تعرف ان ابسط حاجه ممكن تعملها وتاخد من وراها أجر كبير بإذن الله هي
" جبر الخواطر " ✨🌸
لما تلاقي حد قاعد لوحده ، اجري عليه واقعد معاه وآنس وحدته
لما تشوفي بنت زيك حاولي تبتسمي ف وشها وتعلقي على شكلها او لبسها بشكل إيجابي ، ده هيرفع من معنوياتها جدا وهتفرح .
يُتبع
👇👇
١

لما تشوف طفل صغير ابتسم له وهزر معاه
ولو تقدر تشتريله ولو بونبون او اي حاجه بسيطه وفرحه بيها و تبقي جبرت خاطره
.
.
لما تشوف حد ماشي مهموم ابتسم ف وشه ، يمكن حاجه بسيطه زي دي تهون عليه وتحسسه ان لسه في خير ف الدنيا
٢

لو قابلك حد في الشارع وعرض عليك سلعه بسيطه مناديل مثلا
اديله فلوسها ومتاخدهاش
أو تزود الفلوس شويه ع تمنها الاصلي
هيفرح جدا و هتبقي جبرت بردو بخاطره
.
.
.
ادعي لكل اللي بتشوفهم ف طريقك وافتكر ان الملايكه بتقولك ولك بالمثل
يعني انت الكسبان اصلا
٣

لو لاحظت حزن في عيون حد (مش حداية )😂
حتى لو متعرفوش حاول تتكلم معاه وتهزر وتضحك
جايز بكده تهون عليه هم كبير هو شايله
.
.
خلي لسانك دايما طيب
متطلعش منه الا الكلمه الطيبه اللي بتدخل القلب
خليك مصدر للبهجه والطاقه الإيجابيه لكل شخص بيشوفك و لو بابتسامه
٤

افتكر دايماً بإن ✋
" من سار بين الناس جابراً للخواطر ، أدركه الله في جوف المخاطر "
خلي ليك أثر طيب فقلوب الناس ميتمحيش أبدا
عشان وقت م يفتكروك ..
يبتسموا ويدعولك 🍀🌸
دمتم مجبورين و جابرين للخواطر 💐
انتهي