بتكلم في موضوع مهم جداً وأتمنى اي موظف في شركة قطاع خاص يركز معي كويس. وأتمنى تجي الرسالة للكثير منهم. فيه حسابات كثيرة اليوم جالسة تقول لمن تطلع من الدوام اسحب على شغلك ، ترا منت مجبور تشتغل أكثر من وقتك. وش بيفرق براتبك.

والله العظيم ما أذكر فيه موظف في أي قطاع شفته وصار نفس كذا الا يستمر مكانك سر. وماشفت موظف يسوي العكس ويشتغل ويتعلم ويحاول يغطي في أقسام ثانيه إلا أنه يبرز ويبدع ويوصل أشياء كثيرة.

دائماً خلك طموح مع مديرك ، أثبت له اجتهادك ترا مديرك بيوم من الأيام بيجيه عرض أفضل ويسألونه من بترشح بعدك أو من بتكلف. نصيحة أبعد عن الكلام السلبي ، إشتغل بحب ، أتعلم أكثر. طور مهارتك. والله العظيم فيه فرص كبييييرة للشباب والله اني اشوفها شباب يجلسون عندنا سنه سنتين بعدها عروض

بزيادة ٤٠٪ إلى ٥٠٪ ، اليوم الشركات العالمية كلها بتجي للرياض ، طور مهاراتك لغوياً ، طور خبرتك بالاكسل ، خذ شهادات مهنية ، لايهمك الماجستير قبل الخبرة. مالقيت وظيفيه قدمو تمهير ادخلو بس أبواب الشركات بعده بتشوف كل شي يتفتح لك