رتبها

خلوني أحكيلكم شوية عن حقارة الإسلامجية في قصتين أشهر من النار على العلم بتوضحلكم ان وجود مسوخ زي الواد ده أمر طبيعي على مُجتمعنا وقد إيه وصاية بوابين العمارة قادرة تفشخ حياة أي حد مننا بمجرد إن يجتمع عليه شوية إسلامجية ايًا كان هو مين.

أول قصة لنصر حامد أبو زيد، إتعمل وثائقيات كتيرة عنه في الأونة الأخيرة نظرًا لكونه من أكتر الناس إلي فضحت جهلهم، وحرفيًا لإنه واحد طلب من شيخ إنه يشغل عقله ودي كارثة ليهم، الأسهل عندهم قتله على إنهم يشغلوا مخهم.

بغض النظر عن القصة كاملة إلي تقدروا تلاقوها مالية اليوتيوب وعن أراءه، فـ نصر كالعادة كان بيتم الخوض في عرضه من المشايخ وإهانة مراته وكانوا بيحللوا دمه على منبر مسجد عمرو بن العاص لإنه "كافر" بالنسبالهم.

في الأخير حاولوا يستغلوا ثغرة غريبة في القانون وقتها بإنهم يفرقوا بينه وبين مراته لإن مينفعش ست مسلمة تتجوز شخص غير مسلم ولإنهم شايفين حرفيًا إن ده في مصلحة المسلمين وإنه فرض كفاية. والقضية كانت مضحكة وقتها وغريبة، وهو وقتها مهتمش بيها، لكن الحكم النهائي كان صادم.

نصر إتحكم بالتفريق بينه وبين زوجته دكتورة إبتهال يونس عشان تخرج بعد كده تقول إن ده جوزها إلي هي تعرفه، ومستحيل تسيبه وإنها مؤمنة بكل حاجة قالها، عشان يخرج علينا المجحوم عبدالصبور شاهين يسخر من مراته في جرايد وصفها نصر حامد ابو زيد بالجرايد الصفراء ويقول

بكل شماتة إن الست مشكلتها إنها خايفة من إن في أزمة زواج وأنا مستعد اجوزها غيره وأدفعلها مهرها من صندوق الزكاة، عشان تخرج بعدها دكتورة إبتهال في مقالة ترد عليه بمقالة وتديله على عينه و توضحله إنها مش أداة مُتعة لما يحبوا يعاقبوا نصر يحرموه منها لإن ده حرفيًا تصورهم عن المرأة

وسألته سؤال وجيه، انتَ بتصرف فلوس الزكارة إلي الناس استأمنوك على ايه تاني؟ - الجدير بالذكر إنه عبد الصبور شاهين كان مستشار لشركة توظيف أموال من الشركات النصابة وقتها وإتقفلت بسبب النصب على الناس وكان عداءه مع نصر حامد أبو زيد بشكل اساسي لإستخدام

المتدينين لإسم الدين لمصالح سياسية وشخصية، بس احنا هنعمل نفسنا مش واخدين بالنا 🙄.
نصر أثناء المحاكمة كان ممكن يبوظ كل ده عليهم بإنه يقول الشهادتين في المحكمة وكده هيثبت إنه مسلم وكل ده يبوظ، لكنه مرضيش يعمل كده عشان ميدهمش الحق إنهم يفتشوا في نوايا الناس ويديهم غرضهم

لإن بعد كده القضية دي أستخدمت بشكل مهول ضد كل المفكرين والأدباء في العصر ده، زي نجيب محفوظ!
نصر قرر يسافر هولندا لجامعة ليدن لإن المناخ في مصر مكانش أمن وكان في تهديدات كتيرة بالإغتيال. وهناك في جامعة ليدن في أول محاضراته كانت القاعة فيها ناس كتيرة بسبب قضيته وبسبب أبحاثه

نصر قرر يبدأ محاضرته بالشهادتين.

تاني وهو الأكثر جدل في تاريخنا الحديث وصاحب الفضل حرفيًا على شوية الواسعة إلي بتخليني على الأقل أقدر أكتب التويتات دي من غير ما هيئة الأمر والمعروف والنهي على المنكر تيجي تجلدني وهو فرج فودة.

فرج فودة أتقتل بسبب مناظرة في معرض الكتاب في يناير 1992 تحت عنوان "مصر بين الدولة الدينية والدولة المدنية" .. وإلي بدأها بإنه يقول

"لا أحد يختلف على الإسلام الدين، لكن المحاضرة أو المناظرة اليوم حول الدولة الدينية، وبين الإسلام الدين والإسلام الدولة رؤية وإجتهاد وفقه، الإسلام الدين فى أعلى العليين، أما الدولة فهى كيان سياسى وكيان اقتصادى وكيان اجتماعى، يلزمه برنامج تفصيلى يحدد أسلوب الحكم."

وإلي معتقدش إن في حد عاقل ممكن يعترض على الكلام ده.
كان معاه وقتها دكتور محمد أحمد خلف الله بيطالبوا بالدولة المدنية وعلى الجانب التاني كان موجود محمد عمارة، والشيخ محمد الغزالي، ومرشد الإخوان مأمون الهضيبي وحضرها وقتها 20 ألف ... والحقيقة إن المناظرة دي أغرب ما يكون

فرج فودة أعتمد في مناظرته معاهم حرفيًا على إنه يخليهم هم إلي يناقضوا نفسهم، في البداية هم حاولوا ياخدوا السكة إن الأمر محصور ما بين الدولة الدينية يا الدولة الكافرة، عشان بعد شوية وقت يعترفوا بالدولة المدنية أثناء كلامهم في كذا سياق تقدروا تشوفوه من المناظرة.

تاني شق خلاهم يعترفوا بلسانهم إن مفيش أي تجربة ناجحة لأي دولة دينية قايمة دلوقتي أو حتى تاريخيًا ومحمد عمارة سخن وراح شاتم السعودية وايران وافغانستان وقتها وهاجم نص فرج فودة كان مقتبسه من الهضيبي وقاله إنه بيجيب كلامه من ألف ليلة وليلة :"D

وأثبتلهم إنهم داخلين الانتخابات جدعنة كده معندهمش أي حلول ولا أي برنامج انتخابي لدرجة إن الهضيبي قاله ما تعمل انت برنامج انتخابي.
لأ ده كمان خلاهم يعترفوا بالجناح المسلح بتاعهم إلي كانوا على طول بينكروا وجوده وقتها!
ونتيجة لده ونتيجة لإن فرج فودة وقتها كان بيكتب كتير

عن تفكيك المنظومة الفكرية بتاعتهم والطرش إلي كانوا بيغرسوه في مخ الناس، إتكفر وإتنشر في جريدة النور الإسلامية وقتها إنه بيعرض افلام اباحية وبيعمل حفلات جنس جماعي في جمعية "تضامن المرأة العربية" وإتنشر بيان بمباركة أزهرنا الغميل اوي اوي بتكفيره

عشان يوم 8 يونيو وبعد 7 أيام من مقال الجريدة وقبل عيد الأضحي يُغتال فرج فودة قدام إبنه وصاحبه من سماك لا بيعرف يقرأ ولا يكتب، وأثناء احتضاره أخر جملة كان قايلها "يعلم الله أنني ما فعلت شيئا إلا من أجل وطني"

وإلي قتله لما اتحقق معاه ليه عمل كده؟ قالهم لإنه بينشر الكفر في كتبه، قالوله انتَ قرأتله ايه ؟ قالهم إنه مبيعرفش يقرأ ولا يكتب، ومؤخرًا الجزيرة عملت وثائقي دنئ شبهها تعرف الناس محاسن قتل واحد كان همه الأول والأخير هو حبه لبلده وإلي مكانش عنده أدنى مانع انه يقف لوحده

في وش تنظيم مسلح زي الإخوان المسلمين وميخافش من الموت ثانية.
وده يعرفك إن الجيل الحالي المشوه ده هو هو السماك إلي قتل فرج فودة وهو أمي وهو هو الإعلامي فيصل القاسم إلي كان بيدير المناظرة بين نصر حامد ابو زيد ومحمد عمارة وإلي بعد كده عرف غلطه وطلع يعتذر بعد بموت نصر حامد ابو زيد.

ربنا يرحمهم ويرحمنا من محاكم التفتيش، وزي ما قولت، أسهل حاجة عندهم القتل مش التفكير والمناقشة، زي ماهم دلوقتي قاعدين يدب7وا في عيلة لسه بتبدأ حياتها وعايزين يقلبوا حياتها جحيم والله أعلم اهلها عملوا فيها إيه دلوقتي ابتغاء وجه الله والفضيحة في حين انهم دايرين يتريقوا على الثالوث

في المسيحية ونسكافيه تلاته في واحد وهخهخهخ عن جهل ومحدش بيترمشله جفن حتى ولا هنسمع وقتها الجامعة (إلي معرفش هي مالها بالحوار اصلا) بتعاقب ده ومعتقدش كمان إن الأشخاص إلي بيمارسوا التشدد والإرهاب داخل الحرم الجامعي وإلي كانت بتوصل للضرب بتوكة الحزام زي ما كان بيحصل

في جامعة الزقازيق وقت حكم الجماعة المل3ونة كانوا بيتحقق معاهم.
وده فعليًا بيحقق أخر ركن أعتمد عليه فرج فودة في مناظرته، إن العنف والإرهاب هما النهاية الحتمية لكل المطالبين بالدولة الدينية عشان يفرضوا وصايتهم على المجتمع ككل، وإلي إتحقق بقتله، وفرض الوصاية والإرهاب بنشوفه دلوقتي

وثائقيات لنصر حامد ابو زيد
youtube.com
youtube.com
youtube.com
فرج فودة
youtube.com
youtube.com
youtube.com