قبل شويه فتحت دفتر مذكراتي ودروسي وحصلت صفحه كتبت فيها دعوات عرفه وبديت اقرأ وأكتشفت ان اكثر الدعوات تحققت ونصها بديت اشوف انها بتتحقق قريبًا والله دمعت عيني وفرحت والله يابنات الله قريب مجيب لا تتركون الدعاء مهما كان الدعاء يغييير الكثيييير لا تفقدين الامل ولا تياسي ربك قريب✨

ولا تقولون مستحيل يتحقق!
من انتِ عشان تقولين مستحيل على قدرة ربك!
ومن الناس عشان يقولون مستحيل ونصدقهم!
هل بنسمع كلام الناس اللي مثلك ولا عندهم قوات خارقة ولا يملكون لنفسهم نفع ولا ضر!
يعني بنترك كلام الله فالقران ادعوني استجب لكم) وكلام الرسول فالدعاء واستجابته ونسمع كلام الناس؟

الدعاء عظيم يابنات وقادر يغير كل شي بحياتك بس ادعي واستغلي اوقات استجابة الدعاء مثل عند المطر والثلث الاخير من الليل وبالسجود وبين الاذان والاقامه الرسول يقول الدعاء بين الاذان والاقامه لا يرد! يعني ماتنرد دعواتك! تستجااااب بإذن الله

والرسول يقول ( إنَّ اللَّهَ حيِىٌّ كريمٌ يستحي إذا رفعَ الرَّجلُ إليْهِ يديْهِ أن يردَّهما صفرًا خائبتينِ )
الله بعظمته يستحي يرد ايدينا اذا رفعناها له يردها فاضيه!
سبحانك يارب هل بعد هذا الكلام بتتركون الدعاء؟

والله العظيم احنا خسرانين لو تركنا الدعاء
فادعوا بكل تتمنونه وادعوا لي ولـ اهلي ولكل من احب معاكم ولاتنسون ولكم بالمثل.