جاهزين؟ اعلمكم؟
المهم خل اعلمكم مبدئيا لو انتو مبتدئين ما تحتاجون تفتحون محفظه تداول كل الي عليكم تخشون بمجال الاكتتابات والاكتتاب انك تشتري السهم قبل ينطرح بالسوق كانك تشترين بضاعه قبل تحطينها بالسوق اوك؟ اوك يعني ما تقدرين تبيعين الا لمن تنطرح وطبعا كل شركه تحدد موعد الاكتتاب وموعد الطرح
تقدرون تشيكون على المواعيد والشركات تبع الاكتتاب من موقع تداول او من نفس الابلكيشن وهذا الرابط saudiexchange.sa وتاكدو تحطون نوع الادراج اكتتاب وتحت تحطون اسهم نفس ما انا مسويه
غير كذا تحتاجون تشيكون عالسوق حملو تداول او حملو الستوكس والسوق حق الاسهم يفتح من ١٠ الصباح ل٤ العصر
مبدئيا لو انتو ناس بس تبغو تجربو لا تدخلو بمبالغ كبيره عشان لا تخسرو كثير لو ما كان الاكتتاب جيد او ما كان بالمستوى المتوقع سوو ستيب ١ اول ما تشترون السهم مثلا لو اشتريتو ١٠ الشركه بعد كم يوم حتسوي حاجه اسمها رد الفائض حترجع لكم جزء من المبلغ وتستثمر لكم بالباقي
رد الفائض بمعنى الشركه لها ميزانيه معينه ومحدده مثلا ٢ مليون سهم بالاكتتاب والناس الي جات تشتري مثلا كانو كثير مره فيسوو حسبه بحيث يطلعو نسبه معينه يستثمرو فيها لكل فرد وشركه بحيث انها ما تكون اكثر من ٢ مليون السهم الي عندهم ف لو اشتريتي ١٠ اسهم ب١٠٠٠ ممكن يرجعو النص وممكن الربع
على حسب الطلب على السهم طبعا وبعدها ينطرح عادي السهم وتقدرين تشترين من اي بنك لو عندك الراجحي او الاهلي عندهم خدمه شراء وبيع اسهم الاكتتاب مدري عن البنوك الثانيه بس اتوقع عندهم وعالعموم انتي التزمي بالمواعيد وركزي عليها
بعد الطرح بتقدرين تبيعين وتشترين طبعا تقدرين تشترين فقط وقت ما السوق مفتوح وكل يوم السهم بيختلف سعره ممكن لكن بنسبه بسيطه سواء ربح او خساره سوقنا مو بذاك النشاط وانا افضل اول ما تشوفون ربح حتى لو بسيط لا تطمعون ممكن احيانا يخسر السهم ولا يرجع لسعره الي اشتريتيه فيه ابد
ف بيعو عشان بس تكون تجربتك الاولى ممتعه بنفس الوقت انتي عرفتي كيف الوضع يمشي وانتبهو انتبهو انتهوووو من اي احد ينصحكم باي شركه او يعطي استشارات لا تغلطون وتسمعون كلام غيركم ممكن تخسرون على الاقل تخسرون بقراراتكم انتو مو بقرارات غيركم
وطبعا الاستثمار مو بس اكتتاب تقدرون تتطورون وتفتحون محفظه تداول وتصيرون تشترون اسهم من نفس السوق وتبيعون على حسب قراءاتكم للوضع الاقتصادي والمالي للشركات وكل شي حولكم انتو شوفو الشركه الي تتوقعون ان بيضرب سعرها بسبب حدث صار او بيصير واستثمرو فيها والخ
هيا اجحدوها يا متابعين والي يهمور بسوق الاسهم بعدين لا ينساني
جاري تحميل الاقتراحات...