مساء الخير عليكم وحشتوني تعالوا النهارده احكيلكوا حكايه جديده بس قبل ما ابتدي احكي هسأل سؤال احمر و لا ازرق؟ اه السؤال كده لو أتعرض عليكوا تعرفوا الحقيقه كل الحقيقه و تكتشفوا فجأه انك عايشين وهم و قرصين احمر أو ازرق تعرفوا و تفهموا هتختاروا الأحمر و لا الأزرق بصوا هاحكي و انتوا
اختاروا تعالو بقى نشوف حكايه (نيو) يبتدي فيلمنا بمكالمه صوتيه بين اتنين واحده و واحد بنفهم فيها انهم بيراقبوا حد واضح انه مهم و فجأه بتحس الست ان حد بيسمع المكالمه و بتقفل و الكاميرا تاخدنا لقوه شرطه بتجهز لاقتحام مكان فعلا يقتحموا و نلاقي واحده في اوضه أدام الكمبيوتر و تاخدنا
تاني الكاميرا لمنظر الاوتيل من بره و نشوف عربيات البوليس و فجأه تظهر عربيه يخرج منها طقم نظارات سوده اه نظارات شمس بالليل 😂😂هو كده عندنا في السيما المهمين بس بيلبسوا نظارات شمس في اي مكان مافيهوش شمس و اخواننا البعده كمان😉😂نرجع للفيلم يعرفوا أن في قوه بتقتحم فوق فيبشروا قائد
الشرطه أن رجالته بتموت فوق و هنا يبدأ الفيلم الصيني 😂😂 بتهجم البنت عليهم و بتتاكد انها فعلا كانت متراقبه و لازم تهرب من المكان حالا و بيديها عنوان أقرب مكان ليها عشان تقدر تهرب و فعلا بعد مطاردتهم ليها بتنجح انها تهرب منهم و بنتاكد من أصحاب النظارات السوده ان فعلا عندهم عميل
بينقلهم معلومات و صح و تاخدنا الكاميرا لكمبيوتر بيعمل عمليه بحث و شاب نايم ادامه و نشوف أخبار بكل لغات العالم عن (مورفيوس) و فجأه يصحي على صوت رسايل و من ضمنها كلمه (ماتريكس) و هو مخضوض مش فاهم مين اللي بيراسله و فجأه يديله أمر يمشي ورا الأرنب الأبيض زي (أليس) في بلاد العجايب بس
من غير عجاب😂 و فجأه الباب يخبط و تظهر مجموعه مستنيه برنامج متهكر و ياخدوه معاهم لنايت كلوب بعد ما يشوف الأرنب الأبيض على كتف واحده منهم و هناك في النايت كلوب بيقابلها (ترينيتي) و بعد حوار بينهم بنعرف انها كانت زي (نيو) حاسه ان في حاجه غلط و بتدور على (مورفيوس) لكن اتضح انها
بتدور على اجابه سؤال ايه هو الماتريكس و فجأه بيصحي على صوت المنبه عشان ميعاد شغله في شركه برمجه مستر (أندرسون) و شخصيه الموظف الهادي المنظم دافع الضرايب البرئ ابو بدله و كرافته ترد الروح 😂 و هو بيتهزأ من مديره لأنه اتأخر و المدير وخداه الجلالة بس (نيو) تركيزه في عالم تاني زي ما
يكون شغله تحصيل حاصل روتين اتعود عليه الملل اللي في عينيه أثناء محاضره المدير لدرجه تركيزه مع عمال النضافه عشان مايسمعش كلامه عكس شغفه و (ترينيتي) بتتكلم عن تجربتها نرجع للفيلم و نشوفه في مكتبه اد ايه ضيق لونه مقبض مش مريح بيجيله طرد بيفتحه بيلاقي فيه تليفون بيرن و (مورفيوس)
بيقوله أن مفيش وقت و انهم جايين عشانه مين؟ مش فاهم و بيقوله مفيش وقت و بيطلب منه ينفذ أوامره عشان يهرب منهم و فعلا بينفذ أوامره لحد ما يوصل لاوضه المدير بس طلبه الأخير كان انه ينط عشان يوصل للسقاله و لانه طلب مستحيل مستر (أندرسون) اتقبض عليه و في غرفه التحقيقات بنشوف المحقق بيعرض
عليه انه يعرفهم كل معلوماته عن (مورفيوس) في المقابل يسيبوه يرجع لحياته العاديه بس اللي لفت انتباهي جبروته و هو بيتكلم مع المحقق مواطن عارف اللي ليه و اللي عليه زيينا 😂😂 و لما بيرفض بيقرروا يزرعوا جواه أداه تنصت تعرفهم اللي رفض يقوله يصحي مرعوب من الكابوس في اوضته و تليفون يرن
و يسمع صوت (مورفيوس) و هو بيعرفه انهم متراقبين و الاغرب انه بيقوله انه مهم هما مش عارفين هو يقدر يعمل ايه مين هما؟! لو عاوز يعرف و يفهم اكتر يروح جسر شارع ادامز و هناك بيقابل (ترينيتي) و تخلصه من أداه التنصت و في جو عاصف مشحون بمشاعر الرغبه في معرفه الحقيقه بيقابل (أندرسون)
(مورفيوس) و في اللقاء ده بيجهز (أندرسون) عشان يكون (نيو) و بس لأن (مورفيوس) متأكد ان (نيو) حاسس ان في حاجه غلط مش قادر يفهمها بس احساسه أرض ممتازه عشان كده كان مباشر معاه مفيش مرواغه عرفه ايه الماتريكس بشكل مبسط بس فهمه أن الماتريكس موجود في العالم المادي و الروحاني هو متغلف
بيه في اشاره ان النظام لو قرر يشغل مواطن هيقدر عادي سواء بأنه يشغله بجمع الفلوس أو الدين المهم يتلهي و ينسى انه بقى عبد و مش مهم يكون نظام قمعي خالص نرجع بقى للفيلم عشان ينسى تماما انه عبد و (مورفيوس) بيحطه أدام الاختيار احمر و لا ازرق و دي فرصه (نيو) عشان يتحرر بجد عرض مش هيتكرر
تاني عرض للحقيقه المطلقه و يختار (نيو) القرص الأحمر و ياخدوه لاوضه عشان يجهز و يخرج من الماتريكس لعالم الحقيقه في عمليه أشبه بالولاده و هو بيخرج من صندوقه اللي كان محبوس فيه بيشوف مليارات زيه محبوسين و آلات بتتغذي عليهم و يستقبله (مورفيوس) و (ترينيتي) و يساعدوه عشان يكون قادر
لمرحله ماذا بعد و لما (نيو) بقى قادر يقف بعد عمليه خروجه بيتعرف عالفريق اللي على سفينه (مورفيوس) نبوخذ نصر و بيعرفه على طاقم السفينه كان عارف منهم (ترينيتي) و (ايبوك) و (سويتش) و اتعرف على (سايف) و (تانك) هو ايه اللي جاب الفنان (محمد محي) هنا 😂و (دوزر) و (ماوس) و ياخده
الماتريكس عشان يعرف الحقيقه بس قبل ما يتكلم بيفهمه ان الحقيقه هي نتيجه معلومات بتجمعها الحواس ويترجمها المخ مجرد تفاعلات سهل تخدعها جوا الماتريكس و يبتدي (مورفيوس) يحكي الحكايه و بدأ بالتاريخ انهم في ٢١٩٩ تقريبا مش في ١٩٩٩ و بيكمل (مورفيوس) الحكايه بالادله بطريقه ممتازه جوا
جوا الماتريكس عشان يسهل على (نيو) استيعابها بدأت مع ولاده الذكاء الاصطناعي و لما تغولوا قرر الجنس البشري يحجب الشمس عن الأرض بقنبله نوويه ساعتها الآلات اختارت البشر نفسهم و بدأت تستخدم معدلاتهم الحيويه عشان تنتج الطاقه اللي محتاجاها من مليارات البشر (مورفيوس) وهو بيحكي بيعترف
ان هو شخصيا عمره ما كان هيصدق الحقيقه دي بس هو شافها بعينه و في نهايه العرض (مورفيوس) بيلخص الماتريكس لبرنامج احلام عشان يفضل العبيد تحت السيطره و يتحولوا ببساطه بطاريات و هنا بيتجنن (نيو) الحقيقه اصلا مجنونه يصدق ان حياته كلها كدب انه اساسا مفيش اي تجربه حقيقيه في حياته مفيش
بيصرخ بيزعق و بيخرج من الماتريكس للسفينه الطاقم فاهم المشاعر دي لان ببساطه كل فرد منهم مر بنفس تجربه (نيو) و بيحاولوا يهدوه بس بينهار في النهايه و يغمن عليه 😂 ولما فاق بقى اهدى بس عاوز يرجع للحياه القديمه مع انها مزيفه مكانش مهم عنده بس يرجع و سأل (مورفيوس) بس فهمه أن مخه مش
هيستحمل الرجوع و بيعتذرله عالصدمه اللي سببها ليه بسبب الحقيقة و بيحكيله عن راجل اتولد في الماتريكس كان عنده قدره يغير فيها و حرر ناس منها و كان متأكد ان في وجود الماتريكس هيفضل الناس عبيد ومات الراجل ده و العرافه اتنبأت برجوعه تاني و (مورفيوس) متأكد أن الراجل ده هو (نيو) الجمله
دي خلت (نيو) نسي صدمته من الحقيقة و بشكل تلقائي ابتدا في مرحله ماذا بعد اللي أولها التدريب و بيدخل (تانك) يعرفه بنفسه و يطمنه انه هيتعود و بنعرف ان (تانك) و (دوزر) ما اتولدوش في الماتريكس اتولدوا في مدينه اسمها زايون آخر مدينه بشريه عالارض بس هي تحت الأرض 😂 شخصيه (تانك) لطيفه
متحمسه مؤمنه برؤيه (مورفيوس) و اختيار مناسب عشان (نيو) يخرج من اضطرابه بعد صدمه الحقيقه و فعلا (نيو) بيدخل الماتريكس عشان يبتدي يتعلم المهارات و الفنون القتاليه و بيبهرهم بمثابرته في التعلم و نشوف اول امتحان ليه أدام (مورفيوس) و اللي يعتبر برضه تدريب ميداني قبل دخول الماتريكس
و السفينه كلها تتفرج عالماتش بين (نيو) و (مورفيوس) واضح ان (نيو) بيعمل عظمه😂 و (مورفيوس) كمان مدرس شاطر عاوزين منه عندنا😂 بيحاول يحرر عقل (نيو) لأنه متأكد انه هو المختار و (نيو) فهم ده بس طبعا الخروج عن المألوف و تحرير العقل محتاج ايمان بالذات قبل الغير قفزه إيمانيه و (نيو)
مطلوب منه يقفز حرفيا 😂و طاقم السفينه بيتابعه و هو بيتمرن و هما متأكدين من فشله في الأول و ده طبيعي بنشوف (سايف) اللي بيتكلم ببرود بس حقده باين و (ماوس) المتحمس و (تانك) و باقي الطقم متحفظ مستنيين يشوفوا اكتر قبل ما يوضحوا عن مشاعرهم و بيخرج (نيو) و (مورفيوس) من البرنامج و بيحس
بألم و بوقه و بيشوف دم و بيتعلم اول و أهم درس موته في الماتريكس معناه موته في الحقيقه و بيدخل اوضته و فعلا بينام من التعب لدرجه انه مش بيحس (بترنتي) و هي بتدخل ليه العشا و بنشوف حوار صغير بين (ترنتي)و(سايف)بس وراه كتير غيره و حقد و بيسأل ليه (نيو) مازارش العرافه عشان يتأكدوا
جاري تحميل الاقتراحات...