انا عارفه اني طولت اوي بس استحملوني 😂 في وسط العاركه بنشوف واحد من أفراد الأمن بيتحول لعميل و بيتعارك مع (نيو) و تضربه ترنتي طلقه في رأسه و تستغرب من سرعه (نيو) و تستغرب اكتر من رد (نيو) ان ده مش كفايه و بيسألها لو بتعرف تطير بالهليوكوبتر و تتواصل مع (تانك) و تتعلمها عشان
يوصلوا لمورفيوس و فعلا بينزل (نيو) بالطياره و يبتدي الطحن 😂(نيو) بيعمل عظمه يا جماعه بيفوق (مورفيوس) و بيفك الحديد اه بيفكه ما تنسوش أن مفيش حديد اصلا و بيجري عشان يقفز جوا الطياره احنا و لما يحس (نيو) ان مورفيوس ممكن ما يوصلش بينط عشان يلحقوا و بتسحبهم (ترنتي) بعيد بس (سميث)
يضرب خزان الوقود و تدور ترنتي على سطح ينفع تهبط عليه و هما مسحولين جوا وراها قولنا ميت مره الستات ماتسوقش يا جماعه 😂 و ينط (مورفيوس)لسطح و كمان(نيو) و ينقذ (نيو)(ترنتي) و الطياره تدمر واجهه البرج يا خساره 😂😂😂اه صحيح انا نسيت ان مفيش معلقه 😂😂😂😂يعني اساسا مفيش برج و في
السفينه (تانك) مش بيستغرب من أفعال (نيو) لأنه صدق انه المنتظر و بيرفع (نيو) (ترنتي) للسطح و بيروح لهم (مورفيوس) و يحاول (نيو) يفهمه انه مش المنتظر و ان العرافه بس قبل ما يكمل يفهمه (مورفيوس) ان العرافه قالت اللي(نيو) عاوز يسمعه قصد (مورفيوس) ان (نيو) خاف يمشي الطريق ده ان مايكونش
جدير بيه بس لما خرج ينقذ (مورفيوس) اثبت جدارته اثبت انه فعلا المنتظر مش قولتلكم (مسعود) في المتزوجون لما اتحدف في الحفره😂و بيسمع تانك صوت (مورفيوس) و بيدله على أقرب مخرج ليهم في محطه الإنفاق و بيوصل العملا للسطح بس التلاته بيكونوا وصلوا للمحطه و بيخرج (مورفيوس)و وراه (ترنتي)
بس (سميث) البارد يضرب السماعه بالرصاص فيمنع خروج (نيو) من الماتريكس أو دخول (ترنتي) عشان تساعده و بدأت العاركه (نيو) ما بيهربش بالعكس بيقف أدام سميث و بيسيب المترو يفرمه بس مش عاوز يموت ابن الصرمه بيخرج من عربيه المترو و يجري (نيو) و هو وراه بس في نفس الوقت السفينه بتتعرض لخطر
و مش هتقدر تدافع عن نفسها ضدهم لأن (نيو) في الماتريكس و هما مش عارفين يوصلوا ليه بس بينجح (نيو) انه يوصل لتيليفون و بيحددوا موقعه و هو بيجري و وراه (سميث) و العملا و يحددوله موقع يخرج منه بس الآلات حددت موقع السفينه و بدأت تدمر فيها بس هما منتظرين خروج (نيو) ما يعرفوش أن
الماتريكس كلها بتجري وراه 😂و بس بيفضل يجري و الآلات بره الماتريكس بتخترق السفينه و (ترنتي) جنب جسمه بتكلمه زي ما يكون سامعها عشان يرجع بسرعه و لما يوصل لمكان الخروج (سميث) يكون منتظره و يغربله بالرصاص و تصرخ (ترنتي) و يصرخ(مورفيوس) مش مصدق و يتأكد العملا من موت (أندرسون) مش
مش (نيو) و بيودع (سميث) مستر (أندرسون)و السفينه بتدمر و تعترف (ترنتي) انها بتحبه و انه المختار لأنها هتقع في غرام المختار يعني ده وقت سهوكه😂😂و بيفوق (نيو) لأنه لما اتأكد أن مفيش معلقه اتحرر عقله و آخر جزء من (أندرسون) اللي اتولد و عاش في الماتريكس مات و مافضلش غير (نيو)
اخيرا (نيو) اتأكد انه المختار و قدر يموت (سميث) و يخرج من الماتريكس و ينقذ السفينه من هجوم الآلات اخيرا (نيو) بيتحرر جسم و عقل من العبوديه الدور عليكم احمر و لا ازرق
جاري تحميل الاقتراحات...