هي نصيحة لوجه الله ويا ريت لو تقبلوها مني .. محدش يسافر وخصوصا في الامارات يدور على شغل وهو مستواه وحش في الانجليزي
يعني عالاقل خالص يكون بيعرف يكون جملة ولما بيسمع بيفهم
انما تستلف يمين وشمال عشان تروح وتقول سيبها لله وانت مخدتش باهم سبب يبقى بترمي فلوسك في الارض

انا من يوم ما سافرت حتى وانا في اسوأ اسوأ ايامي عمري ما حد كلمني وسألني اسافر ولا لا وقلتله لا
دايما اول نصيحة ليا بقوله سافر ورزقك هتلاقيه ان شاء الله
بس مينفعش تسافر وانت متعرفش كلمتين انجليزي على بعض
خدلك كورس واتعلم وبعد كدة سافر عشان الواحد بيشوف مآسي والله ومش قادر اساعد

عشان ناس بتسألني يا جماعة بعد اذنكم لو حد يعرف مكان كويس بيساعد في تعليم الانجليزي فعلا يكتبه هنا
اكتبوا كل المحافظات عادي واللي في مكان يلاقيه
لو في حاجات اونلاين كويسة ومضمونة برضه اكتبوها يا ريت ويا ريت لو اسعارها في متناول الناس

إعادة نشر برضه عشان لو حد محتاج يعرف حاجة