الكلام اللي بقوله ماهو تنظير ولا ادعاء مثالية هي نصيحة تبونها ولا خلوها
كثرة متابعة بثوث التيك توك والانغماس فيها واحده من الامور اللي تحولك الى شخص سطحي بدون ماتدرك هالشي، بالبداية تعدي امور كنت ترفضها ومن كثر ما تتكرر عليك عقلك يبدأ يتقبلها ثم تعيد تشكيل افكارك وتصير تحب تشوفها

ثم توصل لمرحلة يصير شغلك الشاغل تشوف فلان تضارب مع فلانه بالبث وفضيحه فلانه ومن هالسخافات وحتى لو ظاهرًا كنت ضد كل هالاشياء وتنتقدها الا انك راح تدمن مشاهدتها وتصير تشغل جل وقتك وتفكيرك، مجرد ما انك صرت تعرف تفاصيل وعلاقات هالاشخاص بين بعضهم فأنت وصلت لمرحلة خطيرة من الانحدار

والانحدار مايجي بيوم وليله ولا في انسان تحول من شخص جيد ذو فكر راقي الى شخص تافه فجأة، هي خطوات يتبعها الانسان دون ان يدرك لين يوصل لهذي المرحلة من الانحطاط
الله سبحانه يقول :
يا أيها الذين آمنوا لا تتبعوا خطوات الشيطان ومن يتبع خطوات الشيطان فإنه يأمر بالفحشاء والمنكر