كيف بيشتغل موتار السيارة ؟ ثريد سريع.
المحرّك اسمه internal combustion engine يعني الاحتراق الداخلي لأن كل عملية الاحتراق وخلق طاقة ميكانيكية بتصير داخل المحرّك. بس هوي فعليا" بيصير انفجار داخل المحرّك ومش احتراق. المحرّك بيتألّف من عدد من السيلندرات (بالعادة مجوز)، فمنقول 👇
المحرّك اسمه internal combustion engine يعني الاحتراق الداخلي لأن كل عملية الاحتراق وخلق طاقة ميكانيكية بتصير داخل المحرّك. بس هوي فعليا" بيصير انفجار داخل المحرّك ومش احتراق. المحرّك بيتألّف من عدد من السيلندرات (بالعادة مجوز)، فمنقول 👇
مثلا" موتار 4 سيلندر أو 6 وهكذا دواليك. السيارات العادية موتارها بين 4 و 12 سيلندر. السيلندر متل ما بيشير اسمه، شكله اسطواني وبقلبه بيستون piston بيطلع وبينزل. براس السيلندر في البخاخ injector ، الصبابات valves (2 أو 4) والبوجيه spark plug. موتار المازوت ما فيه بوجيه. الصبابات 👇
نصهم للهواء النظيف inlet valve ونصهم للغازات اللي بتطلع من الحريق وموصولين عالايشابمان exhaust valve. قديما" كان كل سيلندر عنده صبابين، اليوم معظمهم عنده 4، كرمال هيك مثلا" منقول سيارة 4 سيلندر 16 صباب.
مكان البخاخ بيختلف من محرك للتاني يا بقلب السيلندر، أو قبل الصباب👇
مكان البخاخ بيختلف من محرك للتاني يا بقلب السيلندر، أو قبل الصباب👇
بس النتيجة نسبيا" ذاتها.
البيستونات موصّلين ببعضهن من تحت بشي اسمه آكس الموتار crankshaft، بطريقة كل اثنين يكونوا عكس بعض، يعني واحد فوق وواحد تحت، هلق منعرف ليش.
هلق كيف بيصير الحريق: المحرّك منقول عنده 4 مراحل four stroke engine.
المرحلة الأولى البيستون بينزل، البخاخ بيكبّ 👇
البيستونات موصّلين ببعضهن من تحت بشي اسمه آكس الموتار crankshaft، بطريقة كل اثنين يكونوا عكس بعض، يعني واحد فوق وواحد تحت، هلق منعرف ليش.
هلق كيف بيصير الحريق: المحرّك منقول عنده 4 مراحل four stroke engine.
المرحلة الأولى البيستون بينزل، البخاخ بيكبّ 👇
بنزين، وصباب الهواء مفتوح. المرحلة الثانية البيستون بيطلع تا يضغط خليط البنزين والهواء (الصبابات كلها مسكرة). المرحلة التالتة البوجيه بتشرقط وبتسبب الانفجار، فبينزل البيستون عالضغط.
المرحلة الرابعة البيستون بيطلع وصباب الغازات بيكون مفتوح تا تطلع دخنة الانفجار عالايشابمان 👇
المرحلة الرابعة البيستون بيطلع وصباب الغازات بيكون مفتوح تا تطلع دخنة الانفجار عالايشابمان 👇
وبترجع الدورة بتعيد نفسها. متل ما قلنا البيستونات موصولين عالآكس عكس بعض تا بس يكون واحد نازل، يكون عم يدفش رفيقه تا يطلع.
طبعا" هيدا كلّه بيصير بسرعة فائقة، سرعة آكس الموتار هيي اللي منقراها قدّامنا عا تابلو السيارة rpm. مثلا" 4,000rpm يعني 4,000 دورة بالدقيقة، وكل دورة هيي 👇
طبعا" هيدا كلّه بيصير بسرعة فائقة، سرعة آكس الموتار هيي اللي منقراها قدّامنا عا تابلو السيارة rpm. مثلا" 4,000rpm يعني 4,000 دورة بالدقيقة، وكل دورة هيي 👇
مرحلتين، يعني البيستون بيكون نزل وطلع 4,000 مرة بالدقيقة. وطبعا" كل شي مرتبط فيه من صبابات وبخاخات وبوجيات معيّر بدقة متناهية تيشتغلوا مع بعض بتناسق تام. تاريخيا"، كل شي كان يصير ميكانيكيا"، بس هلق صار في كتير انظمة الكترونية بتتحكّم بالموضوع وساعدت بتحسين فعالية المحركات 👇
آكس الموتار بيكون من جهة وراء موصول عالفيتاس، ومن جهة قدام موصول عا بكرة بقلب الموتار بتبرم شي منسمّيه جنزير أو قشاط الصدر timing belt (تاريخيا" كان جنزير حديد وما بيتغيّر، بالسيارات الجديدة صاروا يعملوه قشاط كاوتشوك بيتغيّر كل 60,000 كلم تقريبا").
هيدا الجنزير موصول عا آكس 👇
هيدا الجنزير موصول عا آكس 👇
أو أكثر عا راس الموتار اسمه camshaft فيه نتوءات بيكبسوا عالصبابات تا يفتحوا بالوقت المناسب. البخاخات والبوجيات التحكّم فيهن بيصير الكترونيا".
آكس الموتار موصول كمان من قدام عا شي منسمّيه قشاط المروحة driving belt بس صرنا هون خارج الموتار. القشاط بيبرم كل شي بدنا بالسيارة 👇
آكس الموتار موصول كمان من قدام عا شي منسمّيه قشاط المروحة driving belt بس صرنا هون خارج الموتار. القشاط بيبرم كل شي بدنا بالسيارة 👇
من مروحة (مع انه حاليا" معظم السيارات عندها مروحة كهرباء مستقلة)، لطرمبة ماي، طرمبة زيت، طرمبة هيدروليك، الدينامو (اللي بيعبّي البطارية)، المكيّف ...
في بداخل المحرّك شبكة للزيت اللي بيمنع الاحتكاك بين القطع اللي حكينا عنها داخل المحرّك (بيستون وسيلندر، آكس موتار، camshaft...)👇
في بداخل المحرّك شبكة للزيت اللي بيمنع الاحتكاك بين القطع اللي حكينا عنها داخل المحرّك (بيستون وسيلندر، آكس موتار، camshaft...)👇
وشبكة للماي للتبريد، من دون ما ينخلط شي مع الثاني (لا الماي ولا الزيت ولا البنزين).
المحرّك قديما" كان يتصنّع من الحديد، وهلّق صار معظمه ألومنيوم اللي هوي وزنه أخف كتير، بالاضافة لمزايا تانية.
القطع اللي ذكرناها من آكس الموتار لراس السيلندر (من دون البخاخات والصبابات والبوجيات)👇
المحرّك قديما" كان يتصنّع من الحديد، وهلّق صار معظمه ألومنيوم اللي هوي وزنه أخف كتير، بالاضافة لمزايا تانية.
القطع اللي ذكرناها من آكس الموتار لراس السيلندر (من دون البخاخات والصبابات والبوجيات)👇
موجودين ببلوك موتار engine block. القطع اللي فوق ببلوك اسمه كولاس cylinder head. وبكعب الموتار في بلوك اسمه كارتير الزيت oil pan. وبين كل بلوك والتاني في طبعا" جوان لمنع الترويح (جوان الكارتير وجوان الكولاس)
انشالله يكون الثريد واضح ومسلّي 😁
انشالله يكون الثريد واضح ومسلّي 😁
جاري تحميل الاقتراحات...