العلاقة مع شخص نرجسي شي شائع جدا والفظيع فيها أنها تسلب الحرية والطاقه والحياة من الشخص الآخر وتسبب ضرر عاطفي كبير من العادي يستمر لسنوات. فمهم جدا تعرف شكلية العلاقة دي وكيف بتكون عشان تقي نفسك او تنقذها.
٦ علامات تدل على أنك مع شخص نرجسي:
٦ علامات تدل على أنك مع شخص نرجسي:
1. Non-productive argument style: بيغادر المكان في نص النقاش. النقاش بيستمر أيام وأسابيع. بيصرّخ ويعلّي صوته عشان يقدر يفوز بالنقاش أو يبدا يعلّي صوته بعد فوزه في النقاش كنوع من التأديب. بيمارس ما يسمى بال"السحابة السوداء" بحيث أنه دائما بيجلب الماضي والأخطاء القديمه في النقاشات.
2. Increase in negative feelings: انت كضحية بتشعر بعدم الأمان انك اشارك مشاعرك عشان بتخاف يستخدمها ضدك. زي كأنك دائما في محكمة. بتشعر بعدم راحة أو ألم جسدي حقيقي لمن "النرجسي" يكون معاك وجسدك بيرتاح لمن هو يمشي.
3. Unhelpful Personality & Temperament: النرجسي بيكون عنده طبع ضيق ونقص في التعاطف. دفاعي واذا حاولت مثلا توّقف عنفه العاطفي حيبرّر ليك انه هو بس قاعد يعبّر عن مشاعره. اذا شافك بتبكي او حزنت جدا او خفت أثناء هو بناقش فيك، ما حيوقف وحيستمر يشاكلك.
4. Non-productive communication style: لا يتقبّل النقد، وأول ما تبدا تنتقد حاجة عملها يبدا ينتقدك انت كمان كنوع من الدفاعيه وتمر ساعات من غير تتناقشو عن المشكله الحقيقية ودا نوع سيء من التلاعب. ما بيعتذر بتاتا البته، ولو اعتذر بيكون بشكل سطحي. واغلب الاحيان اساسا انت البتجي معتذر
5. Excessive Fantasy: انت كضحية بتكون دائما بتتخيل انك انهيت العلاقة، او هو اختفى من الوجود، او ربحت يانصيب او جاتك قروش كتيره وهربت منه، او انك دخلت في علاقه مع شخص اخر غيره. دا كله نوع الخيال يدل انك في حالة انزعاج شديد جدا.
6. Manipulation: النرجسي بيمارس انواع من التلاعب زي انه يستعمل أفضليه عليك ضدك، زي مثلا انتو متزوجين وهو شغال وانتي لا؛ فبيستعمل القروش انه يسيطر عليك او يحرمك من حاجات وكدا. بيمارس "المعاملة بالصمت" بحيث كل ما تحصل حاجة ما عجبته بيرفض يتكلم معاك فترة طويله.
بيحسسك انك دائما بتحتاج ليهو وانه من غيره انت ما حتقدر تتصرف في حياتك وانك ما قوي كفايه او ناضج كفايه وبيذكر ليك مواقف اتفضل عليك بيها. بيحاول يعزلك من الدعم والمسانده من اصحابك، ويبرر الحاجة دي انه يوصفك انك درامي/ة وما كل مشكله تحكيها لاصحابك.
او لو كنتو متزوجين بيمنعك تفكر تمشي لاستشاري زوجي او معالج نفسي وبيوصفها كدراما وتحجيم مواضيع.
السؤال مهم جدا: هل العلاقة مع شخص نرجسي ممكن تتصلح وتبقى كويسه؟
قبل ما نجاوب على السؤال دا اسأل نفسك أولا، هل اصلا العلاقة تستحق انه تتصلح؟ هل الشخص دا عنده صفات او وأيًا كان حاجات تستحق عشانها انك تحاول تصلّح العلاقة؟
قبل ما نجاوب على السؤال دا اسأل نفسك أولا، هل اصلا العلاقة تستحق انه تتصلح؟ هل الشخص دا عنده صفات او وأيًا كان حاجات تستحق عشانها انك تحاول تصلّح العلاقة؟
اذا كان الجواب "نعم" (ودي حاجة نادرة) اذاً انا حأجاوب على السؤال الأول واقول ليك انه على عكس ما يقال في السوشال ميديا ونصائح اصحابك، هي ممكن انها تُنقَذ وتتصلح، انك "ترحل وتتخارج" على الرغم انه منطقي لكن دا الخيار السهل وأحيانا اصلا هو ما خيار، زي مثلا انتو متزوجين وعندكم اطفال.
لازم أولا النرجسي يكون واعي وعارف انه هو نرجسي، لأنه اكبر معضله عنده انه هو اصلا ما عارف ولا يدرك بتاتا انه هو نرجسي. فالخطوة الأولى تكون انك تساعده يوعى لنقطه انه هو نرجسي. تاني خطوة لازم النرجسي يقرر بشكل كامل انه عايز يتغير ويضع النية دي في قلبه. ثالثا انت كمان تكون
صبور جدا ومتماسك لانه المشوار انقاذ العلاقة حيكون متعب وطويل جدا. ويفضّل جدا تزوره معالج نفسي واستشاري علاقات (يكون عنده بكالوريس علم نفس اقل حاجه، ما كورسات السوق العربي).
أهم نقطه انوه عليها، انه حتى بعد انقاذ العلاقة، صفات النرجسية حيكون باقي فيها آثار بسيطه وصغيره جدا
أهم نقطه انوه عليها، انه حتى بعد انقاذ العلاقة، صفات النرجسية حيكون باقي فيها آثار بسيطه وصغيره جدا
وحتحس بيها في تصرفاته من فترة لأخرى، فما تتوقع انها تنمحي كلها ١٠٠٪. عموما كل ما انت صغيّر في العمر وكل ما الشخص دا انت حاسس انه ما بيستحق المشوار دا كله. أذكى واحسن وانسب خيار انك تتخارج. بالذات اذا ما توفرّت الشروط الفوق. خيار انقاذ العلاقة دا يكون بعد تفكير وتمحيص جاد. (انتهى)
جاري تحميل الاقتراحات...