بسم الله نبدأ ححكي ليكم عن أسوأ تجربة مع أسوأ شركة تخاريج ليقسي للتخاريج والكرنفالات AKA لقيسي للبشتنه والخرمجات مبدئيا كده احنا دفعه فوق ال٢٠٠ طالب كلنا متخرجين مع نفس الشركة دافعين ليهم للنفر الواحد ٤٠ بحساب ٥ برامج زفه رحلتين وحنه وتخريج زايد التصوير، المهم اتقسمنا قروبين
علشان نقلل العددية والزفه تكون مرتبه ع اساس زفه يوم ٣ وزفه يوم أربعه م اقول ليكم مواعيد الزفه اتغيرت كم مره وعلى كيفهم هم مع انهم قالو انهم دفعو العربون لحق المزرعه زفه يوم ٣ طلعت سيئة شديد وزفتنا المفروض انها يوم ٤ مشت يوم ٥ وماكان في زفه اساسا بعد الألوان
ادونا غنيتين كده وفكو الستيج ليه ياجماعه في شنو قالو م دفعو ليهم قروشهم ع كده خلونا واحنا جايبين أهلنا ودافعين في التذكره الوحدة ١٥٠٠ ج وأقل زول جايب ٧ انفار😂 المهم م سكتنا زي حقين يوم ٣ وفتحنا بلاغ وطلع عليهم ديون متلتله وقالو يعيدو لينا الزفه قلنا ده اخر برنامج لينا معاكم خير
المهم عادو الزفه ومااتكلم ليكم عن سوء التيم بتاعهم رشوني بالألوان جوا عيوني وهم شايفني واقفه بعيد منهم علشان حساسيه العيون وقبل م أفتح خشمي بحاول اطلع اللون من عيني رشاني تاني وتالت لم بقيت م شايفة خالص جو صحباتي ساقوني غسلت عيوني من الألم م تميت باقي الزفه خليتها من البدايه
المهم جينا لصاحب الشركة الزق نقول ليه رجع قروشنا بيقول لينا امشو لفلانه نمشي لي فلانه تقول انا سلمته القروش الدفعتوها كامله سرقة عيني عينك 😂 ده غير المصوريين صوره وحدة والسلام عليكم ونهير وصوه وش تقول شاحدينهم 😂😂
المهم ده حالتو يدوب بس عملنا معاهم برنامج واحد اللهم بلغت اللهم فااشهد الشركة الزق دي لو جاتكم اهربو
اتذكرت كمان سلاح الموسيقى حقهم ٣ انفار وما لابسين زاتو ويوم اعاده الزفه جابو ٣ بكاسي بس اضطرينا نتزف بعربيه حقتنا برانا كل زفه خرمجة اكتر من القبلها😂
كمان بيقفلو القروب ويحددو مواعيد البرامج على كيفهم بدون مايشوفو رأي الخريجين شنو والله شكلهم هم الدافعين لينا مااحنا الدافعين ليهم😭😭😭
القروش لحد م ترجع نكون سافرنا وجينا 🤦🏾♀️
جاري تحميل الاقتراحات...