مفيش حاجة إسمَها المحظوظ بيشتغل (حاجة بيحبّها / هواية)، أصدِمك؟ when it comes to work no one is lucky يا عزيزي. ليه؟ لإن حتى أحلى حاجة في الحياة لما يتحطّلها قيود وشروط وتوقعات بتبقى تقيلة على النَّفس. تعالى أصحّيك كل يوم 7 الصبح عشان تركب مواصلات ساعة ونص وتروْح تاكُل شوكولاتة
1
1
لمدة 8 ساعات وندّيك بريك ولا اتنين في النصّ. ويبقى ليك تارجت عدد معيّن. كلّمني بقى عن حُبّك للشوكولاتة وأدّ إيه دي أحلى حاجة في الدنيا.
شيل بقى أكل الشوكولاتة وحُطّ: (الرّسم - الكتابة - أي نوع رياضة - ما بدا لَك) هتلاقي الكلام ما اختلَفش. على فكرة الكلام ده مش كلام نظري
2
شيل بقى أكل الشوكولاتة وحُطّ: (الرّسم - الكتابة - أي نوع رياضة - ما بدا لَك) هتلاقي الكلام ما اختلَفش. على فكرة الكلام ده مش كلام نظري
2
شوف مثلًا كمثال واحد بطل كمال الأجسام "الدُرّة" وهو بيتكلم عن إزاي بدأ الموضوع كهواية ومُتعة وبعدين بقى مصدر ضغط وstress ومبقاش مستمتع بيه بس بيعمله مجبرًا عشان أكل العيش لما احترَف ودخل بطولات عالمية، وإزاي لما اعتزَل البطولات رجع يستمتع بكمال الأجسام جدًا زي الأوّل.
3
3
عشان كدَه الشُّغل كلُّه رخِم وتقيل وبنصحى أيّام كتير -مهما كنت بتشتغل في أكتر حاجة بتحبها- مش حابّين ننزل من السّرير. يبقى -طالما أنا مش "بكره/بتعذّب" وأنا بعمل الشغلانة دي- المعيار الأهمّ لاختيار الوظيفة المناسبة هو العائد المادي (سواء بشكل مباشر أو غير مباشر).
4
4
أنا بشتغل نفس عدد الساعات لكن هنا هقبض 10 الاف وهنا هقبض 20 ألف، هروح فين؟ لأمّو 20 على طول.
طيّب ليه قُلت بشكل مباشر أو غير مباشر؟ عشان في وظيفة معينة ممكن تبقى بتدّيني مبلغ كبير لكن مش بتوفّرلي أي تطوير وَظيفي أو نموّ-كاريري،
5
طيّب ليه قُلت بشكل مباشر أو غير مباشر؟ عشان في وظيفة معينة ممكن تبقى بتدّيني مبلغ كبير لكن مش بتوفّرلي أي تطوير وَظيفي أو نموّ-كاريري،
5
وبالتالي لو خسرتها بكرة الصبح بعد ما اشتغلت فيها 5 سنين من يوم ما اتخرّجت هلاقي نفسي عندي نَفس خبرة أي خرّيج جديد، وكده انا خسرت. يبقى ممكن أقبل وظيفة بأقل شوية فلوس لكن عارف اني لما اسيبها بعد 6 شهور هروح مكان هاخد فيه 3 اضعاف المبلغ.
6
6
وطبعًا كلامي مُستثنى منّه أي بيئة عمَل (توكسك / غير آمنة) لإن وقتها هتبقى بتكره الشغلانة وبتتعذب فيها. وفي رأيي، دي طريقة الحكم الصحيحة على أي وظيفة بغض النظر عن خطابات التنمية البشرية الحالِمَة بتاعت اشتغل حاجة بتحبها واشحَت أحسن ما تشتغل حاجة مش بتحبها وتبقى مليونير.
7/7
(تمت)
7/7
(تمت)
جاري تحميل الاقتراحات...