اليوم راح اتكلم عن الموضوع كثير سالوني عنه وضع الصحة بالخريطة السنوية راح اتكلم عن صحة الجسدية بعدها الصحة نفسية يلا نبدا ؟ هنا عشان نشوف وضع الصحة نشوف البيت السادس بالخريطة السنوية ، اذا كان فيه زحل بالبيت السادس هنا ذي سنة تحتاج تهتم بصحتك اكثر ممكن فيه مشكلة بالعظام ..
الالم بالمفاصل ممكن ايضاً هشاشة عظام او فقر دم او نقص بالكالسيوم هنا لازم نهتم بالرياضة وفيتامينات لان ممكن يكون فيه نقص بالفيتامينات برضو ممكن صعوبة تنفس او نقص اكسجين لازم نهتم بصحتنا اكثر ، تمام نجي نتكلم عن بلوتو في البيت السادس هنا الامراض مفاجئة ممكن تجيك امراض بشكل منتكس..
كيف منتكس ؟ ممكن مثلا عندك مشكلة ربو بعيد الشر ممكن تجيك فجاه مشكلة بالضيق تنفس بشكل مفاجىء واي مشكلة انت غافل عنها راح تبرز هذي السنة بشكل مفاجىء عشان تقدر تعالجها عن ممكن مشاكل قلب مثلا عدم انتظام ضربات قلب او ارتفاع وانخفاض الدم ، برضو صداع نصفي ، جهد بدني يمرضك ممكن بعد ..
بعد يوم طويل من شغل ممكن يوم ثاني تتعب من الشغل الي سويتيه تمرض كالحرارة زكمه احتقان الخ ، لما يكون بلوتو سادس راح يضعف المناعة فا لازم تهتمون بمناعتكم ذي سنة ، حلو عندنا مريخ برضو هنا مشاكل بالضغط والقلب وتنفس ممكن انقطاع نفس بشكل متكرر او ارتفاع ضغط بسبب ضغوطات عالعموم هو ..
.. التعب بيكون بسبب الضغوطات وكبت وعصبية الزايدة وللمعلومية بتكونون جداً حريصين بتنفيذ جميع المهام وجميع العمل وباحسن شي كلما ضغطتو نفسكم كلما تعبتو برضو مشاكل بالصداع والالم بالراس او طنين بالاذن خصوصا لو كان مريخ جوزاء ، لو كان مريخ متراجع يدل ان فيه مشاكل صحية قديمة بس تم ..
.. بس تم تجاهلها لفترة طويلة ولازم تعالجون مشكلة او تتفاقم مريخ هنا كانه تحذير الله يبعد عنا وعنكم الشر ويشفي جميع المرضى ❤️ ، حلو طيب نجي من زهرة اتصالات سلبيه كثيرة مع كواكب خصوصا مع اورانوس وشمس والمريخ هنا ممكن تسبب مشاكل بالرحم عدم انتظام الدورة الشهرية او الالم بالبطن ..
.. القولون العصبي برضو مشاكل بالرحم بس مو دايم ممكن بعض الاحيان من كثر توتر والقلق يزيد القولون العصبي او يعطي الالم بالبطن ، القمر بالسادس هنا فيه خوف من صحة برضو ممكن ذي سنة ترعى شخص مريض او بتصير شخص يرعى الناس المحتاجة مساعدة سواء نفسيا او جسديا بتحب تساعد وراح تقلق على ..
.. وراح تقلق على صحتك بشكل واضح ، اذا كان قمر بالعذراء او جوزاء بالبيت سادس هنا تعب فكرياً اكثر شي تفكير مستمر صداع ارق يعني من الاخر شخص هنا يرهق نفسه بنفسه خصوصا اذا وجد معه عطارد بالبيت سادس تفكير الزايد ياكل فيه طول سنه ومتعبه ومستنزفه بس شخص مو حاسس والالم صداع قوي عليهم ..
.. برضو فيه مشاكل بالجسم بس ممكن عضو من اعضائهم يعني مثل بعض الاحيان جوزاء اليد او الرجل ممكن تحسون فيه ضعف فيها او الالم فيها دائم او رعشة ورجفة مستمرة ، يكون يعني عضو من اعضائك مسبب مشكلة على حسب برج وحاكمه واتصالاته نعرف اي عضو ، حلو نجي للمشتري هنا تحسن بالوضع الجسدي ..
وممكن يسبب لكم سمنه يعني وضعكم كويس كل شي تمام بس كل شي زايد زي مثلا الاكل يكون زايد او سهل تسمنون بسرعه ، الفيتامينات تاخذونها بشكل مستمر او زايد يعني زي الي كل شي زايد بس انتبهو من زيادة الي مالها فايدة لان اي شي يزيد عن حده ينقلب ضده بس راح يكون وضع كويس خصوصا اذا مشتري ..
.. خصوصا اذا مشتري اتصالاته ايجابية هنا صحه توب بس اذا سلبيه ممكن فيه امراض خفيفه بتجي لصاحب سنويه بس بيعديها وتصير افضل واذا علاجها معد بترجع باذن الله وبعد ما يعالجها بيكون افضل من اي وقت ، حلو نجي لشمس بالسادس هنا شمسك بسادسك يعني وش ؟ هنا تبي تعلمك صحتك مهمة جدا ذي سنة ..
.. تبي تعلمك العقل السليم بالجسم السليم يعني وش ؟ يعني يا صاحبي ممكن اهملت صحتك كثير او طنشتها وهي جايه تعلمك ان لازم تهتم باكلك بصحتك روتينك انك تبدا تاكل صحي تبدا تاكل اكل فيه فيتامينات يفيدك اي شي سلبي كنت تسويه او تاكله راح تغيره للايجابي وكلما عاندت بتلاحظ انتكاس بالصحه ..
.. كلما طنشت او عاندت بتلاحظ صحتك للاسوء لانك تجاهلتها كثير وهي تحتاج مساعدتك ذي سنه اي سلوكيات سيئة قبل كنت تسويها بتتركها مثلاً التدخين او الاكل الكثير راح يتغير ، راح تبدله امور ايجابية مثل رياضة شرب مويه كثير ، طبعا ذي سنه ممكن تحتاج رعاية لنفسك وبتلاحظين الي حولك يرعونك صحيا
او يسالونك كثير عن صحتك وعن وضعك صحي زيارات مستشفيات للفحوصات وغيره ، حلو طيب نجي للجانب صحه النفسية هنا شوي معقد بس بحاول اعطي المهم والواضح لان هو اعمق من كذا ويختلف من خريطة لخريطة وحسب الاتصالات وحواكم الخ .. ، كيف نعرض ان وضع صحة نفسية سيء شوي ؟ زحل اذا كان بالثامن او ..
او الثاني عشر حلو طيب تسالون ليش ؟ هنا شخص نفسياً بيحس باستنزاف عاطفي ونفسي ومن كثر صدامات راح يكون بارد او انفعالي راح يتهرب بهذي السنة من مشاعره وهذا سببه الكبت زحل الثامن و الثاني عشر هو صدماتك السابقة الي تجاهلته وتهربت منها وما عالجتها فا ذي سنة راح تطلع لك بالسطح عشان ..
.. عشان تعالجها ممكن تعرض للاكتئاب وصعوبة بالفهم مشكلة وهذا طبيعي بس هذي اكثر سنة لازم تفهم نفسك نفسياً فيها وتتساعدها هذي اكثر سنه لازم تكون مع نفسك ومع طفلك الداخلي وتعالجه من صدمات سواء قريبة او قديمة او حتى من طفولة لازم بذي سنة تراعون نفسكم كثير وتعطونها وقتها بالتحسن ..
.. وبدون ضغط عطو نفسكم وقتها ومساحتها ممكن تميل هذي السنة للعزلة بسبب سوء المزاج او النفسيه لا بإس بس حاول انك تبدا تعالج نفسك نفسياً وتتلقى المساعدة الي تحتاجها ، برضو زحل ثامن ما انصحه باخذ دين مالي او قرض او غيره سنه غير مناسبه لاخذ مال من احد او الاقتراض من احد تمام نجي ..
نجي نتكلم عن لو المريخ بيوتك النفسية الي هي ثامن او الثاني عشر هنا كبت غضب كبت حقد كبت زعل هو متعب نفسيتك خصوصا لو فيه اتصالات سلبية سواء مقابل كواكب او تربيع هنا نفسياً بتكون متضايق لان بتحس انك تستحق احسن راح تكبت تكبت وتنفجر فجاه راح تكون مزاجيه عاليه وبتلاحظ كلما تجيك حاله ..
.. حاله زعل راح تعزل نفسك وتفرغ غضبك تمام هنا لازم تفرغ غضبك بالطرق صحيحة ما تضرك مثلا بدال تدخين حاول تفرغها بالرياضة وهكذا لان ممكن الشخص هنا يصير يفرغ غضبه بالطرق عنيفة او شديدة مثل الرياضة بشكل زايد ومتعب وهذا خطر او تدخين بالشراره وهذا خطر برضو لان بيصير يبي يتخلص من شعور ..
.. من شعور باسرع وقت حاولو تفرغون مشاعركم باشياء تحبونهت وترتاحون لها ، بلوتو بالثامن او الثاني عشر هنا تحولات نفسيه قويه تغير جذريي طبيعي تجيكم مواقف تصحيكم نفسياً مثلا كنتو تحبون شخص بشكل مهووس ومتعب وتعلق عالي ممكن يصير موقف او شي يخليكم تصحون ان شخص ما يستاهل او مو كويس ..
مشاعر راح تموت كثيرة سواء لناس او للاماكن او للامور ، بتكون دروس شديدة لكن بتطلعون بالشخصية جديدة قوية بعد تحولات هذي وهذي تحولات بتطلع الحقيقة سواء ايجابية او سلبية راح تعرفون من الي معكم ويحبكم راح تعرفون من كويس ومن سيء راح تعرفون الصح والغلط والقرارت الي اتخذوتها غلط او صح ..
.. بس يمكن تحسون بالالم نفسي وتحولات قويه عليكم لو بلوتو كان اقتران قمر ممكن ياثر عليكم هنا انتو لازم لازم تراعون نفسكم وتعطون نفسكم الحب ورعاية والاهتمام لان بتحسون انكم تبون تنعزلون وبالتعب فا هنا لازم تعطون نفسكم الحب الكامل والاهتمام وتقبل الدروس وفهمها مهما كانت قويه راح ..
.. راح تكونون بعدها اقوى نفسياً وصعب تنكسرون بعد تجارب ودروس هذي السنوية ، حلو طيب نجي لتحسن النفسي وجود المشتري بالثامن او الثاني عشر تشافي جذرياً ونفسيا راح تلاحظون تحسن كبير بنفسيتك لو كنتو باكتئاب او تعب نفسي ابشركم حمدلله راح تطلعون منه باذن الله وراح تحسون بتحسن واضح ..
.. برضو مشتري ثامن يتلقى دعم من الي حوله بشكل واضح ناس قريبه وبعيده يساعدونه نفسيا ، برضو الثاني عشر الدنيا تتيسر له وتحميه قدر الامكان من صدمات نفسيه واصلن شخص ذي السنة بيكون روحاني بحت سواء بالتعمق بالروحانيات دينية وغيرها ، راح يهتم بصحته النفسية كثيرر ، طيب نجي للقمر هنا ..
.. القمر هنا بالثامن او الثاني عشر راح يعالج مشاكل الطفولة عالقة وصدمات قديمة عاطفية قديمة راح يحاول يعالجها ويعتني بنفسه كثير راح يميل للعزلة وكلما انعزل ارتاح نفسياً اما وجود قمر بالثامن راح يحاول يسيطر على مشاعره بيكون كتوم بشان كل شي بس يحاول يعالج صدماته عشان يصير قوي نفسيا
.. الثاني عشر بيكون هنا مراعي صحيح منعزل وترا راحته واسترجاع طاقته هي العزلة العزلة هي شفاء له ممكن يصير مره طيب ويكون مراعي ويعتني بالشخص مريض سواء من الاهل او الناس مو قريبين منه بس هنا لازم ينتبه من الاستغلال لان ممكن فيه الناس تحاول تستغل طيبته رغم نيته المساعدة فا لازم ينتبه
.. ويفرق بين الشخص الي فعلا يحتاج مساعدة وبين الاشخاص الي ما يحتاجون مساعدة واستغلالين لان طاقة قمر بالثاني عشر تجذب الناس مخادعة واستغلالية وتحب تاخذ وضعيه ضحيه وبرضو تجذب الناس تحتاج مساعده فعلاً ، حلو وجود الزهرة بالثاني عشر فقط بالثاني عشر في السنوية تدل على استشفاء من علاقة
.. من علاقة قديمة برضو من صدمات العاطفية فقط بالثاني عشر وجود زهرة ايضا بالثاني يدل على رفع استحقاقه و ثقته بنفسه وتحسن وضعه من ناحية العاطفية ونفسيه راح تكون كويسه ، عطارد بالثامن او الثاني عشر خصوصا لو كان مائي ومعه القمر هنا تفكير بالماضي بشكل مفرط ويمكن ندم او حسرة تحس جزء ..
.. جزء منك عايش في الماضي ومحاولة تخطي بس راح يكون تفكير فيه مفرط ومشتت وصعب على شخص تفكير بالمنطقية الا اذا كان عطارد ترابي بيكون ندم ومحاولة وضع حد للماضي بس بيكون يحلل الي صار معه وزي الي يتسائل كيف صار وشلون ويرجع يحلل موضوع عشان ما يغلط ويطيح فيه مره ثانيه بس بيكون مستنزف ..
.. مستنزفه فكريا له ، نجي لنقطة مهمة طيب لو شمس بالبيوت النفسية ؟ شمس بالثامن في السنوية او بالثاني عشر هنا تنبيه كبير ان تعطي صحتك نفسيه حقها واهتمامها عزلة اعتبرها صديق بهذي سنة بتكون بالراحة نفسية بالعزلة وانك تطلع لحالك وتسوي انشطتك الي تحبها لحالك تكون مع نفسك وترعها ..
.. طبعا بتتمر بتغيرات بتغير شخصيتك نظرتك للحياه كل شي راح يتغير افكار شخصيتك اعتقادات حتى ممكن حياتك سواء للافضل او للاسوء فا هنا لازم نركز ان نحسن حياتنا للافضل مو بالشكل يسحبنا لوراء ، نجي لاخر نقطة نسيت اتكلم عنها كوكبين الاخيرة هي نبتون واورانوس ، حلو طيب لو نبتون بالبيوت ..
.. بالبيوت النفسيه ؟ نبتون اذا اتصالاته ايجابية راح يكون كويس نفسيا راح يزيد الحدس والوعي النفسي راح يكون مرشد لك بتجيك احلام تنبهك ورسائل وحتى الناس يساعدونك كلما كان ايجابي كلما كانت الامور كويسه لان الافكار بتكون كويسه بس ممكن تفاؤل زايد لكن شخص رغم تشتته بينظر للجانب ..
.. للجانب الايجابي ، حلو طيب لو نبتون اتصالاته سلبيه هنا للاسف لازم ننتبه جداً من الافكار سلبيه انها تسيطر على شخص راح يفكر بشكل سلبي ومتشاؤم بشكل يهلكه ويخوفه من مستقبل من حياه من جاي بسبب افكاره سلبيه هنا شخص لازم يلقى طرق انه يناظر للايجابي ويحط حد للافكار السلبية ..
.. حلو نجي لاورانوس في بيوت نفسيه بالثامن و الثاني عشر هنا اعصار مشاعر رجوع مشاكل نفسيه قديمة وحتى علاقات ما انتهت بشكل مفاجىء هنا درسك انك تنهي مشاكلك لانك تركتها بالنص ومشيت لازم تعالج نفسك نفسياً عشان ما تعيش بالتشتت وضياع بشكل مستنزف ومتعب لك هنا لازم تنهي كل الماضي وتتعلم..
.. وتتعلم منه وتنهيه بشكل نهائي ، حلو نجي لاخر نقطة نسيت اذكرها في الصحة الجسدية هي وجود كوكب نبتون و اورانوس في البيت السادس صحياً كيف بيكون ؟ نبدا بنبتون تفكير زايد عن صحة توهم بالمرض او التعب كسل ، خمول ، نقص فيتامينات برضو خصوصا لو قمر اقتران نبتون بالسادس هنا توهم بالمرض ..
.. بالمرض جسدي وممكن يكون نفسي او ماله وجود الا انه تعب عادي ونفسي فقط كالشعور ، اما وجود اورانوس بيت السادس هنا امراض بشكل مفاجىء بس تجي الامراض بشكل سريع وتختفي بشكل اسرع مثلا زي زكمه او احتقان يجيك فجاه ويختفي بعد كم يوم تعافي بشكل سريع اذا اتصالاته ايجابية راح تكون متفهم ..
.. تكون متفهم وتقدر تتعامل معه ومتكيف معه لكن اذا كان سلبي بتكون تحس انك تمرض بالوقت غلط او انه مو وقته برضو بتكون مو متقبل برضو يدل على ضعف مناعة وممكن ظهور امراض جديدة عليك ما كانت فيك سواء حساسية او غيره ، وبس يا حبايبي اتمنى اني قدرت اغطي على الموضوع بالتفاصيل وان شا الله ..
وان شا الله انكم استفدو من الموضوع واذا حابين نظرح موضوع اخر جديد بالتفاصيل اكتبو لي بالكايروس كات وان شا الله اتكلم عنه بالتفاصيل ❤️
جاري تحميل الاقتراحات...