انا اسف في الكلمتين اللي هقولهم دول واللي هيزعلوا ناس كتير
احنا من اسبوع قولنا هنلتزم بسعر الصرف المرن يعني سعر الدولار في البنك هيوصل لسعر الدولار في السوق السودة
وده هيخلي الناس بدل متخاطر وتبدل فلوسها زي المهربين والحرامية هتروح البنك وتبدل فلوسها بشكل طبيعي وده هيخلي في وفرة
احنا من اسبوع قولنا هنلتزم بسعر الصرف المرن يعني سعر الدولار في البنك هيوصل لسعر الدولار في السوق السودة
وده هيخلي الناس بدل متخاطر وتبدل فلوسها زي المهربين والحرامية هتروح البنك وتبدل فلوسها بشكل طبيعي وده هيخلي في وفرة
2-الوفرة اللي هيحصل في الدولار هتخلي سعره ينزل لأن الدولار في الاخر زيه زي اي بضاعة لو قلت من السوق سعرها ليرفع ولو اتوفرت سعرها بينزل لكن المشكلة حقيقي في أن الأسعار في مصر مرتبطة فقط بزيادة الدولار مش بهبوطه حتى المنتجات المحلية التجار بيزودوا اسعارها رغم أنها بعيدة عن الدولار
3-ضيف على ده كمان أن الأسعار الحالية للمنتجات هي أعلى من قيمتها الأصلية ب 50% وده لان التجار بيرفعوا الأسعار مع رفع الدولار ومش بينزلوها مع هبوطه و بالتالي كل ما الدولار يرفع المنتجات بترفع و كل ما الدولار يهبط المنتجات برضوا بترفع وده يخلينا نسأل انا كمواطن كحيان هاكل واشرب ازاي
4- اللي خلق الأزمة من بدايتها حكومتنا الرشيدة اللي ماعرفتش تتعامل اصلا مع الموقف من 6 سنين وهي المسؤول الأول عن تواجد السوق السودة و المسؤولة عن ارتفاع الأسعار الجنوني لانها مش بتراقب ولا بيتحاسب ولا في معايير للجودة الا على الورق بس فالسيد رئيس الوزراء وحكومته لازم يستقيلوا فورا
5-بخصوص بقى المشاريع واننا رمينا فلوسنا في مشاريع مالهاش لازمة فده كلام مش صحيح بالمرة مافيش مشروع مالوش لازمة في الدنيا المشروع بيشغل قطاعات كتيرة و عمال اكتر والبنية التحتية بتاعتك ليها 80سنة محلك سر فالناس اللي بتتريق على الكباري والطرق ده مش شئ مضحك ولا انت بتفهم اكتر من غيرك
6-من يومين كنت في مساحة نقاش مع عدد من المستشارين الاقتصاديين والامني الخلايجة بنتكلم بخصوص التحضيرات للقمة العربية الأفريقية في الرياض واعلنوا أن دول الخليج قررت توجه استثماراتها إلى افريقيا لكن في مشكلة أن افريقيا مافيهاش بنية تحتية ولا طرق ولا امان ولا استقرار سياسي وده حقيقي
7-وكان الحل الامثل علشان الاستثمارات دي تتوجه بشكل صحيح علشان تنافس الدول الكبرى المسيطرة على افريقيا زي روسيا وفرنسا والصين أن يكون المدخل لأفريقيا من خلال مصر والمغرب اشمعنى يعني علشان هما اللي عندهم بنية تحتية و استقرار سياسي ومصر تحديدا فيها طفرة في الطرق والكباري وده المطلوب
8- واتقال نصا أن مصر بتستعد بشكل كبير لاستقبال الاستثمارات دي وأنها تكون بوابة العبور للخليج إلى افريقيا كلها علشان بقيت مؤهلة لده و عندها عاصمة جديدة مؤهله لاستقبال المستثمرين دول فلو انت شايف أن المشاريع بتاعتنا فنكوش فهي بالنسبة للمستثمر اللي هيجي قمة الامان و المطلوب
9- لكن برضوا تظل هناك مشكلة كبيرة جدا وهي أن علشان نحس بفايدة الكلام ده هيكون مر سنين كتير يعني مافيش فايدة هتعود على المواطن بشكل سريع ومباشر وحالته الاقتصادية مش هتتحسن في ظرف أسبوع أو شهر فالمواطن يعمل ايه ينتحر مثلا
هنا بقى دور الحكومة اللي المفروض تعمل توازن و فشلت فيه تماما
هنا بقى دور الحكومة اللي المفروض تعمل توازن و فشلت فيه تماما
10- الشاهد من الكلام ده أن الأزمة اللي احنا فيها هتعدي زي ما آلاف الأزمات عدت لكن هيكون في ضحايا مع الاسف الحكومة فضلت تضحي بالمواطن على حساب تضحيات تانية بحكم أن مافيهاش حاجة لما جيل أو جيلين يتعدموا مقابل أن باقي الأجيال تعيش مستريح ومبسوطة وده الحل الاسهل لاي حكومة فاشلة.
جاري تحميل الاقتراحات...