لو انا اتصلت عليك وقولتلك هنخرج بكرة ومحددتش الساعه كام ولا حددت وقت !تاني يوم انت هتحس بضغط وتوتر مابين انك هتخرج ومتعرفش امتي وبتقضي مهمات يومك وانت مضغوط بس انت منتظر اتصال ! كذلك الطفل انت محددتش ليه وقت للمذاكره وطول اليوم تقوله ذاكرلك شويه انت مش شاطر غير ف اللعب

وكلام شبه كدا سبب من اسباب كره الاطفال للمذاكره حاجتين اولا انه حاسس انها مبتخلصش لانك طول اليوم تقوله ذاكر او بتمهدله وهو بيلعب ومبسوط انه بعد ساعه هيذاكر العب عشان هتذاكر ياطفل بالظبط زي كدا مابتكون في رحله لدهب ومديرك يرن عليك يقولك علي بكره تكون ف الشغل

وهنا مبكلمكش عن شعورك اول يوم شغل بعد رحله دهب ونظراتك للزمله اطلاقا لكن بكلمك عن شعورك ف اليوم الي باقي ليك ف دهب ورغم سعادتك ف اليوم دا لكن النكد بيلف حوالين دماغك نكد من علي وش القفص!! السبب التاني لعدم مذاكرة الطفل هو انها مهمه ملهاش معاد محدد

وزي ماشغلنا ليه مواعيد حضور ومواعيد انتهاء عمل كمان الطفل محتاج معاد مناسب لمذاكرته اننا اعوده كل يوم انه علي سبيل المثال الساعه 7 المغرب دا معاد مذاكرته كل يوم يتعود انه ف نفس المعاد دا من سبعه لتسعه مذاكره وبكدا الطفل يلعب وهو علي علم انه في وقت هو بيذاكر فيه

ودا حل لجزء من المشكله بالمناسبه الطفل هيعترض الاول لكن مع الاستمراريه هيتعود