🔴 من شهور قليلة، حصلت حاجة من أغرب الحاجات اللي ممكن تسمع عنها. فجوة اتفتحت فجأة في المجال المغناطيسي لكوكب الأرض، وفضلت مستمرة لفترة غريبة ومحصلتش قبل كده تقريبًا، لدرجة سمحت بدخول جسيمات مشحونة جاية من الشمس، وعملت عاصفة شمسية عنيفة ضربت الكوكب!
والحدث ده على عكس ما انت معتقد مكانش نادر ولا حاجة، وحصل قبل كده كتير. بس المرة دي حصل بشكل أعنف بكتير من اللي كنا متوقعينه، وده ممكن يبقى معناه هو إن الشمس بتمر بحالة نشاط خطيرة، وممكن مستقبلًا تتسبب في مشاكل تغير شكل الحضارة البشرية كلها!
طب يا ترى أيه اللي حصل بالظبط، وأيه سبب تكون الفجوة دي؟ هو ده اللي هتعرفه في الدقايق اللي جاية. ف هات كوباية الشاي الحلوة والنعناع في إيدك، ويالا بينا! ☕❤️
⚫ شوف يا سيدي.. يوم 7 يوليو اللي فات، علماء الفلك والفضاء في العالم كله صحيوا على مفاجأة مذهلة. المفاجأة دي هي إن في عاصفة شمسية ضربت الكوكب فجأة بشكل غير متوقع، واتسببت في إن المجال المغناطيسي للأرض تحصل فيه فتحة غريبة كإنها بوابة ما بين الأرض والفضاء!
العاصفة دي حسب الدراسات اللي اتعملت عليها بعدها كانت من نوع G1 بمعنى انها مكانتش ضخمة المفروض، لكن برغم كده فالفجوة اللي سببتها في المجال المغناطيسي للأرض فضلت مستمرة لفترة أكتر من 14 ساعة كاملين. ودي حاجة غريبة ومحصلتش بالشكل ده قبل كده تقريبًا!!
وبسبب ده، فـ في أماكن كتير من أمريكا وكندا ومناطق من شمال الكرة الأرضية، ظهرت أضواء شفق قطبي وفضلت مستمرة لفترة طويلة خلت هواة الفلك والفضاء والتصوير الفلكي يلقطوها بكاميراتهم، عشان تبدأ موجة كبيرة من التساؤلات. هو أيه اللي حصل ده وحصل إزاي؟ وايه مدى خطورته علينا؟
وعشان تعرف إجابة السؤال ده، لازم الأول تعرف هو أيه العواصف الشمسية دي أصلًا، وأيه هو المجال المغناطيسي اللي بيحمينا منها ده. ف خليني أشرحلك بأكبر قدر ممكن من التبسيط.
🔴 شوف يا عم الشمس في المعتاد دايمًا بيبقى فيها انفجارات نووية ضخمة جدا وتفاعلات ذرية ونووية كبيرة مالهاش عدد ولا حصر وبسبب النشاط الشمسي اللي بيحصل في مركزها وعلى سطحها ده فهي دايمًا بيخرج منها سيول هائلة من الجسيمات الذرية الممغنطة اللي طاقتها الكهرومغناطيسية بتبقى شديدة جدًا.
سيول الجسيمات دي بتبقى طبيعية ومعتادة.. بتنطلق من سطح الشمس طول الوقت عادي جدًا، وضخامتها وحجمها بيبقى محدود، وساعتها بتتسمى بالرياح الشمسية Solar Wind العادية.. لكن لما بتزيد شدتها لدرجة كافية، بتتحول لحاجة مرعبة بنسميها العاصفة الشمسية Solar Storm..
سيول ضخامتها لا تستوعب من الجسيمات الممغنطة عالية الطاقة دي، ممكن حجمها يوصل لإنه يغطي كوكب الأرض كله.. بتنفجر من سطح الشمس وتنطلق بسرعات ضخمة جدًا ف الفضاء، عشان تضرب الكواكب التانية اللي بتقابلها ف طريقها، بسرعات عملاقة ممكن توصل لملايين الكيلومترات في الساعة..
⚫ بس الفكرة بقى إن الكوكب بتاعنا عنده درع خفي بيحميه في المعتاد من الجسيمات عالية الطاقة دي، بنسميه الدرع المغناطيسي أو الـ Magnetosphere. والدرع ده يمكن هو أهم حاجة بتحفظ وجودنا كبشر على الكوكب، وبتحفظ وجود الكائنات الحية عمومًا..
وده عشان الدرع الكهرومغناطيسي ده هو اللي بيحمي الكوكب كله من الأشعة الكونية والشمسية الضارة اللي اتكلمنا عنها دي..
بس الفكرة بقى إن الفجوة اللي حصلت في الدرع المغناطيسي للأرض يوم 7 يوليو اللي فات دي، حصلت بسبب ظاهرة اسمها الـ co-rotating interaction region، أو الـ CIR اختصارًا.
بس الفكرة بقى إن الفجوة اللي حصلت في الدرع المغناطيسي للأرض يوم 7 يوليو اللي فات دي، حصلت بسبب ظاهرة اسمها الـ co-rotating interaction region، أو الـ CIR اختصارًا.
ودي بتحصل لما لسانين مختلفين من العاصفة الشمسية بيندمجوا مع بعض، وبيضربوا الكوكب بشدة، فـ بيتسببوا في تحميل المجال المغناطيسي فوق طاقته، وبيحصل انهيار أو فجوة صغيرة فيه.
المشكلة بقى إن اللي نعرفه في الطبيعي ان ظواهر الـ CIR دي بتستمر لساعتين أو أقل.
المشكلة بقى إن اللي نعرفه في الطبيعي ان ظواهر الـ CIR دي بتستمر لساعتين أو أقل.
لكن فكرة انها تحصل وتستمر لأكتر من 14 ساعة كاملين، وبدون سابق انذار، هو اللي كان غريب ومفاجيء، وبينذر بالخطر فعليًا. هتسألني ليه، هقولك عشان ده معناه إن النشاط الشمسي بدأ يزيد بالفعل، والشمس بتاعتنا بدأت تدخل في مرحلة بيسموها الـ Solar Maximum
🔴 والـ Solar Maximum ده لو انت متعرفش، بيحصل بمعدل مرة كل 11 سنة تقريبًا، وبتلاقي فيه إن نشاط الانبعاثات الشمسية أو الـ Solar Flares، وكمان معدل تكون البقع الشمسية Sun Spots اللي بتنطلق منها الإنبعاثات دي، بيكون أعلى بكتير..
وبالتالي ده بيخلي مجالات الشمس المغناطيسية أقوى، وبيخليها تأثر على الأرض بشكل أعنف وأكثر خطورة.
وبرغم ان ده مبيحصلش بسببه مشاكل في المعتاد عشان الدرع المغناطيسي للأرض كان بيستحمل دايمًا، لكن خليني أقولك ان في عواصف شمسية ضخمة زي دي حصلت بالفعل قبل كده في تاريخ الأرض..
وبرغم ان ده مبيحصلش بسببه مشاكل في المعتاد عشان الدرع المغناطيسي للأرض كان بيستحمل دايمًا، لكن خليني أقولك ان في عواصف شمسية ضخمة زي دي حصلت بالفعل قبل كده في تاريخ الأرض..
🔴 أول واحدة وأضخم واحدة إحنا نعرفها إسمها (حدث كارينجتون) أو (Carrington Event)، وحصلت سنة 1859.. وساعتها العاصفة وصلت للأرض في حوالي 17 ساعة، وسببت أعطال ضخمة وعالمية في شبكة التليغراف، اللي هو كان قمة التقدم التكنولوجي وقتها..
وكتير أوي من العمال بتوع التلغراف وقتها اتصابوا بصعقات كهربية خطيرة بسبب العاصفة..
وبعدها، نفس العاصفة حصلت مرتين كمان.. مرة سنة 1921، وضربت نيويورك وسببت أعطال وخسار كبيرة في شبكة التليغراف والسكة الحديد وخطوط الإتصالات..
وبعدها، نفس العاصفة حصلت مرتين كمان.. مرة سنة 1921، وضربت نيويورك وسببت أعطال وخسار كبيرة في شبكة التليغراف والسكة الحديد وخطوط الإتصالات..
والتانية كانت من قريب، سنة 1989، وتسببت في انهيار كامل لشبكات الكهرباء والطاقة في مدينة كويبيك Quebec في كندا، فضل مستمر لأكتر من 9 ساعات كاملة، وأثر على كفاءتها بعدها بشكل دائم، وكلفهم مليارات الدولارات..
⚫ والفكرة بقى إن للأسف مجتمعنا الحديث حاليًا مبقاش زي زمان، وبقينا معتمدين على صور التكنولوجيا الحديثة وشبكات الطاقة بشكل أكبر بكتير من اللي كان موجود قبل كده.
وعشان كده العواصف والإنبعاثات دي دلوقتي بالنسبالنا بقت خبر مهم وخطير فعلًا.
وعشان كده العواصف والإنبعاثات دي دلوقتي بالنسبالنا بقت خبر مهم وخطير فعلًا.
لإنها لو حصلت بشكل أعنف من المتوقع، فهي ممكن تتسبب في انهيار المجتمع البشري بصورته الحالية بدون أدنى مبالغة!
يعني عايز أقولك مثلًا ان حسب بحث إتقدم السنة اللي فاتت 2021، في مؤتمر SIGCOMM العالمي بتاع تكنولوجيا الإتصالات، فالعلماء بيقولوا إن ممكن أي عاصفة شمسية قوية جاية..
يعني عايز أقولك مثلًا ان حسب بحث إتقدم السنة اللي فاتت 2021، في مؤتمر SIGCOMM العالمي بتاع تكنولوجيا الإتصالات، فالعلماء بيقولوا إن ممكن أي عاصفة شمسية قوية جاية..
تكون سبب في تدمير وحرق كابلات الإنترنت اللي بتربط ما بين القارات تحت سطح البحر، عشان هي مش متأمنة خالص ضد الأحداث الكونية اللي زي دي.. وكمان عبروا عن مخاوف كبيرة عندهم من إن شبكات الإتصالات والكهربا في أماكن كتير من العالم مش متجهزة خالص لتحمل العواصف دي..
🔴 وفي الأمثلة اللي ضربوها عن الموضوع، شبهوا الكارثة المحتملة دي، باللي حصل معانا في سنة 2020 بسبب جائحة كورونا، لما الفيروس انتشر في العالم كله بدون ما ناخد بالنا، ولا نعرف نوقفه.. وبسببه اكتشفنا كلنا قد أيه العالم كله بأكبر الدول المتقدمة اللي فيه..
لسه مش مستعدين لمواجهة كارثة أرضية صحية زي دي.. فـ ما بالك بقى بكارثة كونية ممكن تبقى أقوى وأعنف بعشرات المرات!
الضرر اللي ممكن نشوفه بسبب حاجة زي دي مش هنقدر نتحمله..
الضرر اللي ممكن نشوفه بسبب حاجة زي دي مش هنقدر نتحمله..
وحسب الدراسات المبدئية اللي اتعملت، فانقطاع شبكة الإنترنت لمدة يوم واحد في الولايات المتحدة الأمريكية، هيسبب خسائر قيمتها أكتر من 7 مليار دولار أمريكي ف اليوم الواحد.. والخسائر دي هتتضاعف مع مرور الوقت..
وده في أمريكا بس.. لسه ما اتكلمناش عن العالم كله، ولا عن الشركات والمؤسسات الحكومية والبنوك اللي بيعتمدوا كلهم في شغلهم على الإنترنت السريع.. واللي ممكن لو اتضرروا ووقفوا، يوقعوا معاهم دول وأنظمة اقتصادية كاملة..
⚫ وحسب الأبحاث، فالحل الوحيد لمشكلة زي دي هيكون إننا نبدأ نأمن شبكات الكهربا والإنترنت بتاعتنا من دلوقتي بمواد عازلة، عشان نحافظ عليها على قد ما نقدر، قبل ما العاصفة اللي جاية تحصل..
وده برغم إنه هيبقى مكلف جدًا إقتصاديًا، بس هيحمينا من الآثار المدمرة اللي ممكن نشوفها لو كارثة زي دي حصلت وإحنا عايشين..
وفي النهاية، علماء الفضاء بيقدروا إن فرص حدوث عاصفة شمسية ضخمة في خلال ال 10 سنين اللي جاية، هو ما بين 1.6% إلى 12%!!..
وفي النهاية، علماء الفضاء بيقدروا إن فرص حدوث عاصفة شمسية ضخمة في خلال ال 10 سنين اللي جاية، هو ما بين 1.6% إلى 12%!!..
ودي نسبة مش مطمئنة خالص لو كنا بنتكلم عن حدث من شأنه يوقف الحضارة كلها زي ده..
وحسب تقديراتهم، لو العاصفة الشمسية دي حصلت فعلًا، فالبشر وقتها هيكون عندهم بالضبط 13 ساعة أو أقل، عشان يحضروا نفسهم للي جاي، ويحاولوا ينقذوا ما يمكن إنقاذه..
وحسب تقديراتهم، لو العاصفة الشمسية دي حصلت فعلًا، فالبشر وقتها هيكون عندهم بالضبط 13 ساعة أو أقل، عشان يحضروا نفسهم للي جاي، ويحاولوا ينقذوا ما يمكن إنقاذه..
فهل تفتكر أنت إن كارثة زي دي ممكن تحصل فعلًا، ولا الإحتمال ضعيف؟!.. وهل ممكن تكون الفجوة اللي حصلت في مجال الأرض المغناطيسي من قريب دي، هي أول الآثار والدلائل اللي بتقول إن اللي جاي ممكن يكون أسوأ؟!
هسيب الاجابة لخيالك انت...
هسيب الاجابة لخيالك انت...
وفي النهاية، لو الموضوع عجبك متنساش تعمل ريتويت ومنشن لصحابك عشان يشوفوه، ودي بعض المصادر 👇
livescience.com
iflscience.com
tech.hindustantimes.com
شكرًا ❤️
محمود علام
livescience.com
iflscience.com
tech.hindustantimes.com
شكرًا ❤️
محمود علام
جاري تحميل الاقتراحات...