فى الحلم
لقيت الفانوس مرة ودعكته
طلعلى عفريت قاللى شبيك لبيك
قلت خلاص الذل انا ودعته
ويا عفريت انا بالطلبات هاهريك
قالى هـــأوأو ..يا انسان
دأنا عفريت مارد ابن جان
مايهمنيش مكان و لا زمان
واطلب وأنا عندى البرهان
قلتله عاوز قمح زُرع فى مصر
ومسؤولين يبطلوا فشر
وحكومة متعصرنيش عصر
لقيت الفانوس مرة ودعكته
طلعلى عفريت قاللى شبيك لبيك
قلت خلاص الذل انا ودعته
ويا عفريت انا بالطلبات هاهريك
قالى هـــأوأو ..يا انسان
دأنا عفريت مارد ابن جان
مايهمنيش مكان و لا زمان
واطلب وأنا عندى البرهان
قلتله عاوز قمح زُرع فى مصر
ومسؤولين يبطلوا فشر
وحكومة متعصرنيش عصر
وكملت وطلبت من العفريت
عاوز مرتب او معاش يكفى لآخر الشهر
وعاوز عيش بدون طوابير
وإنفاق حكومى بدون تبذير
وانتخابات من غير تزوير
وعاوز فى بيتى شيكارة دقيق
وسبب مقنع لأى حريق
ومجلس شعب بدون تصفيق
وفى كأس العالم لينا فريق
وعاوز مرة ازور شرم الشيخ
وصابعين كفتة م اللى مشويين فى السيخ
عاوز مرتب او معاش يكفى لآخر الشهر
وعاوز عيش بدون طوابير
وإنفاق حكومى بدون تبذير
وانتخابات من غير تزوير
وعاوز فى بيتى شيكارة دقيق
وسبب مقنع لأى حريق
ومجلس شعب بدون تصفيق
وفى كأس العالم لينا فريق
وعاوز مرة ازور شرم الشيخ
وصابعين كفتة م اللى مشويين فى السيخ
ولما لقيت العفريت فاشخ ضبه وعمال يسمع
فكملت وقولت
عاوز كمان اشرب مرة عصير بطيخ
واخرج من القسم بدون تلطيخ
ونفسى الضحكة ترجع تانى
وحتة لحمة كندوز او ضانى
وجنيه مصرى زى العملات البرانى
ورصيف للمشى انا وخلاّنى
رد العفريت عليا بغشم
وقال يامصرى يا طيب
ماكنش ده العشم
فكملت وقولت
عاوز كمان اشرب مرة عصير بطيخ
واخرج من القسم بدون تلطيخ
ونفسى الضحكة ترجع تانى
وحتة لحمة كندوز او ضانى
وجنيه مصرى زى العملات البرانى
ورصيف للمشى انا وخلاّنى
رد العفريت عليا بغشم
وقال يامصرى يا طيب
ماكنش ده العشم
وقام واقف وعنيه بطق شرار
وقال بص ..
انا ممكن انقل لك الهرم
واسد لك الاوزون اللى اتخرم
وارجعلك الاكل اللى اتهضم
واخلى البقرة تمأمأ زى الغنم
واعملك قصر من العدم
واقولك معنى شرم برم
بس طلباتك دى الصراحة
طلبات واحد مريض ملموس
عقله خلاص أكله السوس
اسكت يا متعوس
وقال بص ..
انا ممكن انقل لك الهرم
واسد لك الاوزون اللى اتخرم
وارجعلك الاكل اللى اتهضم
واخلى البقرة تمأمأ زى الغنم
واعملك قصر من العدم
واقولك معنى شرم برم
بس طلباتك دى الصراحة
طلبات واحد مريض ملموس
عقله خلاص أكله السوس
اسكت يا متعوس
يا ابنى ال بيحصل فيكم ده
تخطيط كبير مدروس
انك مفروض عليك
تعيش على طول موكوس
واحنا ف عالم الجن
بناخد من حكامكم دلوقتى دروس
ازاى نخلى الجن ال يعترض متعوس
وياريت بسرعه ترجعنى تانى الفانوس
وزى بعضه انا راضى أعيش محبوس
بدل ما اخرج اتبهدل زيك
ويبقى اتلم موكوس على متعوس
تخطيط كبير مدروس
انك مفروض عليك
تعيش على طول موكوس
واحنا ف عالم الجن
بناخد من حكامكم دلوقتى دروس
ازاى نخلى الجن ال يعترض متعوس
وياريت بسرعه ترجعنى تانى الفانوس
وزى بعضه انا راضى أعيش محبوس
بدل ما اخرج اتبهدل زيك
ويبقى اتلم موكوس على متعوس
جاري تحميل الاقتراحات...