل امن الدولة واتعذب وخرج من الجهة دي

وفجأة لقينا المدرعات الجيش بتحاوط المبني اللي في الناصية المقابلة وقفلت الوصول له تماما
والغريب اللي لم أفهمه اللا الآن كان المدرعات اللي قفلت حوالين مبنى أمن الدولة من الشوارع الجانبية كلها وسابت المدخل الرئيسي بس
وطبعا طلعت بعدها على لاظوغلي ولم انتظر
ودي قصة تانية
شهادتي