من حوالي أسبوع، مصر منحت ٣٤ شركة روسية (البلد اللي بتخوض حرب من سنة) تراخيص لتوريد الأسماك والمنتجات البحرية للسوق المصرية في محاولة لتعويض العجز وخفض سعر الأسماك. /01
دي النتيجة الطبيعية لما العساكر تقرر الدخول في أي نشاط فتفسده، ياريت نفتكر المزارع السمكية للقوات المسلحة، وافتتاح بركة غليون في كفر الشيخ في نوفمبر ٢٠١٧ بتكلفة مليار و٧٠٠ مليون جنيه، ونسأل عن جدوى المشروع ده كان ايه؟ والفلوس اللي اتصرفت دي راحت فين؟. /02
المشروع ده عشان يتم، قضى تقريبًا على مصدر رزق أهل المناطق الساحلية في كفر الشيخ، خصوصًا مركز مطوبس، وقرية برج مغيزل.. وياريته نجح في النهاية.
أهالي المناطق دي بيعانوا أصلًا من فقر شديد، وأمية، وتجاهل تام من الدولة، وكل مهاراتهم متمثلة في الصيد وركوب البحر، /03
أهالي المناطق دي بيعانوا أصلًا من فقر شديد، وأمية، وتجاهل تام من الدولة، وكل مهاراتهم متمثلة في الصيد وركوب البحر، /03
معندهمش مدارس ولا مستشفيات ولا بنية تحتية، كتير منهم عنده إصابات جسدية مستديمة، نتاج الأعمال الخطر اللي بيقوموا بيها من وهما أطفال.
فتقوم الدولة بدل ما تحاول ترعاهم وتنهض بيهم، أو حتى تستفاد من خبراتهم ومهاراتهم في منظومة الصيد، أو تدمجهم في المزرعة السمكية الجديدة، /04
فتقوم الدولة بدل ما تحاول ترعاهم وتنهض بيهم، أو حتى تستفاد من خبراتهم ومهاراتهم في منظومة الصيد، أو تدمجهم في المزرعة السمكية الجديدة، /04
تقوم الدولة تقفل عليهم باب رزقهم الوحيد وتسحب (الزريعة) من البحر، بماكينات بركة غليون (حسب كلام الصيادين)، عشان يصبح البحر بلا أسماك، ويحصل خلل في التوازن البيئي، وكمان يطاردوا الصيادين اللي يحاولوا يصطادوا. /05
الصيادين دول عشان يقدروا يعيشوا، بقوا ياخدوا مراكب ويهربوا بيها من البحر، في رحلات بتاخد شهور أو سنين، ويروحوا يصطادوا من الغرب أو الشرق، شواطيء في ليبيا، أو شواطيء بالقرب من الأردن وفلسطين والسعودية.
الحكومة تسيبهم في حالهم؟ لاء.. /06
الحكومة تسيبهم في حالهم؟ لاء.. /06
وهما راجعين بعد سنة ولا اتنين شغل، وكل واحد محوش له ٢٠ ألف جنيه (أقل من ألف دولار) تروح المخابرات خطفاهم، وواخده فلوسهم، وبعد كده تحولهم للأمن الوطني اللي يخفيهم شوية ويعذبهم وينتزع منهم اعترافات بالقوة، ويسجل لهم فيديوهات بالاعترافات، ويتم إرفاقهم على قضايا إرهاب بأمن الدولة،/07
على أساس إنهم كانوا بيتعاونوا مع حكومة السراج في ليبيا وبيهربولهم سلاح.
فالنتيجة إننا دولة عندنا بحر أحمر وبحر متوسط ونهر نيل.. وبنستورد أسماك.
ودي النتيجة الطبيعية لما يتحول الرائد المقاتل الفلاني من قيادة الجنود لحماية الحدود، إلى الرائد المقاتل قائد خط السمك والجمبري. /08
فالنتيجة إننا دولة عندنا بحر أحمر وبحر متوسط ونهر نيل.. وبنستورد أسماك.
ودي النتيجة الطبيعية لما يتحول الرائد المقاتل الفلاني من قيادة الجنود لحماية الحدود، إلى الرائد المقاتل قائد خط السمك والجمبري. /08
لينا حديث تاني عن تدمير صناعة الأثاث في دمياط. /09
جاري تحميل الاقتراحات...