من الفيديوهات المختصرة الحضرتها السنة دي وفرحت بيها شديد لأني اتعملت الحكمة بتاعتها بالطريق الصعب في السنوات الفاتت، فيديو بعنوان Why specializing early doesn't always mean career success أو "لماذا التخصص المبكر لا يعنى بالضرورة النجاح والتفوق المهني في المستقبل".
الفيديو ببساطة بيعدل فهم شائع جداً ومغلوط عندنا وهو أنه "الزول لو بدأ حياته المهنية بصورة مبكرة، واختار تخصصه من بدري، ورسم طريق واضح، واستمر عليه"، الزول دا هو الغالباً حيكون ناجح ومتفوق في الحياة الوظيفية. الفيديو بقول أنه الفهم دا ما بالضرورة صحيح، بل بالعكس في شواهد كثيرة جدا
ً بتقول أنه الناس البتدي نفسها فرصة أوسع في السنوات الاولى من عمرها عشان تجرب أنشطة ووظائف ومهام مختلفة هم غالباً حيلقو نفسهم بعد سنوات مقتنعين تماماً بالخيار الوظيفي الاستقرو عليه وبيكون دخلهم عالي فيه.
بالإضافة لكدا فتجربة تغيير الوظائف والأدوار بتدفع الناس ديل لتطوير عقلية
بالإضافة لكدا فتجربة تغيير الوظائف والأدوار بتدفع الناس ديل لتطوير عقلية
قادرة على التأقلم مع الحياة المتقلبة وبيكونوا طوروا مهارات مختلفة بتخليهم قادرين دائماً في أي وضع أو وظيفة جديدة يعيدوا إنتاج نفسهم بطريقة بتخليهم مفيدين للمهمة الجديدة وقادرين يوظفوا تجاربهم السابقة لإثراء فريق العمل الجديد بتاعهم بصورة مافي زول غيرهم بقدر يعملها.
اعتقد أنه الفكرة المفيدة والرئيسية في الفيديو دا أنه الإنسان يعرف أنه مافي طريق واضح ومحدد للنجاح والتفوق، وأنه تعدد التجارب والوظائف والعلاقات والمعارف والقراءات والمعارك الحياتية هو من أفضل الحاجات المفروض الزول يحرص عليها ويستثمر فيها زمنه ويدفع أولاده وأخوانه ومن يحب ليها،
وأنه مجموع التجارب دي هي التى ستصنع شخصيته الفريدة ومهاراته المميزة، وبالتالي الإنسان ما يخاف من عدم وضوح رؤيته أو خياراته الحياتية طالما هو بخوض في التجارب دي وبتعلم، لكن يخاف لمن يتوقف عن التجارب والتعلم.
خميسكم سعيد، وليلة جمعة مليئة بالصلاة والسلام على خير البرية، صلي الله عليه وسلم.
جاري تحميل الاقتراحات...