رتبها

دليلك للايلتس

12 تغريدة 8 قراءة Feb 26, 2023

Twitter

كيف اتحولت من شخص كان مستحيل يتكلم قدام اي احد 🙊
إلي شخص يقدم محتوى وورش عمل بحضور آلاف الاشخاص لايف: 🔴

1️⃣ المحادثة الذاتية
اتكلم مع نفسك
بمعنى حرك لسانك وعادي تخبص المهم تكسر حاجز الخوف 😨

2️⃣ توست ماستر
عبارة عن نادي للخطابة 🗣️
ساعدني افتك من رهبة الكلام قدام اشخاص غريبين بالانجلش 😎

3️⃣ ارمي نفسك في المسبح
استغل المواقف والفرص اللي تمارس فيها الانجلش زي :خدمة العملاء - طلب من مطعم ☎️
بدل ما تدوس ١ للعربي دوس ٢

4️⃣ اتذكر الخوف الاكبر
كلنا نخاف انه نغلط ونفشل ❌ لكن اذا ما غلطت دحين واتعلمت من هذي الاخطاء ما راح تتعلم وحتكون في نفس مكانك بعد ١٠ سنوات 🙅🏻‍♂️

5️⃣ ما في مفر
اليوم تحتاج الانجلش وبعد ٥ سنوات حيزيد احتياجك يعني ما راح يختفي من حياتنا فدحين او بعدين حتسويها حتسويها 🙌🏻

6️⃣ لا تسوي نفسك محور الكون
زي ما قال @Abdullah_yw
ما في احد مركز مع اغلاطك بالعكس الكل حينبسط من تطورك وانك قاعد تحاول 🚀

7️⃣ زود المدخلات
قد ما زودت مدخلاتك سواء بالاستماع او القراءة ..قد ما طورت لغتك وحتبدأ تقلد اللي سمعته وتمارس اللغة 😉

8️⃣ انتبه من نفسك
انت اكبر عدو لنفسك 🥷
لانك قاعد تجلدها وتترصد اغلاطك .. افضل تعطيها الفرصة لانه بهذي الطريقة مستحيل تتطور

9️⃣ قارن نفسك بنفسك
لاحظ كيف تطور مستواك عن قبل ولا تركز مع الاشخاص اللي حواليك عشان ما تتحطم 💪🏻

🔟 ابدأ بداية بسيطة
خد الخطوة الاولى وتوقع ان البداية حتكون دايما سيئة 😱 والتطور ما حيجي في يومين

١١- الاخطاء مقياس التقدم
خطأك اليوم هو مقياس تطورك كمان ١٠ سنوات
فقابل الغلط بشجاعة 🦁 واتعلم منه وخليه دافع ليك واستمر في المحاولة 🏃🏻‍♂️

جاري تحميل الاقتراحات...