من غرائب ردة أفعال الناس بالنسبة للسوق
كانت عندنا سيارة جديدة 2023 عارضينها للبيع بـ195 ألف و مستعدين نقبل فيها 185 ألف.. شهر و نص بدون أي مشتري أو مهتم فعلي
وكانت تباع بالوكالة بـ205
ارتفع سعر الوكالة بين يوم و ليلة إلى 225، تلفوني ما سكت و الكل يقول بخلص معاك 195 كاش اليوم..

و سبحان الله آخر شي تمت البيعة على 205
أسأل المشتري و غيره من اللي كلموني في ذاك اليوم، أقولهم انتو كلكم اتصلتوا نفس اليوم.. يعني متابعين سعري و سعر الوكالة باستمرار
طيب لو مهتمين ليش ما اشتريتوا إذا السعر عاجبكم سواء عندي أو من الوكالة؟ يقولون ما ندري بصراحة قلنا يمكن ينزل

السلوك هذا يعطيك فكرة كيف الكثير من البشر يفكرون
لو ننظر لسوق الأسعم، تجد أن البعض ينظر لسهم أو مؤشر و هو معجب فيه و يتوقع أنه يرتفع مستقبلا حتى لو طال الوقت
لكنه لا يشتري عالسعر المنخفض الحالي لأن الطمع يقول له أن بيشتري بسعر أرخص
لكن إذا ارتفع يروح يلحقه و يشتريه بسعر أعلى

الخلاصة هي أنه إذا عجبك السعر و اقتنعت بالقيمة اللي تحصلها مقابل السعر، اشتري ولا تضيع وقتك.. سواء سهم ولا منتج