مشكلة القمح بأختصار ان الحكومة حطت سعر ١٢٥٠ للاردب (١٥٠كجم) في حين ان المعادل العالمي لسعر نفس القمح ١٨٠٠ للاردب يعني الحكومة عاوزه تستلم القمح من الفلاح بأقل من سعره العالمي ب ٥٥٠ جنيه للاردب في حين ان كل شئ دلوقتي له علاقه بالزراعه تقريباً بيتم حسابه بالسعر العالمي وعشان
المحنكين ميقرفوناش بموضوع الاسمده المدعومه لازم تفهم يا محنك ان اي حد عنده اكتر من ٢٥ فدان لا يتم صرف اي اسمده مدعومة اه بأعتباره من ملاك الحيازات الكبيرة وغير مستحق للدعم حسب وجهة نظر الحكومة واللي بيستلم سماد مدعوم مبيستلمش كل اللي يكفيه و بيضطر يشتري جزء بالسعر الحر من السوق
ده غير ان المبيدات بالاساس ملهاش اي دعم والحكومة ملهاش علاقه بها فالفلاح بيشتريها بالسعر الحر (مع ان مثلاً امريكا قلعة الرأسمالية في العالم بتدعم الفلاح في كل شئ ولو متعرفش تقدر تدور ع النت هتلاقي معلومات كتير عن الموضوع ده) طيب وكمان على مستوى الحكومة فهي بتستورد القمح اصلاً
بالدولار او بالروبل الروسي عشان برضو المحنكين ميصدعوناش الشاهد يعني انها بتستخدم عملة اجنبيه في عملية الاستيراد و بتدفع السعر العالمي و بيدفعوا الفلوس مقدم اصلاً في حين ان انت لو فكرت خمس دقايق بس هتلاقي ايه بقى
لو استلمت القمح من الفلاح بنفس السعر العالمي اللي انت بتدفعه هتسمح
لو استلمت القمح من الفلاح بنفس السعر العالمي اللي انت بتدفعه هتسمح
للفلاح انه يكسب ولو انا كفلاح كسبت السنه دي من زرعة القمح السنه الجايه جاري هيزرع قمح هو كمان لان محدش في الفلاحين ميحبش يزرع قمح (لاعتبارات كتير ابقى اقولها لكم بعدين) يبقى انت كده سنه ورا التانيه هتزود مساحات زراعة القمح عندك ويمكن في يوم من الايام توصل للاكتفاء الذاتي
(ولو ان موضوع الاكتفاء الذاتي ده فيه كلام كتير جدا يتقال) و كمان مش هتدفع للفلاح المصري بالعمله الصعبه و كده هتوفر العمله و كمان هتدفع الفلاح بتسهيلات بالعافيه كده بيعملوها يعني الدفع مش مقدم و هتدور عجلة الانتاج بجد اللي اتكسرت اصلاً مش هقول انها عطلت بس لا ده غير انك مش هتستلم
قمح روسي فيه ارجوت (فطر سام) يعني الموضوع له مزايا عديده نقدر نقول انها لا تُعد بس الفكرة في الارادة هل فعلاً احنا عندنا ارادة اننا نعمل كده ولا لا وانا شخصياً بقول لا معندناش
جاري تحميل الاقتراحات...