السيرة الذاتية
الدين
الهجرة
التفكير الذاتي
التأمل الشخصي
تجربة ثقافية
تجربة السجن
تجربة دينية
النمو النفسي
من ساعة ما وصلت أمريكا واتشفطت ف الماجستير وأنا مش ملاحق أعمل حاجة قوي، حتى الخروجات بتبقى حاجات أدبية أو ايفنتات بحاول أقرا فيها شغلي. أدركت انهارده إن بقالي كتير قوي قوي ممسكتش مصحف خالص، وبشكل ما حسيت بالذنب لأن قراية القرآن من العادات اللي السجن بيعلمها للواحد
حتى لو عمره ما كان بيمسك مصحف ف حياته، وكنت دايمًا أقول يا رب لو طلعت مش هبطل ده وهحاول أفضل بعمله.
طلعت المصحف، وده هو نفسه مصحف السجن اللي معايا من أول زيارة ف أكتوبر ٢٠١٣ ف سجن المرج ولف معايا ٧ سجون مختلفة على مدار ٦ سنين، ومقرتش ف مصحف غيره من يومها.
طلعت المصحف، وده هو نفسه مصحف السجن اللي معايا من أول زيارة ف أكتوبر ٢٠١٣ ف سجن المرج ولف معايا ٧ سجون مختلفة على مدار ٦ سنين، ومقرتش ف مصحف غيره من يومها.
المصحف شايل كمية ذكريات رهيبة ومليان علامات بالهايلايتر كل واحدة فاكر علمتها ف أنهي زنزانة وأنهي حالة وكنت بفكر ف ايه وقتها.
وأنا بقلب الصفحات، لقيت ورقة صغيرة متطبقة وقعت كانت محشورة بين الكرتونة والجلدة اللي ف الآخر.
وأنا بقلب الصفحات، لقيت ورقة صغيرة متطبقة وقعت كانت محشورة بين الكرتونة والجلدة اللي ف الآخر.
عرفتها من قبل ما أفتحها وحسيت إني مرة واحدة بحلم ومش مجمع أنا وصلت هنا ازاي.
الورقة بخط حبيبي وزميلي ف القضية معاذ موافي، كان طالب أزهر من كفر الشيخ كل الناس اللي تعرفه بتحلف بيه، وكنت بحب صوته ف القرآن جدًا
الورقة بخط حبيبي وزميلي ف القضية معاذ موافي، كان طالب أزهر من كفر الشيخ كل الناس اللي تعرفه بتحلف بيه، وكنت بحب صوته ف القرآن جدًا
فمرة قلتله يعلمني أي حاجة ف التجويد، فقعدنا ساعة يصلحلي قرايتي وكتبلي شوية النقط ديه وطبقتها وشلتها ف المصحف. ده كان ف أول سنة سجن، ولفينا مع بعض سنين وسجون وامتحانات وأنا سايبها ف نفس المكان، وكل ما نتفرق ونتقابل أقوله فاكر ورقتك يا معاذ؟ لسه شايلها معايا من يومها.
كل اللي قابل معاذ ف السجن بيفتكره بأغنية "بسم اللي جمع" اللي بيغنيها ف كل زنزانة واحنا بنترحل ونتفرق، وصوته يعلى وهو بيقول "عهد وأمانة لو الزمان فرق ما بينا، نصون ودادكم مهما هيطول البعاد"
معاذ ف عاشر سنة سجن، لسه مروحش، وعمره ضاع، ولسة قدامه باقي حكم ال١٥ سنة عشان قضية تجمهر.
معاذ ف عاشر سنة سجن، لسه مروحش، وعمره ضاع، ولسة قدامه باقي حكم ال١٥ سنة عشان قضية تجمهر.
خرجت وسبتك يا معاذ، وسافرت وركبت طيارات متتعدش ولفيت كذا بلد وبقيت ف الناحية التانية م العالم، وطال البعاد، وانت لسه جوه، وورقتك لسه معايا.
ربنا يفك حبسك يا صاحبي.
ربنا يفك حبسك يا صاحبي.
جاري تحميل الاقتراحات...