تعرفون وشو القاز لايتينق gas lighting. جاي هذا المصطلح من الغاز لما يتسرب ومع اول شرارة يصير حريقة كبيره. المصطلح هذا يستخدم في علم النفس والوعي. وله امثله كثيره. واحد من الامثله انه شخص يسوي شيء او يقول كلام بعدين يقولك لا انا ماقلت انت تتوهم وانت متاكد انه الكلام انقال

والشخص مصر انه ماقال. لين ما انت تفقد اعصابك وتنفجر. مين الي قاعد يبث الغاز للانفجار ؟. مثال ثاني شخص تتناقش معاه نقاش عادي جدا وقاعد تعاتبه مثلا بهدوء. فجاءه يصير يقولك اهداء وطي صوتك اهداء وانت اصلا هادي بس هو قاعد يبث الغاز لين انت تنفجر وتعلي صوتك وتعصب فعلا

مثال اخر لما شخص يسألك بنظرة شك ونبرة شك عن معلومة انت متاكد منها وترجع تأكد له المعلومه ويرجع يسأل لين انت تبداء تشك بكلامك وتنفجر. كل هذه الاعيب نفسيه. عشان الشخص الي يسوي لك القاز لايتنق يبي يحطمك او يبي يشوفك منهار او يبي يطلع من موقف صعب بقلب الطاوله عليك.