— تدري ليش ما يزيد متابعينك؟
الكلام إللي أقوله هذي المرة مختلف تمامًا عن كل مرة، لأني أبغى تشوف الحقيقة بعينك:
فيه ناس تبخل بالمعلومة، ومقتنعة بفكرة إنه (الشيء القيّم) لما أحطه بكتاب أو ورشة أفضل لي من إني أنشره هنا.
بهذي القناعة مستحيل توصل للعدد إللي تبغى تحققه من المتابعين.

فتضطر تأجل (الشيء القيّم) إلى أجلٍ غير مسمى، ولو كان نشرته كان جبت متابعين وعملاء وحققت أرباح برضو.
بالإضافة إلى أن بخلك بنشر المعلومة، تعني قلة المعرفة بالغالب.. لدرجة تعتقد إنه هذي المعلومة هي أكثر شيء الناس ما تعرفها، وأنا الوحيد إللي أعرف فما ينفع أشاركها بالوقت الحالي.

فإنت بالأول والأخير ما راح تبخل على أحد غير على نفسك.
• كلما أعطيت جاك متابعين.
• كلما أعطيت جاك عملاء.
• كلما أعطيت جاك تفاعل.
وإلخ.
هذا والنت فيه كل شيء، لا قوقل يقصر ولا اليوتيوب.. فلو إنت سهلت على شخص طلبه (لعلمٍ ما) أكيد ربي يسخر لك الأرض ومن عليها ويسهل لك طريقك بعد.

وللأمانة أشوف كثير حسابات باقية على نفس العدد، بسبب هذي المعضلة.
يعتقدوا إنهم ماشين صح، لكنهم متناسين هذي الفكرة تمامًا.
فتلقى الكلام سطحي بزيادة، ولو طلبت منه يشرح لك أكثر تعذر بشيء.
وأنا مني ضد أحد، لكني شفت شيء وتوجب علي إني أتحدث عنه من باب النصح وإنه لا أبخل على أحد بشيء.