بدون مقدمات، أنا مش فارق معايا جائزة ذا بيست في حاجة، هي أصلا جائزة بتصويت قائد ومدرب كل منتخب وصحفي لكل بلد بتختاره الفيفا والجماهير، علشان الناس اللي متعرفش يعني، زي ما مش فارق معايا البالون دور علشان جائزة ملهاش معايير ثابتة،
لكن أكتر حاجة بكرهها، التدليس!
ثريد عن ليو ميسي..
لكن أكتر حاجة بكرهها، التدليس!
ثريد عن ليو ميسي..
الناس مش قادرين يفهموا إن ميسي الأفضل على الإطلاق بدونهم وبهم، في الحالتين محدش يقدر يكذّب معيار الملعب اللي مجابش غير ميسي واحد، زي ما هو كان مش محتاج كأس العالم علشان يثبت إنه الأفضل على الإطلاق ولا معيار منطقي إنك تقيّم مسيرة لاعب على أساس 7 ماتشات حتى لو أخذ كأس العالم فيهم،
اللي فارق معايا حاجة واحدة، وهي التدليس، أنتوا بقيتوا حاجة مقرفة ومقززة يا جماعه والله وبدون تزويق ولا تجميل في الكلام وكل ما الواحد يحب يلتزم الموضوعية وميجيبش سيرتكم تستفزوه،
يعني كنتوا بتبرروا أحقية مودريتش لما أخذ بالون دور 2018 علشان راح نهائي كأس عالم ودوري أبطال،
يعني كنتوا بتبرروا أحقية مودريتش لما أخذ بالون دور 2018 علشان راح نهائي كأس عالم ودوري أبطال،
ايه اللي جدّ؟ من يوم ما ذا بيست إتعملت، إتلعب 6 بطولات كأس عالم قبل مونديال قطر ده، 3 منهم كانوا من نصيب أبطال كأس العالم، وواحد كسبها ووهو وصيف كأس العالم كمان، وإتنين أبطال عالم كانوا من آخر 3،
ومن يوم ما الكرة الذهبية إتعملت، إتلعب 16 مونديال، 13 من الـ16 راحوا لأبطال كأس العالم، والـ3 التانيين كان منهم 2 راحوا لأوروبيين لأنها زمان كانت جائزة للأوروبيين بس، والأخيرة راحت للوصيف، اللي أنت عارفه كويس.
دلوقتي بقى معياركم إن بنزيما ومبابي لعبوا كورة أحسن من ميسي؟ أومال مين اللي كان عمّال يتحفنا طول السنين اللي فاتت باللقطة الأخيرة وكرة القدم عبارة عن أهداف والنهائيات تُكسَب ولا تلعَب والكلام اللي على نفس السياق والمنوال؟ زعلانين ليه لما النهائيات بتتكسب وبتروح للشخص اللي كسبها؟
بالنسبة لي ميسي طول ما كان بيلعب كورة، ولو إتحسبت أداء فردي زي ما الشباب عايزين، فهو برده ميسي من 2009 لـ 2021 مفيش حد لعب كورة أحسن منه، نسخة 2018 دي مثلا ميسي كان فيها خامس رغم إن اللي شاف الموسم ده وحسبها كورة وأداء وحتى أفضلية أهداف وأسيستات فمحدش هيتحط في جملة واحدة مع ميسي،
موسم 2017 ده ميسي كان خارق فيه، والمشكلة النسختين دول كانوا تمهيد لأفضل نسخة لاعب كورة على الإطلاق، ميسي 2019، وكانوا تمهيد إنه بيعمل كل حاجة لوحده ومش بنصف المساعدات اللي كانت لغيره، لكن علشان البطولات خدمت اللي فازوا بالنسخ دي إتحسبت بطولات، زعلانين ليه من نفس المسطرة؟
عمومًا التنافس بين الثلاثي ده فعلًا صعب، الثلاثة إحصائياتهم ممتازة، الثلاثي له لحظات خارقة وكانوا فيها بذراعهم وبطولهم بس، لكن أزيدكم من الشعر بيتًا، الناس فاكرين دوري الأبطال بتاع بنزيما بس،
لكن بالمناسبة السنة الميلادية عبارة عن موسم و 4 شهور، بنزيما مصاب 4 شهور، ثلث الموسم،
لكن بالمناسبة السنة الميلادية عبارة عن موسم و 4 شهور، بنزيما مصاب 4 شهور، ثلث الموسم،
الفكرة حتى لو حسبتها كتأثير، مفيش شيء يُقارَن بتأثير ميسي لمنتخبه في السنة دي كلها، عايز تعرف ازاي؟ إعكس الوضع، شيل ميسي من هنا ومبابي من هنا، وشوف كان ايه ممكن يحصل، الفكرة هنا بقى لو حسبتها أهداف وأسيستات؟ مبابي طبعًا يكسب، لكن لو حسبتها كتأثير؟ ميسي هنا ميتحطش في جملة مع حد،
المنتخب ده الناس لسه مش واعيين إنهم عملوا واحدة من أبهر الـover performances اللي في تاريخ الكورة كلها، المنتخب ده يمين شمال ميتحطش رأس برأس مع منتخبات الصف الأول،
تأثير ميسي كان في جول المكسيك مثلًا، الماتش كله بيوحي بتعثر تاني بعد تعثر السعودية، وبجول من ميسي الحياة رجعت، بولندا، الأرجنتين ملعبتش كورة غير بميسي، أستراليا وهولندا وكرواتيا وفرنسا، شيل منهم ميسي وشيل مبابي من منافسات فرنسا، مش هيكون مبهر لو فرنسا أخذت البطولة مش وصلت نهائي.
في الحقيقة وإعتبرها زي ما تعتبرها، على وشك إنتهاء مسيرة ميسي، كان لازم يكون مفيش لاعب قريب من رقم ميسي ده، كان لازم يحقق رقم صعب بل شبه مستحيل يتكسر، بأي معيار بقى مش فارقه، لكن كان لازم يكون شارخ عن أي حد،
الكلام القادم ممكن الناس تستغربه، لكن ميسي هو أكتر لاعب underrated وأكتر لاعب إتظلم في تاريخ الكورة من أول يوم فيها لحد دلوقتي، الناس مش بتقدّر وتقيم ميسي بالطريقة الصحيحة، بتحصره في إحصائيات وأرقام ومساهمات وبطولات، رغم إن ده أقل شيء يتقيم في ميسي،
إمكانيات وعقل وإستمرارية وإجتهاد ميسي أكبر بكتير من اللي الناس بتقوله عنه،
- فكرة إن ميسي يكون لاعب سيء الحظ دي فكرة منطقية جدًا، جعلت من مستوى المنافسة مع باقي اللاعبين وخصوصًا رونالدو طعم تاني للكورة، لأن ميسي لو كان جيد الحظ، كانت الكورة إتكتبت بإسمه وكان هيكون صاحبها،
- فكرة إن ميسي يكون لاعب سيء الحظ دي فكرة منطقية جدًا، جعلت من مستوى المنافسة مع باقي اللاعبين وخصوصًا رونالدو طعم تاني للكورة، لأن ميسي لو كان جيد الحظ، كانت الكورة إتكتبت بإسمه وكان هيكون صاحبها،
فكرة إن ميسي في آخر 12 سنة يحقق دوري الأبطال مرة واحدة بس، ويحقق الكرة الذهبية 7 مرات بس في كاريره، فكرة إن ميسي في كاريره يدربه إتنين بس من المدربين المميزين والبقية بيتراوحوا من درجة عادي لأقل كمان،
بل كمان إن ميسي يمر عليه لاعبين أقل من المتوسط ويكون هو الـSuper hero لفريقه جعلت من حظوظه بالفوز بأي جائزة فردية أقل من اللي يستحقه، صحيح أدواره بتتعاظم أكتر، لكن صحيح كمان الفرق دي بتخذله في الوقت اللي لازم الكل يساهم فيه ضد فرق unstoppable سواء بـpeak ميسي أو الجن الأزرق حتى،
نسخة الـSuper hero في نصف كاريره مع برشلونة جعلت منه مش بني آدم، وده مش مجازًا، هو كان مش بصفات البني آدمين فعلًا، لدرجة إنه أخذ جائزة أفضل رياضي في العالم في 2019 في لعبة جماعية لأول مرة في التاريخ،
شخص من ثقتك فيه وبرغم مشاكل فريقه، أنت كنت بتتفرج عليه بكل ثقة،
شخص من ثقتك فيه وبرغم مشاكل فريقه، أنت كنت بتتفرج عليه بكل ثقة،
وأنت عارف إن مهما كان سوء زملاؤه هيسجل هاتريك وأسيست، هدفين وأسيستين، يوم ما يقدم ماتش سيء يسجل هدف وأسيست، نسخة غير آدمية فعلًا، ومش بشوف إنها مفارقة إنه يقدم النسخة دي مع فالفيردي وسيتيين وكومان واللاعبين المتوسطين معاه، لأن هو ده ميسي، قوته إنه يظهر كـ Super hero،
شخص بيعمل كل حاجة، أنت ممكن تشوف نسخة 2012 مثلًا أفضل كأداء، كمنتج بشري لنجم في منظومة تاريخية، نسخة 2015 مثلًا، لكن فكرة إنك تمارس دور سوبر مان منقذ المدينة كل ماتش لمدة 60 مباراة لأكتر من موسم هو شيء غير آدمي ومش بيتطلب من بني آدمين، شيء قاسي أصلًا، بل ويكون ده العادي والمتوقع،
بل إن الناس وضعت ميسي في خانة أساطير Marvel فعلًا، ومن هنا إبتدت مفارقة سخيفة، إن إجبار على ميسي يعمل ده دائما طالما هو بيعمل ده دائما فعلا، بل إنه يكون فاشل لو كان مش كده كل ماتش، وده مستحيل، والأهم إنه حتى لو حصل ده بشكل متكرر فقيمته هيتم فقدها، والناس مش هتقدره التقدير الكافي،
بل وأصبح ميسي نفسه هو الخاسر الحزين في الآخر؛ لو عمله؟ فتمام، ده العادي، لو معملوش؟ فـ دي مشكلة، حتى لو كان أفضل لاعب في الفريق في كل لحظات الإنهزام.
في ظل كل ده، كان لازم ميسي ينهي كاريره بكأس العالم والـ8 بالون دور علشان الثامنة في الطريق، في ظل كل ده، ميسي سيّد كرة القدم بإحصائياتكم وأرقامكم وبطولاتكم وبالمنطق بتاعكم، رغم إنه أفضل لاعب في العالم طول ما هو بيلعب مش علشان كل ده.
انا مش بحب الكلام ده ولا ده أسلوبي لكن هو ده الوصف المناسب، بطولة كأس العالم الأخيرة دي "بتحرق"، وأمنياتكم إن أي حد ياخدها غير ميسي لمجرد إن الحق بقى تقيل عليكم ده بيحولكم لفئة ساذجة، لأن لا كأس العالم ده ميسي كان محتاجه، ولا دائرة التدليس هتوقفها جائزة، وكان غيرها أشطر من زمان.
إنتهى الثريد!
شكرًا لوقتكم! ❤️🙏🏻
شكرًا لوقتكم! ❤️🙏🏻
جاري تحميل الاقتراحات...