كنت داخل صندوق مع ستات شاي شغالات جمبنا ف مكان الشغل وادوني الصرفه الاولي شلتها اكلتها في بطني دي ما خليت مطعم م مشيت ليهو سمك وشيه وكوارع ومندي واكل بلدي ومخبازات وبسبوسات وباسطات المهم عزيت نفسي تمااااام
يلا الشغل نام علي.. لا هو م نام علي وبس دا مات عديل كدا
يلا الشغل نام علي.. لا هو م نام علي وبس دا مات عديل كدا
وطبعا حصل عجز في سداد التزاماتي برسوم الصندوق والصرفات فاااا غصباً عني ولا ما من طبعي او اخلاقي الفاضله ومبادئي ومواقفي اني أزوغ بحق زول خليك من حق نسوان قاهرات وناهرات ولسانن يحش البرسيم هو قضاء وقدر وهبط ع راسي
يلا بقيت شغال زوغانات منهن لحدي ربنا يفرجا واجي اديهن قروشن
يلا بقيت شغال زوغانات منهن لحدي ربنا يفرجا واجي اديهن قروشن
وطبعا هن فضحني في مشارق الارض ومغاربا الطيره الطايره في سماها دي كلمنها انو انا اكلت قروشهم وشردت المهم عدت الايام وانا نسيت الموضوع فااا يوم جمعه كدا وانا قاعد في البيت وكل ناس البيت قاعدين والوالده عامله فطور بلدي قراصه بالتقليه ومعاها شعيريه بالسمن البلدي
فااا قاعدين كلنا ناكل ابوي وامي واخواني والبنات ما شاءالله فضلة خيركم والامور طيبه والجو يعمه السلام والسكينه وحقيقة الوالده ابدعت واخلصت في ملاح النعيميه والله كان بمثابة بلسم يشفي ويداوي كل الجراحات والخيبات والفشل الفاشلنو في حياتنا دا
وابوي هااااادي ومسكييييين م عارف عاملين ليهو شنو او مبلعنو شنو المهم كان وديع تاكل وتقش في طرفو بس دوام الحال من الحال ، فجأه الركشه تقيف جمب الباب ويدفرن الباب تلاته نسوان سمان قدر بقر حلة كوكو ويجن داخلات لا احم ولا دستور وتعال شوف اول شي وقفن في نص الحوش
ونزلن تيابن من راسن ونسفن شعرن وهزنو زييييينتي وصفقن عليك امان الله تسمع الصفقه تقول الليله توزيع النتايج..
صفقن وترتررن ل ورا وقالن هييييييييييييي وتاني هيييييي اتقدمت واحده منهن اسمها بدريه بنقول ليها في الشغل بدريه الاستثماريه زوله كدا شبه ضكر
صفقن وترتررن ل ورا وقالن هييييييييييييي وتاني هيييييي اتقدمت واحده منهن اسمها بدريه بنقول ليها في الشغل بدريه الاستثماريه زوله كدا شبه ضكر
الله اعلم تكون انثي ذي م هي معتقده زوله شفته ومقرمه وواقعه ليها والحياه دقشتها ف استلمت المنصه وقالت لي هيييييي وتاني هييي والتالته بالتقسيط والرابعه احولها ليك رصيد هييييي يا سجمان يا وسخان يا ماكل عرق النسوان الليله شوف ليك مكان يا عره يا هره يا فره يا جره ماكل قروشنا
وقاعد تاكل مع امك واخواتك ؟
تاكل الدانقسي ويبقي ليك بنقص فيتامين سي يا الجقر الما عندو سعر الليله بتطير ولا بترك ؟ اها اتقدمت حليمه شيكات ودي متخصصه شيكات ضاربه وبتاعت مواسير ومن كبار ومعتادي ومرتادي سجن النساء يعني من الاخر كدا رد سجون
تاكل الدانقسي ويبقي ليك بنقص فيتامين سي يا الجقر الما عندو سعر الليله بتطير ولا بترك ؟ اها اتقدمت حليمه شيكات ودي متخصصه شيكات ضاربه وبتاعت مواسير ومن كبار ومعتادي ومرتادي سجن النساء يعني من الاخر كدا رد سجون
فاااا قالت لي هيييييي وتاني هيييي والتالته بالالوان والرابعه بختها ليك عند سيد الدكان وينو هو الخايب العايب السايب وللاسف شايب وينو هو ؟
لموني فيهو بس الفار اب قنقره القاعد للقرقره وجنو قلة ادب ومسخره الليله بقرقرو بالعود وبملاهو هبود الوسخان اب دود الملان قدود تاكلنا نحنا ؟
لموني فيهو بس الفار اب قنقره القاعد للقرقره وجنو قلة ادب ومسخره الليله بقرقرو بالعود وبملاهو هبود الوسخان اب دود الملان قدود تاكلنا نحنا ؟
تاكل الغباين وعينك ما تعاين الماكل ليها شنو انت لباسك واحد ومتفن بيهو وقاعد تقعد في الطش وتقول تش اهاااااااا اتقدمت لي ناديه دولار شغاله عمله دولار يورو ريال اي دنيا وعامله شغل الشاي دا واجهه فقط اها اتقدمت وهزوزوت شعرها وتفت تلاته مرات ع يدها الشمال
وقالت لي هييييييي يا البارك تاكل تاكل نعلاتك وتقوم بعاتي يوم وفاتك يا المسخت زاتك وقطعت صلاتك هييييي يا التمبرلي اللا بصوم لا بصلي اب خشما مجلي يبلع وما بدلي هييييي يا كبير عوعو الما عارف كوعو من بوعو
اهاااااا ابوي تفا اللقمه من خشمو وقام من الصينيه مخلوع ومفجوع ومهلوع من العرض القذر الحضرو وسمعو وشافو هسي ع الهواء مباشرة دا مرق برا حفيان قال ليهن في شنوووووو ؟ وانتوا منووووو ؟ ودايرين شنووووو ؟
اما انا فلااااااا حول ولا قوة الا بالله من الهجيمه والرجيمه الجاتني في صمة خشمي
اما انا فلااااااا حول ولا قوة الا بالله من الهجيمه والرجيمه الجاتني في صمة خشمي
لا حاريها ولا داريها ف مجرد ما شفت بدريه وحليمه وناديه دفرن الباب وجن داخلات منفوشات نفش ومنحفشات نحفشه دخلت في غيبوبه جزئيه انا عقلي واعي ما مغبي وسامع وشايف ومدرك لكل شي بس مخدر تخدير ومشجر تشجير جسمي كلو نمل تنميل بقيت عباره عن عضم مجدوع وملان نمل وخشمي انفتح براهو
وكلو حنك قعد في حته والله انفتح براهو انا اصلي ما فتحتو الله عالم وشاهد وعرقت عرق مشيت مويه ما خلاص دا هبوط حاد في ضربات القلب وطبعا العبره ساده حلقي بس الليله ماف شي بحلني لو مرقت من الثلاثي المرعب دا ماح امرق من ابوي يلا بقيت منتج ومنحط ومنخت ومتفن ومفرجخ
قبلي عباره عن جننيتر والله وبالله لا عارف صرفا ولا عدلا اها ابوي برا بسال فيهن وهن مواصلات في البسون فيهو قالن ليهو هييييي انت منو اصلا ؟
ومالك حايم ب عراقيك والهواء ضاربك وماخد راحتك ع الاخر ذي القاعد مع نسابتك قال ليهن هيييييييي انتن احترمن نفسكن وخلن عندكن ادب جاياتني متهجمات في بيتي وتقولن لي انت منو ومالك حايم كدا ؟
ان شاءالله احوم عريان ذي الله ماخلقني اما دي قلة ادب جديده انا سيد البيت دا وبفتح فيكن بلاغ تعدي وتهجم هسي دي نطت بدريه الاستثماريه وقالت ليها بالله انت سيد البيت ؟ حصل لينا الشرف والله وقالت كدا فقعتها ليك ضحكه خليعه خلاعه وقالت التحيه ل راجل البيت يا جماعه
اها نطت ليهو حليمه شيكات قالت ليهو وقت تمشي تفتح بلاغ تعدي وتهجم بالله افتح لينا معاك بلاغ نصب واحتيال في ولدك وفلذة كبدك يا سيد البيت انت يانايتي يا طاعم انت وبرضو فقعتها ليك ضحكه اخلع من ضحكة بدريه الاستثماريه اها نطت ليهو ناديه دولار قالت ليهو خليك ريلاكس يا بيبي
الزعل والانفعال ما كويس عشانك حبيبي انت بتلعب في الزمن الضايع والضغط حايم والسكري حايم والجلطه حايمه وبرضو فقعتها ليك ضحكه اخلع من جميع الخلايع الموجوده ع ظهر هذا الكوكب اهاااااا ابوي يادوووووب فهم الرصه كلها وانو كل الكرنفال دا سببو انا
ف اتلفت عاين لي عين لمن اموت واتوسد الطوب ع قول جدي ما انساها نظره ناريه الله لا وراها حبيب ولا قريب وطوالي مسك راسو واترتح عايز يقع اهااااا بناتو صرخن ابووووووووي ونفضن يدهن من الاكل وقامن جاريات مسكن ابوهن قعدنو ورقدنو وبدعكن ليهو في صدرو
وواحده قامت جاريه جابت الحبوب ختو ليهو 4 حبات تحت لسانو وانا شايف كل دا ومتابعو بس في حالة انهيار عصبي مرقت ليهن امي قالت ليهن دايرين شنو انتو ؟
قالن ليهن دايرين قروشنا من ولدكم النصاب دا يدينا قروشنا هسي دي ع داير مليم ولا ح يبقي مولد وسيدو غايب والما يشتري يتفرج
قالن ليهن دايرين قروشنا من ولدكم النصاب دا يدينا قروشنا هسي دي ع داير مليم ولا ح يبقي مولد وسيدو غايب والما يشتري يتفرج
اها امي جاتني راجعه جوا وانا مشلول كدا قالت لي شكيتك ع الله يا جنا كان كل يوم هاجمنا وراجمنا قوم ع حيلك امرق ع الشواطين الجبتهن لينا ديل الليله وااااافضحيتي انا يا يمه خلاص انفضحت في الحله كلها قوم ع حيلك يقوم جلدك قلت ليها اقوم وين انا يا يمه والله انتي ما عارفه حاجه ساي
انا نصي التحت دا كلو ما حاسي بيهو خليني ال انجم حبه وحيلي يشليني قالت لي يشيلك السيل بركة الله اها الفاصل التاني اشتغل برا في الحوش تسمع هوووووي يا جكن جكن الشايل الكرن تعال شوف الحرن هووووي يا ماشي تعال غاشي هووووي يا ترا ترا يا اللستك الورا تعال بالضرا وانده معاك ابشرا
عششششششنا وشفنا صحي والله البطن بطرانه والنار بتخرا الرماد هيييييي يا المطرطش وعامل فيها اطرش تعال برا في السهله قالوا سمحه المهله اجي يا ال جي شوفي يا اختي المتدسي جوا الما عندو خوه اكل تسالينا ونسي اسامينا صحي والله احمر الحمير لو بقي يطير ما تاخدو ب مالا كتير
قوم تعال يا الدودو اب غسيلا بعيدو ومكوع قايل بريدو يريدك البرومبفي الوجعو منو وفي يخسسسسسسي ومرض نفسي صحي والله الرجال ماتو في تايتنك اها ابوي حبوبو ساحن ونعوش حبه وقال كدا كورك جيبوا لي بندقيتي ، انا شخصيا ما عارف ابوي دا بخلي بندقيتو في اوضتو ليه ويجي يكورك جيبو لي بندقيتي ؟
مفروض يكون شايلها 24ساعه ذي السادي خدمه طالما انا عايش معاهو في البيت دا اها جا دور اولادو المره دي ومهمة جيب البندقيه دي مهمتهم ف قامو جارين دايرين يتكسرو عشان بجيبوا البندقيه يلا شنو ؟
انا بعد دا ما عندي قعاد طالما البندقيه جايه مش لو كنت مشلول شلل رباعي ؟
انا بعد دا ما عندي قعاد طالما البندقيه جايه مش لو كنت مشلول شلل رباعي ؟
لو كنت ميت عديل كدا وسمعت ابوي قال جيبو لي بندقيتي ح اشوف لي دباره اتخارج بيها ف قمت ابحت واكربش واقوم واقع صاد سبعه مرات وناس حليمه وبدريه وناديه ما قايلات ابوي عندو بندقيه بالجد ف مجرد ما شافن الاولاد شايلنها وجايين في الزقاق صرخن واااااي وشنقن تيابن فوق ل ركبتن
وانطلقن جري ع الباب دايرات يكسرن رقابن والركشه الجابتن اتشكن فيها شك الكبريته وفحطن اها ابوي استلم بندقيتو وسكاهن ع خشم الباب يلا انا بهنا يدي بملاح التقليه داك وب باب الصالون شلتها ليك موزه وكالعاده طفشتا لمن اتدخلو ناس لجنة الحي ولجنة المسجد وممثلين من لجان المقاومه
حتي رجعت البيت والحمد لله ناس بدريه وحليمه وناديه قدرت لميت ليهن قروشن رجعتهن ليهن بعد طلعن لي امر قبض وراضيتن واتعافينا وسقتهن مشينا شطبنا البلاغ..
للكاتب (سليمان الجعلي)
للكاتب (سليمان الجعلي)
جاري تحميل الاقتراحات...