١.يوم الأحد اللي فات، فيه مجموعة مصريين شكوا في طفلين سودانيين ( تحت ال ١٨ سنة ) واقفين قدام عمارة في منطقة مساكن عثمان في أبناء الجيزة في مدينة ٦ اكتوبر، الطفلين بحسب عائلاتهم كانوا في طريقهم للشغل لتنظيف البيوت المبنية حديثا
مسكوهم واتهموهم بالسرقة وربطوهم في عمود كهربا وعذبوهم ضرب وإهانة لحد ما الشرطة جات اخدت تليفونات الناس اللي بتصور وقبضت على الطفلين وحبسوهم ليلة وتاني يوم امبارح عرضوهم عالنيابة اللي حققت معاهم بدون حضور محامي ولا معرفة ذويهم ولا السماح ليهم بابلاغهم
، حتى الآن ومن يوم الأحد الأطفال محبوسين والعائلات مش عارفين هم متهمين بإيه وليه، ومفيش أي معلومة واضحة، والقسم رفض الزيارة من الأسرة.
ارجو ان @EgyptianPPO تتدخل للافراج عن الطفلين والتحقيق في واقعة الاعتداء عليهم،
ارجو ان @EgyptianPPO تتدخل للافراج عن الطفلين والتحقيق في واقعة الاعتداء عليهم،
القانون يطبق لكن ان طفلين - حتى لو سرقوا - يتربطوا بالشكل ده في الشارع ويتضربوا بالهمجية دي قدام أطفال من سنهم وجيلهم، الموضوع ده مينفعش يعدي، واللاجئين ( الكبار والصغار) ليهم حقوقهم وابسط حق فيه حصولهم على العدالة.
شوفنا مواقف مشرفة في السنين اللي فاتت للنيابة العامة في قضايا الاعتداء على الأطفال اللاجئين، نرجوا نشوف نفس الموقف، ونرجوا نشوف موقف من خط نجدة الطفل و المجلس القومي للطفولة والامومه
المنظمات اللي بتقوم بتقديم الدعم للاجئين وعلى رأسهم @UNHCREgypt لازم يقدموا كل الدعم القانوني والنفسي اللازم للضحايا في الاعتداء ده، ولازم يتوضح للعائلات ايه المراكز القانونية لاولادهم.
منطقة مساكن عثمان وأبناء الجيزة واحدة من المناطق في القاهرة الكبرى بيتم تسجيل معدلات عالية جدا من الاعتداءات العنصرية والبدنية على اللاجئين وملتمسي اللجوء فيها، في أكتوبر ٢٠٢٠ تم قتل الطفل السوداني محمد حسن في نفس المنطقة، المناطق دي محتاجة يتفتح الباب للباحثين للمساهمة في الحل
السماح للمجتمع المدني انه يشتغل فيها للتنمية والتوعية وتغيير الصور النمطية ومواجهة العنف القائم على النوع الاجتماعي المرتفع معدلاته خاصة تجاه النساء والأطفال، لأن الحلول الأمنية وحدها مش كفاية للتغيير، لكنها مهمة لتحقيق العدالة
جاري تحميل الاقتراحات...