التدوير هو أن يشترى ويباع السهم في نفس الجلسة أكثر من مرّة
بعضكم دائماً يسويها بس لأن محفظته صغيرة لا يستشعر ذلك
ماسبق وأن بعت سهم واشتريته في الجلسة أكثر من مرّة؟هذا التدوير
أكيد سويتها كثير بس إمكاناتك ما تخليك تأثّر على السهم بقوّة، التدوير لا يمكن السيطرة عليه ومنعه مستحيل

وش الممنوع أجل واللي يعاقب عليه القانون؟
1- تحط عروضك وتبدأ تطبّل على السهم من حسابات مؤثرة عشان يشترون منك.
2- تحط طلباتك وترجف بسهم عشان يبيعون لك.
3- إلغاء أو تعديل الأوامر باستمرار من محافظ كبيرة بهدف خداع المتداول وعشان يصير بآخر الطابور بعد ماكان بأول الطابور، يتبع ..

ويبيع عليك بدل مايبيع على نفسه بالطلب الكبير اللي أوهمك به وجعلك تندفع تجاه السهم.
تجييش المتداولين تجاه أي سهم بهدف تحقيق مصالحك الشخصية بيعاً أو شراءً يُعد مخالفة يعني لا تصرف على متابعينك.
أي محاولة تأثير على سعر الإغلاق والافتتاح بالمزاد بشكلٍ يتضح به التلاعب، يُعد مخالفة.

ملاحظة أخيرة :
خذ راحتك بتعديل الأمر أو حذفه، لم يوجد هذا الخيار إلّا لأنّه مسموح ويحق لك يعني محد طق خبر لك، لا تفهم غلط، بس لا تكون محافظ مضاربية كبيرة ونشيطة وتفعلها باستمرار خلال الجلسة وشيل وحط بهدف التلاعب والتضليل، هذا هو اللي يعتبر مخالفة، وفقنا الله وإياكم ..