كنت عايزة اكتب عن فيديو الراجل الكويتي لكن لقيت تغريدة لاستاذ حمزة زوبع كاتب اللي كنت هقوله
لكن أحب اضيف عليه كمان غير ان الشعب المصري مالوش علاقة في الحرب الاعلامية اللي السيسي بيشنها على دول الخليج ان الاعلام المصري اللي حضرتك زعلان منه لا يمثل موقف الشعب باي حال من الاحوال

و ان فلوسكم المتلتلة كانت بتدعم مصالحكم مش الشعب المصري اطلاقا
يعني حضرتك اتطمن حكامكم اذكيا وما ضيعوش الفلوس زي ما انت متخيل
وخدو مزايا اكتر من الفلوس بكتير
والا كانو دعمو الشعب على اي الاحوال بغض النظر عن مين اللي بيحكم
و كمان عشان حضرتك تهدى وما تتنرفزش كده

وتريح نفسك زي ما دكتور حمزة قال ان الفلوس اللي اتدفعت كانت بقرار من الحكام بتوعكم
وحتى لو احنا رفضنا وانتو رفضتو هتفضل تتدفع
وهيفضل الحاكم بتاعنا ياخد
اذا فاحنا وانتو مفعول بنا ومفيش اي حاجة ف ايدنا لان دي اعتبارات بينهم وبين بعض
فسيبك من اللي اعلامنا بيقوله لانه مش بياثر فينا

وده مش موقفنا احنا كشعب
وسيبك من اللجان الالكترونية
زي ما احنا برضو مش هاممنا الشوية من عندكم اللي بيطلعو يشتمو ويهينو الشعب المصري
وهيفضل الشعب الكويتي ليه منزلة كبيرة في قلوب شعوب الوطن العربي كله وكل التحية والتقدير لحضرتك وللشعب الكويتي العظيم