رتبها

أعجبني:
ثريد:
"بيع أصول قناة السويس" للعاوز يفهم..👇
- #قناة_السويس بتواجه تحديات رهيبة مع وجود مشروعات مُقترحة بتنازع سيطرتها على طريق التجارة الأساسي بين الشرق والغرب زي طريق شمال جنوب بين روسيا وإيران والهند، أو طريق القناة الجافة بين الإمارات والعراق وتُركيا وخلافه
يتبع👇👇

لكن من بين الطُرق دي كُلها المُهدد الأكبر هو طريق الشمال، ال بيمر عبر حدود روسيا في القُطب الشمالي .
-
بيختصر عشر أيام ملاحة من المسافة بين الشرق والغرب مُقارنة بقناة السويس، لكن مشاكل الطريق دا كانت أنه موسمي يعني هيتقفل في الشتاء مع كثافة الجليد
👇

وأنا بقول أنها كانت لإن روسيا أعلنت الشهر ال فات عن تدشين كاسحات جليد بتعمل بالطاقة النووية، هتقود أساطيل السُفن عبره شتاء وصيف
-
مصر حظها كويس جدًا بسبب الخلافات ال بتحصل بين الغرب وروسيا في التوقيت دا، لإن الخلافات دي هتأجل ولفترة طويلة أي استثمارات في الطريق من جانب الغرب،

ودا بالتالي هيأخر تحوله لمُنافس حقيقي بسبب غياب اللوجستيات وخلافه عنه.
-
لو القناة عاوزة تستمر في المُنافسة، لازم تقدم ميزة مُضافة أكبر بكتير من مُجرد المرور عبرها، يعني تضيف مميزات أكتر بكتير، زي مثلًا مناطق صناعية ضخمة، مناطق تجميع للسلع الاستهلاكية
👇

بالإضافة لمناطق لوجستيات وتخزين واسعة، تتحمل ملايين الحاويات، بحيث تصبح نقطة تبادل بين الشرق والغرب، بدلًا من قيام السُن بالرحلة كاملة، تيجي تحط في القناة، وترجع، أو تحمل منها وتمشي بدل ما توصل بين النقطتين
👇

مصر بتعمل دا فعلًا خصوصًا في ميناء السخنة دلوقت ، ودي نفس الاستثمارات ال نفس الناس ال بتهاجم صندوق الهيئة هجمتها قبل كدا، المهم إن الاستثمارات دي بقت لازمة للغاية وبسرعة شديدة، في ظل التقدم الروسي في مجال كواسح الجليد
👇

المُعضلة بقى إن وضع الدولة المصرية دلوقت هيخلي أى قروض تاخدها علشان تعمل الاستثمارات دي مُكلفة للغاية ومُرتفعة الفايدة، وعلشان كدا مصر قررت تاخد القروض دي بأرخص من العادي حتى باسم قناة السويس، وبضمانة إيراداتها، زي ما حصل قبل كدا بخصوص حفر القناة الجديدة
👇

المرة دي الدولة عاوزة بضمان إيرادات قناة السويس المُستقبلية الشبة مضمونة، وباسم القناة التقيل جدًا، تاخد قروض علشان تسرع عمليات الاستثمار، وفي نفس الوقت تقلل الفايدة لأقصى درجة بالضمانات الضخمة ال عند القناة
👇

علشان كدا كان لازم الصندوق يكون مُستقل، وموازنته مُستقلة بعيد عن الدولة، علشان ارتباط الصندوق بالحكومة في ظل ازمة الدولار الموجودة دلوقت هيضيف عليه أعباء هترفع من أسعار الفايدة بتاعته
👇

وهنا هتلاقي المواد بتاعت موارد الصندوق كُلها إيرادات ومُخصصات مالية ملهاش أي علاقة بأي أصول، الصندوق دا تأسس ليعزز دور القناة وسيطرتها على طريق التجارة بين روسيا وأوروبا، وهينجح إن شاء الله ويحقق أغراضه زي ما مشروعات الدولة كُلها بتنجح!
#تحيا_مصر✌️🇪🇬
BY: Mohamed Shadi✍️✍️✍️✍️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد