اخر مؤشرات الحرب بين روسيا و اوكرانيا ،بتقول إن الغرب بقيادة امريكا بدأ مرحلة جديدة بيلقى فيها بثقل كبير جدا في المعركة لاحداث اكبر ضرر لروسيا و إطالة أمد الحرب ،وضح ده من الميزانية الأمريكية لأوكرانيا السنة دي اللي المعلن منها ٤٥مليار دولار و من أنواع الأسلحة اللي بدأت تتدفق
مع بداية السنة التانية من الحرب ، اكيد في تغيرات جديدة تقلب الطاولة ، خصوصا من الضوء الأخضر اللي ظهر في الأفق مؤخراً بأن القرم هدف استراتيجي قادم لأوكرانيا ، و اللي معناه ضغط كبير ع بوتين لو تم تحرير القرم من أيده ، لانه بكدة هيكون تم عزل روسيا خارجيا
و ده لو حصل يبقي بيتم قطع الإمدادات الروسية لقواتها المنتشرة في سوريا و ليبيا و افريقيا ، و ربما تكون الزيارة الأخيرة لرئيس المخابرات الأمريكية ل ليبيا و طلبه إن يتم طرد فاجنر من حماية الهلال النفطي و استبدالها بقوات غرب ليبيا ، خطوة في الاتجاه ده ، بحيث يكون التحرك علي كذا محور
محور دعم اوكرانيا في تحرير القرم و محور الضغط علي روسيا في الدول المتواجدة فيها ، ده لو تم و أظنه قريب فعلا ، اظن انه هينقل الحرب بين روسيا و اوكرانيا الي داخل شرق أوروبا ، لأن روسيا لن تقبل بالهزيمة دي لو حصلت و هتبقي مضطرة لفتح صراعات جديدة في أوروبا علشان تهد المعبد ع دماغ
الكل ، و فعليا دول شرق أوروبا و تحديدا دول الناتو بدأت عملية استعداد للمرحلة دي و بدأت تستبدل أسلحتها القديمة باخري جديدة و تحرق القديمة في معركة اوكرانيا ، و بدأ انتشار مكثف للناتو اضخم و أكبر من السابق في الدول دي ، الوف القوات الأمريكية تم نقلها بالقرب أو بداخل الدول دي
يعني تم استنزاف روسيا لمدة سنة و بوتين زي الحمار اتجر و دلوقتي بيتم نقل الحرب لمرحلة تانية ، يعني مخاوف بوتين من انتشار الناتو حوالين روسيا ، تم تنفيذها رغم عنه ، بل و باستنزاف رهيب لروسيا و مش روسيا بس ، بل العالم كله بسبب خلق أزمة الطاقة والغذاء اللي حصلت بسبب الحرب
و دخل العالم في أزمة اقتصادية ، أو مدخلش يعني ، لانه كان فيها اصلا ، بس زي ما تقول تم توزيع الأزمة الاقتصادية علي العالم كله ، بدل ما كانت تبقي في الغرب نتيجة التضخم الرهيب و الفشل الاقتصادي له ، مع صعود قوة الصين الاقتصادية اللي كانت " كانت بقي " مرشحة لاحتلال صدارة الاقتصاد
العالمي ، كبديل للغرب و تحديدا امريكا ، لكن طبعا بما أن أمريكا برعاية ابليس ذاته ، فكان لازم تخلق مصيبة زي مصيبة اوكرانيا ، تضغط بها علي الصين من بعيد و هي ماشية تاكل روسيا و بتسحق باقي العالم اقتصاديا ، علشان تعيد منظومة الرأسمالية انتاج نفسها تاني ، لكن بشكل استعبادي اقوي
و غير مسبوق تاريخيا ، في دورة حياة الرأسمالية ، المرة دي لو الدورة تمت زي ما مرسوم لها ، العالم كله هيستعبد تماما ، مش هيبقي خاضع للمنظومة بس تتحكم فيه ، لا ده استعباد حقيقي و اللي به المنظومة تقدر تخلق دين لها مخصوص و تجبر قطاعات بشرية كبيرة في الدخول فيه مقابل الحياة
و لذلك لو متمش تدمير المنظومة دي ، هتعمل زي الماتريكس و تستولي علي العالم و مفيش حد هيقدر يوقفها
طبعا مش هقول مين بيدير المنظومة دي و مين المستفيد منها و ايه هدفه ، لانك طبعا عمرك ما هتصدق ، عموما هسيبك للايام و هي تعلمك ، بصوت عبد الحميد حافظ
جاري تحميل الاقتراحات...