اوقات بعد الفركشه وخلاص العلاقه انتهت الطرف المتسبب في انهاء العلاقه سواء هو قرر انهائها بشكل صريح او وصل الطرف الاخر انه يمشي ويسيب العلاقه ويفل بنفسه وعمره يعني بردو هو السبب في الفركشه ولكن بشكل غير مباشر نلاقي ان الطرف المتسبب في الفركشه ملغاش الصداقه ع الفيس ومش بس كدا

ماذال محتفظ برقم الفون ورغم انه مش موجود ومشي لكن موجود وهنا بتسال نفسك ويراودك احساس انه لا لسه مكان ليا جوا قلبه خليني اوضحلكم كام مدلول للحركه دي اولها انه ارشف العلاقه لئلا وعسي ممكن يرجع لانه مش متاكد ويمكن يرجع ويمكن لا ! تاني نقطه دا مدلول كبير جدا لو انت بتلوم نفسك

انه انت الغلطان او لا ف اسمحلي اقولك انك مش غلطان احتفاظه ب فيما سبق ذكره دليل علي ادانته هو هتقولي ياريم ماهو انا كمان ممسحتش الرقم ولا لغيت الصداقه هقولك عشان انت بتحبه لكن ايه سر موقفه هو !!!!!

ثالثا والنقطه دي مهمه هو خوفه انه ميلاقيش حد بنفس امكانياتك سواء شكل او ماده او نجاح او اسلوب معامله الخ الخ ودا يدل انك انت الي كتير عليه مش هو واخيرا خليني اقولك واوعيك انك انت ف النهايه الي هتشوفه عادي واقل من العادي فيما بعد ومش هيفرق معاك حتي لو بقي كويس او رجع ندمان

الي بيتجاهلك او بيتعامل معاك بشكل وحش لازم تاخد موقف لانه تنازلك عن كرامتك مش دليل علي بقاء العلاقه لانه الي عايز يكمل بيكمل بدون تضحيات تقلل من الطرف الاخر اصله لو بيحبك مش هيقبل اذلالك او اهانتك او حتي هيجي علي كرامتك خلينا واضحين مع نفسنا ودا الاهم