انا عارفه الفيلم طويل حبتين بس ده لأنه بيمهد لاسرار كتير هتفضل مكمله معانا للجزء الثامن نكمل يدخل (دمبلدور) و هاري يقوله اتحرق لوحده ماجيتش جنبه 😂يضحك و يفهمه أن ده طائر العنقاء لما بيموت بيتحرق و يطلع الفرخ الجديد من قلب الرماد و يعدد مزياه أن دموعه ليها قدرات علاجيه بيشيل
أحمال تقيله و كل ده هانحتاجه بعدين اتقلوا يدخل (هاجريد) و هو مرعوب على هاري و هو بيقول ان (هاري) مش السبب و لسه هيكمل بس (دمبلدور) يفهمه انه عارف فيخرج و يسيبهم و لتاني مره (دمبلدور) يسأل (هاري) ان كان في حاجه مخبيها و (هاري) يكدب و تبتدي إجازات عيد الميلاد و الوصفه قربت تجهز
و (هيرميوني) تهتم بكل التفاصيل و فعلا يتحول (هاري) و (رون) ل(كراب) و (جويل)عشان يستجوبوا (دراكو) بس طلع ما يعرفش غير ان طالبه ماتت و طالب انطرد من المدرسه و بعد ساعه يرجع (هاري) و (رون) لشكلهم بس تحصل مشكله (هيرميوني) تتحول لقطه بسبب الشعره و تروح لمستشفى المدرسه و يعدوا من حمام
(ميرتيل) و يلاقوا الميه مغرقه المكان و يلاقي (هاري) نوته و يستغرب انها مش مبلوله مع انها كانت وسط الميه و ياخدوه و يروحوا ل (هيرميوني) و يلاقوا عليه اسم (توم مارفولو ريدل) و (رون) يعرف الاسم في الليله اللي اتعاقب فيها بانه يلمع كل الجوايز وقرأ اسمه على واحده منهم و كانت الجايزه
من ٥٠ سنه و اقترحت (هيرميوني) فكره مجنونه انه ممكن يكون عارف حاجه عن الغرفه بس كان في مشكله صغيره ان المذكرات كانت فاضيه يمسك (هاري) ريشه و حبر و يوقع نقطه عالورقه بس تختفي فيقرر يكتب و يسأل المذكره و ردت عليه ما تنسوش اننا في عالم سحري و المذكره ليها حكايه هنعرفه كمان شويه
المذكره تاخد هاري لوقت الحادثه و نشوف (توم) واقف بيراقب من بعيد و يكلمه (دمبلدور) و يسأله لو في حاجه مخبيها و يحس (هاري) ان (توم) كدب و يستغرب من التشابه اللي بينه و بين (توم) حبهم للمدرسه كأنها بيتهم و ان وراهم أسرار يسيب (توم) الأستاذ ويروح يقابل (هاجريد) و يقوله ان في طالبه
ماتت و يسلمه و تخلص الذكرى لحد هنا و تاني يوم يتقابل الثلاثي و يحكيلهم (هاري) اللي حصل و يتناقشوا وهما مش مصدقين ان (هاجريد) ممكن يأذي حد و يقابلهم (هاجريد) و يسلم عليهم و يسيبهم و يجري (نيفيل) يبلغ (هاري) أن اوضه نومهم مقلوبه و كل حاجه مرميه عالارض و يجروا ويعرف (هاري) ان مذكره
(توم) اتسرقت وتاخدنا الكاميرا لاستعداد فريق جريفندور المباراه و تتلغي المباراه و نعرف أن طالبه اتحجرت (هيرميوني) و خلاص المدرسه مابقيتش أمان و مابقاش ينفع حد يمشي لوحده و يقرر (هاري) و (رون) يقابلوا (هاجريد) عشان يعرفوا منه الحكايه و يستعملوا عبايه الاخفا😂و يوصلوا لبيت (هاجريد)
بس ما يلحقوش يتكلموا معاه لأنه كان متوتر جدا و فجأه يسمعوا خبط عالباب يستخبوا و يشوفوا (دمبلدور) و وزير السحر (فادج) و يتكلموا مع (هاجريد) اللي بيحاول يقنعهم انه برئ و في وسط كلامهم يدخل (لوسيوس) و يعرف (دمبلدور) ان أهالي الطلبه نحوه بشكل مؤقت من اداره المدرسه و ان (هاجريد) لازم
يروح ازكابان سجن السحره برضه بشكل مؤقت لحد ما تظهر الحقيقة بس (هاجريد) يديهم نصيحه لو عاوزين الحقيقه يمشوا ورا العناكب و فعلا يمشوا وراها و يوصلوا للغابه المحرمه و يلاقوا العربيه بس يفضلوا مكملين ورا العناكب لحد ما يوصلوا ل(اراجوج) ملك العناكب بس ما يعرفوش منه غير أنها بنت اللي
اتقتلت في الحمام و ان الحيوان ده من خوفهم منه حتى مش بينطقوا اسمه و انه ماشافش و لا حته في القلعه و ان هاجريد جابه هما في الغابه و ساعده يتجوز 😂 عندنا بيفرضوا ضرايب عالجواز عشان محدش يتجوز و طبعا يخلص الحوار بينهم و لما يقرروا يمشوا تهاجم العناكب و فجأه تظهر العربيه تسلمي يا
😂 يا طاهره و يخرجوا من الغابه بعد مطارده العناكب ليهم و ترجع العربيه تاني للغابه المحرمه و لما (رون) يتعصب من رحلتهم للغابه و ان مكانش من وراها فايده يرد عليه (هاري) بالعكس كده اتاكدنا أن (هاجريد) برئ و يطلع النهار و يزور (هاري) و (رون) (هيرميوني) و (هاري) ياخد باله ان في ورقه
ياخدها و يعرف مين الوحش الحقيقي تعبان الباسيلسك عشان كده هاري كان بيسمعه و يفهمه و لما (رون) سأل ازاي بيتحرك في القلعه جاوبه (هاري) عن طريق المواسير و الحيوان ده بيخاف منه العناكب و عدوه اللدود الديوك اللي كان في حد بيقتلها و من طرقه الغريبه في القتل انه بيبص بس للضحيه و تموت
عشان كده محدش مات المره دي لأن محدش بص في عينه بشكل مباشر الحقايق فجأه بتتكشف أدام عين (هاري) بيكتشف ان (ميرتل) هي الطالبه اللي ماتت و هما في طريقهم للحمام يكتشفوا أن في طالبه اتخدت المره دي للغرفه (جيني) وان المدرسه وكلت (جيلدروي) عشان يلاقي الوحش و يقتله وينهار (رون) من رعبه
بس يجروا على مكتب (جيلدروي) عشان يعرفوه بالمعلومات اللي عندهم بس يكتشفوا انه محتال و ياخدوه معاهم للحمام و يستجوبوا (ميرتل) و تعرفهم مكان اللي سمعت منه الصوت الغريب و يروحوا عند الحنفيات و يلاحظ (هاري) تعبان صغير و يتكلم بلغه التعابين فتتفتح ادامه و يدخلوا مع (جيلدروي) و طبعا
يشوفوا بقايا اكل التعبان و جلده و يسرق (جيلدروي) عصايه (رون) و يحاول يفقدهم الذاكره بس ينقلب السحر عالساحر و يفقد هو الذاكره و يبقى (هاري) لوحده مع الوحش لأن حصل انهيار صخري فصل بينه و بين (رون) و يدخل الغرفه يشوف (جيني) عالارض و (توم) واقف جنبها مش مجرد ذكرى و نعرف ان (توم) هو
(فولدمورت) وريث (سليذرين) و نعرف برضه أن (جيني) هي اللي كانت بتساعده في كل حاجه لأنه سيطر عليها و يؤمر التعبان يقتله و طبعا (هاري) يجري بس يظهر فاوكس و يرميله قبعه التنسيق و يخرج منها سيف و يقدر هاري يقتل التعبان بمساعده فاوكس اللي خزق عينيه بس ناب التعبان يغرس في دراعه و يسمه
يدمر المذكره بناب الباسيلسك و ينقذ (جيني) و تنقذه دموع فاوكس من سم التعبان تاخدهم فاوكس لمكتب (دمبلدور) عشان نكمل باقي المفاجأت و هناك نعرف أن (دمبلدور) رجع مدير تاني و اخيرا هاري يقرر يتكلم و يحكي عن مخاوفه و وجه التشابه الغريب اللي بينه و بين (لورد فولدمورت) و خوفه من انه
يكون شرير زيه يبتسم (دمبلدور) و يفهمه ان السيف اللي قتل بيه التعبان ماكنش ممكن يظهر له لو مكانش فعلا بينتمي لجريفيندور و يدخل عليهم مالفوي و وراه (دوبي) و يعرفه (دمبلدور) ان كل حاجه رجعت زي الاول فيخرج (لوسيوس) غضبان و يجري وراه (هاري) و يديله المذكره ياخدها منه ببرود و يديها
ل(دوبي) و لما يفتحها يتحرر لأن سيده اداله هدوم هو القانون كده 😂 و لما يحاول (لوسيوس) يقتل (هاري) ينقذه (دوبي) و دي كانت آخر مره ينقذه فيها 😂و يخرج (هاجريد) من السجن و ينتهي الجزء التاني
جاري تحميل الاقتراحات...