بص بقى ياسيدي الكارثة الجاية دي، موقع العقارية نزل تصريح في ٣١ يناير اللي فات نقلا عن محمد طاهر رئيس مجلس إدارة نايل ديڤيلوبمينتس في اجتماع مع رئيس شركة العاصمة وممثلين عن باقي المطورين لبحث الأزمة الحالية بيطالب بتعديل كود المباني لتوفير ٣٠٪ من التكاليف
ده طبعا نتيجة طبيعية للأزمة اللي في السوق وضعف القدرة الشرائية للمصريين وزيادة تكلفة مواد البناء المستوردة وبالتالي العاصمة كلها مهددة إنها تقف...
طيب ما يمكن دي تخاريف مقاول مالوش أي أهمية يعني، مجرد رأي شخص وهايترمي مش توجه رسمي..
طيب ما يمكن دي تخاريف مقاول مالوش أي أهمية يعني، مجرد رأي شخص وهايترمي مش توجه رسمي..
شركة نايل ديڤيلوبمينتس واخدة تاني أكبر برج في العاصمة وافريقيا بعد البرج الأيقوني... شركة محدش سمع عنها قبل العاصمة غير صاحبها دخلت خدت مشاريع باستثمارات مهولة مخدهاش عتاولة المقاولات في مصر لا طلعت مصطفى ولا صبور ولا أوراسكوم، ناس لها اسمها وخبرتها اللي تقدر تلم مستثمرين معاهم
نموذج نايل ديڤيلوبمينتس ده وباشمهندس محمد طاهر بيفكرنا بمين ياولاد؟ بيراميدز ديڤيلوبمنتس وهشام الخولي - نايل وبيراميدز وكدة - شركات بحجم استثمارات رهيبة محدش سمع عنها قبل كدة ظهرت فجأة مع العاصمة الإدارية...
وبالتالي كلام الناس دي مش مجرد كلام مقاول ترميه ورا ضهرك
وبالتالي كلام الناس دي مش مجرد كلام مقاول ترميه ورا ضهرك
حط بقى الكلام ده على كلام اللجان ودفاعهم المستميت عن مقاولين تركيا - سبحان الله بقت حلوة دلوقتي - وترويجهم لأن مصر مش على حزام الزلازل وده حقيقي لكن مايمنعش إنها معرضة لها مع طبعاً إننا كلنا عارفين أن العاصمة هي قرة عين المكسيكي ومستعد يدوس على اي حد وأي حاجة عشان تكمل
مع حجم الفلوس اللي اترمت فيها من المجموعة اللي حواليه هتلاقي أن الموضوع مطروح فعلا وغالباً هايعدى... مين اللي ممكن يقف فيها يعني؟ النقابة؟ لو وقفوا فيها المجلس يتشال ويجي غيره..
ماهو مش معقول نوقف مشروع بالعظمة دي عشان احتمال أن بعد عشرين ولا خمسين سنة يجي زلزال قوي
ماهو مش معقول نوقف مشروع بالعظمة دي عشان احتمال أن بعد عشرين ولا خمسين سنة يجي زلزال قوي
مصر في آخر 150 سنة ضربها خمس زلازل قوية فا مش شغلانة يعني ماهي مصر مش على حزام الزلازل، يعدلوا الكود والمشاريع تكمل والناس تحتفل وكله يشتري ويظهر في السوق مصطلح الكود القديم ولا الكود الجديد وده سعر وده سعر
لحد ما في يوم من الأيام بعد ما أنا وأنت والمكسيكي والباشمهندس طاهر
لحد ما في يوم من الأيام بعد ما أنا وأنت والمكسيكي والباشمهندس طاهر
وكل اللي بيقرا الثريد ده ما نمشّي من هنا بعد 50 سنة يضربنا زلزال قوي يتسبب في كارثة.. يمكن ساعتها الناس تدور على سبب الكارثةويكتشفوا تصريح باشمهندس طاهر ويتكلموا عن العصر المنحط اللي اتمرر فيه حاجة زي دي
وربما... وده إحتمال ضعيف جدا يكاد يكون معدوم.. شخص من اللي قرا الثريد ده يقرر ياخد له سكرينشوتس ويحتفظ به، ويقرر لسبب غير مفهوم أنه يحوله لNFT يورثها لأكبر أبناءه ولأحفاده من بعده، وبعد مايكون كاتب الثريد تحول لكمبوست لشجرة جنكة عملاقة تظهر مجموعة التويتات من جديد بعد زلزال مدمر
يتناقلها الناس عن طريقة الشريحة الإلكترونية المزروعة في أدمغتهم لنقل المعلومات وآخر الأخبار لحظيا، تظهر أمام أعينهم في صورة هولوغرام يحيط بهم مع باقي الأخبار العالمية عن هبوط سفينة الفضاء الغانية على سطح المشترى وفوز نادي الزمالك بلقب الدوري العام للمرة ال18 في تاريخه
هايتسأل الناس عن هوية صاحب سلسلة التغريدات.. أكيد كان شخص مُلهم قدر يشوف اللي عجز الجميع عن رؤيته.. قدر يتنبأ بأن البلد اللي ضربها زلزال قوي على الأقل مرة كل 40~50 سنة أكيد هايضربها زلزال خلال 40~50 سنة.. قدر يشوف أن المباني اللي هاتتبني بالمخالفة لكود الزلازل هتنهار مع الزلازل
أكيد مكانش بشري عادي اللي يقدر يشوف حاجة زي دي، يمكن يكون مسه جن.. أو ضربته صاعقة أو عاصفة كونية غيرت من تكوينه؟ يمكن يكون قديس أو فنان من عصر سحيق عنده القدرة على التنبؤ بالمستقبل مسح على راسه خلال أحد مسرحياته الغنائية وهو طفل رضيع في حجر أمه؟
محدش يعرف لكن الأكيد أنه مكانش بشري عادي بيقضي يومه بيلعب مع قطط الشارع على السلم.
جاري تحميل الاقتراحات...