بخاطري أبدأ تحدي،
نظام غذائي صحي بدون سكر،
بخلي التجربة لمدة شهر وبعدها بقيم الوضع إذا عجبني وأكمل أو أوقف أو أخفف،
وأسجل النتائج وشنو فرق علي بهالتجربة،
بس بيكون شي حيل صعب وعشان ما أوقف بنص التجربة وأفشل فيها بقعد أبحث أكثر عن ناس خاضوا بهالتجربة وأجمع أكلات لذيذة بدون سكر

مهم جدًا قبل بداية أي حمية غذائية،
إنك ما تكون محكور؛ وعشان ما تكون محكور لازم تتسلح بالمعرفة،
ليش احنا اتكاليين بزيادة؟ بمعنى يا أشترك بوجبات مع شركة يا أنقل الوصفات من النت كوبي بيست،
ليش ما أفهم الآلية من البداية،
لما تفهم العملية من الألف إلى الياء تصير غير مقيد

تقدر تدخل أي جمعية وتشتري اللي تبيه بمجرد إنك تلقي النظر إلى جدول المعلومات الغذائية،
تعرف شنو اللي يناسبك من اللي لا،
تصير حر تعرف تشتري ما تنحكر بنوع أكل معين وبالتالي إذا انحكرت ممكن تستسلم
بدال لا تصير من اللي يمشون ورى كلام فلان وعلان ويكبجر على أي منتج ويطبق "بدون لا يفهم"