واحدة من طرق الانترفيو اللي بحبها هي القصص او الحكايات. الفكرة ان اللي بيعمل لك انترفيو بيطلب منك تحكي حكاية بتبين فيها خبرة معينة أو مهارة مهمة. ٩/١
أول حاجة لازم تفتكرها انه بيسألك عن حاجة حصلت لك. لو معديتش على الخبرة او محصلش لك الموقف اللي بيسألك عنه، بلاش تحكي هتعمل ايه او تخترع حكاية وهمية. الأحسن انك توضح انك معديتش بالموقف ده. غالبًا هيسألك عن موقف تاني. ٩/٢
ثانيًا حاول تلازم بطريقة STAR اللي هي انك تشرح: Situation الموقف اللي كنت فيه، بتشتغل فين ومنصبك ايه، وبعدها Task أو المهمة اللي كانت مطلوبة منك، بعدها اتكلم عن ال Actions أو القرارات اللي أخذتها والموقف اتغير بسببها، بعدها Result أو النتيجة النهائية للموقف... ٩/٣
وأخيرًا اشرح اتعلمت ايه ولو عندك فرصة ترجع للماضي هتغير ايه ف اللي عملته واتكلم عن ايه اللي انت غيرته ف أسلوبك وفي العملية Process اللي كنت متبعها ف الموقف ده. ٩/٤
ثالثًا حاول تغطي الموقف ف ٣-٥ دقايق بدون دخول ف تفاصيل كتيرة قوي. ركز على القرارات اللي أخدتها وايه اللي اتعلمها وسيب مكان له يسأل أسئلة. ٩/٥
رابعًا كن مستعد ان اللي بيعمل لك انترفيو يدخل ف تفاصيل كتيرة. اختار حكاية تكون فاكر تفاصيلها كويس عشان تقدر تجاوب. ٩/٦
خامسًا مش لازم تختار حكاية تفاصيلها ممتازة وكلها ف صفك. كلنا بنتعلم من غلطاتنا ف متحاولش تبقى بطل او تختار حكايات وردية كل حاجة فيها مشيت بشكل ممتاز. ده غالبًا بيبقى معناه انك متعلمتش قوي من الموقف. ٩/٧
سابعًا جهز حكايات من قبل الانترفيو وحاول تكتبها لانه ده هيساعدك تنظم أفكارك ف الانترفيو ويساعدك كل مرة تتسأل انك تضيف التفاصيل الناقصة ف الحكاية وتغطي جوانب أكتر.
بالتوفيق. ٩/٩
بالتوفيق. ٩/٩
جاري تحميل الاقتراحات...