حلها يبقي عندك انتاج صناعي وتصدير وسياحة ناجحة تكفيك او موارد طبيعية تصدرها زي البترول والغاز في الخليج وتعيش المائة مليون من الإيرادات
الموارد الطبيعية المتاحة بكميات كبيرة في مصر الشمس والرياح وده هيحولوها لكهرباء وهيدروچين ويصدروها بالإضافة لشوية الغاز اللي اكتشفوهم في البحر المتوسط والدلتا مؤخرا ودول طبعا بيصدروهم بس برضو مش كفاية لعدد السكان ده بزياداته السنوية المتوقعة....
بالنسبة للزراعة بيتوسعو فيها في الصحراء بملايين الافدنة وبيصدروا محاصيل زراعية بارقام قياسية حاليا لكن الصناعة والسياحة والتجارة واللوجيستيات دي محتاجة شغل وإدارة ووقت عشان تنجح فيها في ظل المنافسة والتخلف المتراكم عندك!
زي كده
ودي صادرات المحاصيل الزراعية وصلت 6.5 مليون طن رقم قياسي
ودي مشروعات استغلال طاقة الشمس والرياح وتصديرها في مؤتمر المناخ في شرم الشيخ
وفي تصدير الخدمات والتكنولوجيا زي السوفتوير وخدمات التعهيد وده قطاع بينمو بشكل كبير في مصر من سنين وممكن من اعلي القطاعات في النمو في مصر
almalnews.com
almalnews.com
ومصر متقدمة جدا اقليميا في القطاع ده
أرقام الصادرات الزراعية رغم انها بتزيد وملايين الاطنان مابتجيبش دولارات كتير 😆
وبالنسبة للتجارة واللوجيستيات ونوعا ما الصناعة كمان مافيش قدامك غير قناة السويس ومشروع المنطقة الاقتصادية والقناة طبعا كانت مهملة من عقود طويلة لا تطوير ولا اي استغلال اقتصادي حتي خدمات تموين السفن ماكنوش بيقدموها
لسه هيبدأو يقدموا خدمات تموين السفن بالوقود السنة دي 😄
وتاني اهم مصدر للدولار حاليا جاي من تصدير السكان/العمالة ودي ممكن نشتغل عليها برفع جودة السكان وتحسين التعليم ومع الزيادة السكانية ديما هيبقي في فوائض ومعدل إعالة عالي بسبب انخفاض متوسط الاعمار في الهرم السكاني
جاري تحميل الاقتراحات...