من ذكرياتى المحرجة اللى بفتكر نفسي واتكسف هى حواراتى مع ابويا الله يرحمه،واحدة من الحوارات دى مش عارف بدايته كان ايه بس فاكر نفسي كويس جدا وانا بقول ابويا بالحرف يابابا الكدب ده اوسخ حاجةاللى يكدب يعمل اي حاجةماهو هيعملها ويكدب كطفل وابويا بيقرافالجرنان ضحك وسألنى يعنى انت عمرك
ما كدبت خالص؟ انا فاكر انى سكتت وافتكرت كل كدباتى ساعتها وقولتله بس انت يعنى فاكرنى انا هعمل اى حاجة واكدب علشان كدبت قبل كدة 😂😂 بدأت ابرر لنفسي فلحظة ،فاكر ضحك ابويا اللى كان بينى وبينه جرنان وبيقولى انا قولت حاجة؟!انت اللى بتقول انا عايز افهم بس😂😂حطملى نظرية ان الكدب أصل
كل الشرور فالأرض، بس بصراحة لحد فترات قريبة كنت رغم انى ساعات ممكن اكدب كدبة بيضا بخطين حمر ههه بس بستصعب التعامل مع حد كدب كدبة بيضا بخطين حمر زيي وبشك فى كل كلمة حتى لو فى أمر بسيط لحد ما قابلت نوع جديد من الناس ، الخوافين،الخايف من اللى عمله واللى ماعملوش ،اللى خايف ان
الحاجات اللى ما عملهاش تفوته، واللى عمله واستمتع بيه مايكونش اكتر انبساط كان ممكن يمر بيه وهكذا الامر مرعب لان قوس الخوف زى الحساب والارقام لا نهائى كل فرضية مليانة تباديل وتوافيق لا نهائية ومع فرضية تانية 😂😂😂 الخوف هيزيد وهكذا،، بدأت اخاف افكر فحياتهم حتى 😂😂
بس الخوف بالنسبة لى حاليا هو أصل كل الشرور ودى أخر حاجة وصلتلها فى تجربتى الحياتية اللى خايف لا تكون مش صعبة زى منا فاكر وابقي بهجص ده كله..
فى كمان الخوف من اللى عدو اللى بتديله قدرات مش عنده فتخاف منه اكتر مع انه مايقدرش يعمل الحاجة اللى انت خايف منها اصلا دى افتكرتها كدة علشان امتحان بكرة
جاري تحميل الاقتراحات...