✍️ محمد أمير ...
عايز تعرف بيحصل تطوير في حديقة الحيوانات بالجيزة ليه؟ وليه هتقفل سنة؟ هقولك خد معايا التسلسل الزمني ده واحكم بنفسك ..
نبدأ بالحلو ..
- ١٨٧١م بداية العمل على اكبر حديقة حيوانات بالشرق الاوسط في عهد الخديوي اسماعيل بتتضمن حيوانات ونباتات نادرة ومتحف واستراحات.
عايز تعرف بيحصل تطوير في حديقة الحيوانات بالجيزة ليه؟ وليه هتقفل سنة؟ هقولك خد معايا التسلسل الزمني ده واحكم بنفسك ..
نبدأ بالحلو ..
- ١٨٧١م بداية العمل على اكبر حديقة حيوانات بالشرق الاوسط في عهد الخديوي اسماعيل بتتضمن حيوانات ونباتات نادرة ومتحف واستراحات.
- ١٨٧٥م الخديوي اسماعيل بيكلف الفنان العالمي "جوستاف ايفل" انه يعمل كوبري جوا حديقة الحيوان، قبل ما يعمل برج ايفل نفسه ب١٢ سنة.
- ١٨٩١م افتتاح عالمي لحديقة على ايد الخديوي توفيق بإسم "جوهرة التاج لحدائق الحيوان في أفريقيا".
- ١٨٩١م افتتاح عالمي لحديقة على ايد الخديوي توفيق بإسم "جوهرة التاج لحدائق الحيوان في أفريقيا".
- ١٩٤٩م افتتاح الاستراحة الملكية في عهد الملك فاروق الاول، مصنوعة بالكامل من العاج والذهب.
دا الحلو، نيجي للوحش بقا والدخول في حقبة البيروقراطية والفساد والاهمال، والموظفين الباحثين عن اي سبوبة ، وتحول الحديقة الملكية من اكبر حديقة في الشرق الاوسط، لمعتقل جوانتنامو للحيوانات.
دا الحلو، نيجي للوحش بقا والدخول في حقبة البيروقراطية والفساد والاهمال، والموظفين الباحثين عن اي سبوبة ، وتحول الحديقة الملكية من اكبر حديقة في الشرق الاوسط، لمعتقل جوانتنامو للحيوانات.
- ١٩٨٦م الحكومة بتقرر اغلاق الاستراحة الملكية للابد، لاسباب غير معلومة.
- ١٩٩٣م الحارس بيضرب الفيل الافريقي، الفيل بيقطع السلسلة وبيدوس الحارس، وفي نفس السنة حارس قفص الاسود بيسيب باب القفص مفتوح فا تخرج الاسود وتفترسه.
- ١٩٩٣م الحارس بيضرب الفيل الافريقي، الفيل بيقطع السلسلة وبيدوس الحارس، وفي نفس السنة حارس قفص الاسود بيسيب باب القفص مفتوح فا تخرج الاسود وتفترسه.
- ٢٠٠٣م اعلن الاتحاد العالمي لحدائق الحيوان خروج حديقة مصر رسميا من التصنيف العالمي.
- ٢٠٠٤م تخرج مصر نهائيا من الWAZA يعني الاتحاد العالمي لحدائق الحيوانات، في مؤتمر صحفي تسبب في فضيحة وقتها، وده بسبب ان الاتحاد اشار لان المسؤولين في مصر بيتجاهلوا توصيات الاتحاد العالمي..
- ٢٠٠٤م تخرج مصر نهائيا من الWAZA يعني الاتحاد العالمي لحدائق الحيوانات، في مؤتمر صحفي تسبب في فضيحة وقتها، وده بسبب ان الاتحاد اشار لان المسؤولين في مصر بيتجاهلوا توصيات الاتحاد العالمي..
وبيعاملوا الحيوانات معاملة قذرة، والحديقة كوم زبالة ومياهه راكدة ومتفشي فيه الامراض اللي قضت فعلا على انواع نادرة من الحيوانات، ومعاملتهم للحيوانات بشدة زي انهم رابطين الافيال بسلاسل حديد، وجودة الاكل المتدنية الى آخره.
- ٢٠٠٦م بسبب الاهمال الطبي ودكاترة الواسطة، الحيوانات في حديقة حيوان الجيزة تتصاب بأنفلونزا الطيور، وتتقفل ٣ شهور، وطبعا زي محنا عارفين مفيش جهة حكومية بتعين حد من برة دايرة الموظفين، والزرافة اللي حيلتنا ماتت.
- ٢٠٠٧م واحد بمعاونة كام حارس من حراس الجنينة سرقوا جملين مغربيين نادررين، ودبحوهم وخدوا كبدتهم وكام حتة منه وشوية لحم ومشيوا، سرقوا اعضاؤهم عشان يبيعوها وياكلوها.
- ٢٠٠٨م اختفى ٤٠٠ حيوان من الجنينة ، بينهم زرافة وفهد اسود، واتباعوا في الاسواق على انهم حيوانات اليفة.
- ٢٠٠٨م اختفى ٤٠٠ حيوان من الجنينة ، بينهم زرافة وفهد اسود، واتباعوا في الاسواق على انهم حيوانات اليفة.
- ٢٠٠٩م واحد دخل الجنينة وطلع عالسور بتاع قفص النسانيس، وضرب نسناس عشان يفقده الوعي ويسرقه ويبيعه، ولحسن الحظ قبضوا عليه، عمل كدة وسط الناس والحراس عادي.
- ٢٠١٢م طفل عنده ١٢ سنة، لف ورا الجبلاية عند قفص الاسود لما الحراس بيخرجوا الاشبال عشان تتشمس، سرق شبل من وسط الحراس وخرج بيه، اه والله وباعه لعيل تاني ب٣٥ جنية من ابو النمرس، ورجع عشان يسرق واحد تاني واتمسك وحكايته اتعرفت.
- ٢٠١٢م بيوصلنا ٣ زرافات انثتين وذكر هدية من الامارات بعد ما الزرافة اللي كانت حيلتنا ماتت بأنفلونزا الطيور.
- ٢٠١٣م الزرافة الاولى ماتت بالحمى بعد وصولها ب٩ ايام، سوء المعاملة خلى الزرافة الذكر"روكا" تنتحر بأنها تخبط راسها في السور الحديد ، الزرافة التالتة سوسن كانت ولدت زرافة اسمه "عزيز" مكملش ١٠ شهور ومات بسبب ان امه اكتئبت ورفضت ترضعه، وحاليا سوسن لوحدها في طور الاكتئاب، رافضة جواز.
- ٢٠١٣م محمد فريد أبو حديد المسئول بوزارة الزراعة في جولة تفقدية لحديقة الحيوان بالجيزة، دخل يتفقد استراحة الملك فاروق المقفولة رسميا من سنة ١٩٨٦، لقى ان اوضة الملك فاروق اللي معمولة من العاج والذهب، اتسرقت، ومحطوط مكانها اوضة نوم مستعملة من عمر افندي.
- ٢٠١٣م انثى وحيد القرن "المهدد بالانقراض اصلا" بسبب المعاملة السيئة والاكتئاب قتلت جوزها بقرونها.
- ٢٠١٣م ٣ دببة رفضوا الاكل كنوع من العصيان على سوء المعاملة، وماتوا، ال٣ دببة قتلوا نفسهم بالجوع وبرفض الاكل زي اي مساجين في اي معتقل.
- ٢٠١٣م ٣ دببة رفضوا الاكل كنوع من العصيان على سوء المعاملة، وماتوا، ال٣ دببة قتلوا نفسهم بالجوع وبرفض الاكل زي اي مساجين في اي معتقل.
- ٢٠١٤م بسبب سيجارة احد الحراس، حصلت حريقة في ٢٥ نخلة نادرة.
- ٢٠١٤م فردين امن من افراد حراسة جنينة الحيوانات، سرقوا غزالتين وطاووس وخرجوا بيهم ووقفوا عشان يبيعوهم عند كوبري عباس، لكن اتقبض عليهم.
- ٢٠١٤م فردين امن من افراد حراسة جنينة الحيوانات، سرقوا غزالتين وطاووس وخرجوا بيهم ووقفوا عشان يبيعوهم عند كوبري عباس، لكن اتقبض عليهم.
- ٢٠١٦م في شم النسيم، ميكانيكي دخل بيت الزواحف وسرق ١٠ سلاحف بحالهم وخرج، واتقبض عليه بالصدفة.
- ٢٠١٦م واحد دخل جنينة الحيوانات الصبح عادي، وسرق ٤ صقور، وخرج بيهم ومحدش عارف يبقا مين، بعدها بالصدفة اكتشفوا اختفاء ٤ صقور في الجرد اليومي ولقوا السلك مقطوع، بس كدة.
- ٢٠١٦م واحد دخل جنينة الحيوانات الصبح عادي، وسرق ٤ صقور، وخرج بيهم ومحدش عارف يبقا مين، بعدها بالصدفة اكتشفوا اختفاء ٤ صقور في الجرد اليومي ولقوا السلك مقطوع، بس كدة.
- ٢٠١٨م الاوضة بتاعت الملك فاروق اللي اختفت، بتتباع في مزاد علني على الانترنت في امريكا، على موقع فليكر ، ب٩٨٤ ألف دولار، تحت اسم شركة اسمها M.S. Rau Antiques وبتروح لمالكها الجديد.
- ٢٠٢٢م الحديقة الضخمة مفيهاش الا ١٩ دكتور بيطري متعينين واسطة، مياة راكدة، حيوانات بائسة، وحراس بياخدوا ملاليم مش عارفين يعاملوا الحيوانات بطريقة صحيحة، جمهور من الغوغاء "مش الفقراء او الغلابة وهناك فرق"، اكل غير متوفر، روائح كريهة، ولصوص وظيفتهم ياخدوا منك فلوس بس مقابل اي شيء.
- اظن دلوقتي هتكون عارف هي هتتطور ليه، واتمنى التطوير ده يكون في صالح المواطن وصالح الحديقة نفسها متكونش بتتباع او بتتنقل، واتمنى يحافظوا عالاشجار النادرة ومقتنيات المتحف الاثرية، وشكرا ❤️
جاري تحميل الاقتراحات...